Zakari 12

A Sore na faa nɩ a Zerizalɛm bɛ na tɩ piw a

1Ƴɛ̀rʋ a Sore na ƴɛ̀r a Ɩsɩrayɛl ƴãw a.

Nyɛ̃ a lɛ a Sore na yere a,

ʋl na dɔl a salom a,

ʋl na sʋ̃ɔ́ a tẽsɔw pɛr,

ɛ́ kʋ̀ a nyɔ-vʋʋrʋ a nɩsaal a:

2«Ɩ̃ na ɩ na a Zerizalɛm ɩ koli-nyúura#12:2 Koli-nyúura: A dɔwrʋ a Naaŋmɩn na na ƴãw a bãwfʋ n'ʋ. Nyɛ̃ Zer 25.15, Ezek 23.31, Abd 1.16. na paalɩ a ɩ̃ suur divɛ̃ a: ʋ na ƴãw nɩ niw-viir a nɩ-bʋʋrɛ za na kpɩɛr viiri koli ʋ a. A niw-viir na páw nɩ a Zuda tẽw dem za, a lɛn daar a dɔ̃ dem nãà wa piw a Zerizalɛm a. 3A lɛn daar, ɩ̃ na ɩ na a Zerizalɛm ɩ kʋsɛ-kpɛ̃ɛ a nɩ-bʋʋrɛ na na bɔbr kɛ́ bɛ zɛw ìr'ɩ a. A bɛlɩ dem nãà wa yel kɛ́ bɛ ɩ kaa a, na ƴãw nɩ natɩɛ bɛ tʋɔra. Lɛ n'a a tẽw zu nɩ-bʋʋrɛ za na lãw taa zɛbr'ɩ ʋ. 4A lɛn daar a, mãa n'ʋ yere, a mãa Sore, ɩ̃ na ɩ na pʋl-vʋ̃ɔ nyɔw a bɛ wie za, ɛ́ yãyaar tɛr a bɛ wur-zɔmnbɛ. Ɩ̃ na gù n a Zuda nɩbɛ, ɛ́ ɩ a nɩ-bʋʋr-yoru wie za a zɔ̃w. 5A Zuda niw-dierbɛ na yere nɩ bɛ tʋɔra: “A Sore, a Kpɛnʋ-za-sob, a Naaŋmɩn zie n'a a Zerizalɛm tẽw dem nyɛrɛ a bɛ fãw.” 6A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

7A Sore na de nɩ niwn faa a Zuda yie nɩbɛ, k'aa Daviir bʋʋrɛ nɩ a Zerizalɛm tẽw dem taa tɩ́ɛrɛ kɛ́ bɛ gãw nɩ a Zuda nɩbɛ ŋmaarɛ ɩ. 8A lɛn daar a, a Sore na gù n a Zerizalɛm nɩbɛ: a bɛl na bɛ tɛr fãw kãw za a bɛ pʋɔ a na kpɛmɛ na mɛ̃ a Daviir a, ɛ́ a Daviir bʋʋrɛ ɩ mɛ̃ a Naaŋmɩn a bɛ zie a, mɛ̃ a Sore malkɩ na de bɛ niwn a.

A tẽw za na kõ n kuor

9A Sore yere na: A lɛn daar a, ɩ̃ na ƴãw nɩ fãw kʋ a nɩ-bʋʋrɛ bɛl za na na wa wa zɛbr'ɩ a Zerizalɛm a pàw pɛr. 10Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw#12:10 Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw: A pɛr lɛ k'aa Sore nɩ-tona kũu mɩ́ ɩ n a Sore mɩŋa kpɩɛrʋ. Lɛ n'a bɛ yel a Wõ-ta-paala sɛbɛ pʋɔ. Nyɛ̃ Zã 19.37.. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a. 11A lɛn daar a, ko-kpɛ̃ɛ na maal'ɩ a Zerizalɛm, mɛ̃ a lɛ bɛ na mɩ́ maalɩ Hadadɩ Irimon#12:11 Hadadɩ-Irimon: Fenisi tẽw ŋmɩn kãw n'ʋ. A bɛlɩ dem na tɩ ƴãwnɛ ʋ a mɩ́ tɩ tɩɛr'a k'ʋʋ mɩ́ kpi n a bʋ̃-dieri-deb baarʋ daar, ɛ́ mɩ́ lɛb vʋʋrɛ a sɩ̃ɔ. A Megido fʋɔla pʋɔ n'a bɛ mɩ́ tɩ maalɛ a bagɛ kʋ̀rɛ ʋ. kuor a Megido fʋɔla pʋɔ a. 12A tẽw dɔwlʋ za na mɩ́ maal'ɩ a kuor ʋ tɛwr zie: a Daviir bʋʋrɛ dɔwlʋ pʋɔ a, dɛbr bɛ tʋɔra, pɔwbɛ bɛ tʋɔra. A Natan bʋʋrɛ dɔwlʋ pʋɔ a, dɛbr bɛ tʋɔra, pɔwbɛ bɛ tʋɔra. 13A Levi bʋʋrɛ dɔwlʋ pʋɔ a, dɛbr bɛ tʋɔra, pɔwbɛ bɛ tʋɔra. A Simeyi bʋʋrɛ dɔwlʋ pʋɔ a, dɛbr bɛ tʋɔra, pɔwbɛ bɛ tʋɔra. 14Lɛ mɩ̀ n'a a dɔwlʋ al za na cɛ a, mɩ̀ na maalɩ a kuor dẽdeni, a dɛbr bɛ tʋɔra, pɔwbɛ bɛ tʋɔra.

Currently Selected:

Zakari 12: DBDC

Highlight

Copy

Compare