A Yielu za pʋɔ yiel-vla vla 2
2
1Ɛ́ mãa a, ɩ̃ ɩ n a Saron tɩ̃tal#2:1 Tɩ̃tal-kpɛ̃ɛ na be a Karmɛl tan saa-pɛrɩ́-dʋrʋ-lowr a n'ʋ. mɔ̃-puuru,
a bà-fʋɔlɩ pʋɔ mɔ̃-puuru na vɩɛl vɩɛl a.
A pɔlbile
2Mɛ̃ mɔ̃-puuru na vɩɛl vɩɛl gʋʋr pʋɔ a,
lɛ n'a a ɩ̃ sɛn ŋmɛ̃ a pɔwsɩrali sɔgɔ!
A pɔwsɩrale
3Mɛ̃ tɩ-wɔna na be tuw pʋɔ a,
lɛ n'a a ɩ̃ nɩ-nɔna ŋmɛ̃ a pɔ́lɛ́ sɔgɔ!
Ɩ̃ nɔnɛ nɩ a ʋ ɓaarʋ́ zɩma,
ɛ́ a ʋ wɔmɛ nʋmɛ a ɩ̃ nʋɔrɩ́.
4Ʋ tɛr mɛ̃ na kpɛ n a divɛ̃ nyub zie,
ʋ pili na pàw mɛ̃ nɩ a ʋ nɔ̃wfʋ.
5«Nyɩ kʋ̀ m divɛ̃ tɩɛ wɔmɛ gatori fɔ̃w ɩ̃ 'wɔb tɛr fãw,
nyɩ sanɩ mɛ̃ nɩ tɩ-wɔmɛ,
bʋ̃ʋ n'ʋ vɛ̃, nɔ̃wfʋ bàalʋ tɛr mɛ̃ na.»
6A ʋ gʋba nũu kɔw nɩ a ɩ̃ zu,
ɛ́ a ʋ dʋrʋ nũu kãkori mɛ̃.
A pɔlbile
7Zerizalɛm pɔwsɩrali i, ɩ̃ zɛlɛ nyɩ nɩ yãayãa,
a muli nɩ a póru pʋɔ walɩ#2:7 A nɩbɛ bɛ ŋa zie a, a mɔlʋ bɩɩ a wala tɩ ɩ n dɛb nɩ pɔw nɔ̃w-taa bãwfʋ. yúor ƴãw:
nyɩ ta sɩ̃w a ɩ̃ nɔ̃wfʋ ɛ, nyɩ ta dam ʋ, ʋʋ bɛ sàw sɛr ɛ.
A pɔlbile n'ʋ waar
A pɔwsɩrale
8Ɩ̃ wone nɩ a ɩ̃ nɩ-nɔna kɔkɔr!
Nyɛ̃ ʋ: ʋ waar'a!
Ʋ pálɛ nɩ a tã-bɛrɛ zu,
ƴawr dúor a tãli zu.
9A ɩ̃ nɩ-nɔna ɩ na mɛ̃ mɔlʋ bɩɩ wal-bile a.
Nyɛ̃ ʋ ʋ àr a tɩ dapùorí,
ʋ jɩ́rɛ nɩ a tokoro vʋɔrɩ́,
ʋ piwre nɩ a tokoro vɛɛ ƴãw.
10A ɩ̃ nɩ-nɔna ƴɛ̀rɛ nɩ a ɩ̃ zie:
«Ɩ̃ nɩ-nɔna a, ɩ̃ pɔl-bɛ-cɛ ɛ, ìr wa.
11Bʋ̃ʋ n'ʋ vɛ̃, a sɩ̃ɔ tɔl'a,
a saa ŋmãa na, ʋ kul'a.
12A póru mɔ̃-puuru sãá na,
a yielu cɛb daar ta na.
Ɛ́ a tɩ tẽw pʋɔ a, bɛ wone nɩ a ŋmam kon.
13A kãkã-wɔ̃-kɛrɛ mʋ̃ɔnɛ nɩ a tɩɩr zu.
A divɛ̃ tɩɩr puuru nyũu pàw nɩ a ziir.
Ɩ̃ sɛn ɩ, ɩ̃ pɔl-bɛ-cɛ ɛ, ìr wa!
14Ɩ̃ naŋmam ɩ, fʋ̃ʋ na be a pie bɔwrɩ pʋɔ a,
fʋ̃ʋ na sɔwlɩ a fʋɔl-cũgbuli bɔwrɩ pʋɔ a,
wul mɛ̃ a fʋ niwn.
Ɩ ɩ̃ wõ a fʋ kɔkɔr, bʋ̃ʋ n'ʋ vɛ̃, a fʋ kɔkɔr vla tɔ!
Ɛ́ a fʋ niwn mɩ̀ vla tɔ!»
A mã
15Nyɩ nyɔw a tʋrbaar kʋ̀ tɩ,
a tʋr-bali na sãwnɛ a divɛ̃ tɩɩr a,
a tɩ divɛ̃ tɩɩr na pu a.
A pɔwsɩrale
16Ɩ̃ so nɩ a ɩ̃ nɩ-nɔna, ʋʋ mɩ̀ so m.
Ʋ àr'ɩ nɩ a ʋ dʋn a lisɩ mɔ̃-puuru pʋɔ.
17Ɩ̃ nɩ-nɔna a, a zaanʋɔra wa ta a,
a ɓaarʋ wa lɩɛbɩ a, fʋ̃ʋ lɛb wa.
Zɔrɛ mɛ̃ mɔlʋ bɩɩ wal-bile a,
a tã-bɛrɛ na bʋ́r bʋ́r a zu.
La Bible en Dagara © Alliance Biblique du Burkina Faso, 2013.