Ʋrɔm 10
10
1 Yɛbr i, a ʋlɩ bom nɛ ɩ̃ na bɔbr'ɩ ɩ̃ pʋɔ za, ɛ́ zɛlɛ a Naaŋmɩn zie a Zifʋ mɩnɛ ƴãw a, ʋlɛ n'ɩ kɛ́ bɛ nyɛ̃ a faafʋ. 2Sɩza n'a, ɩ̃ na tʋ̃ɔ́ na dɩ a bɛ dãsɩɛ bɛ na tʋlɛ a Naaŋmɩn yele pùor-tub ƴãw a, ɛcɛ a tʋlʋ ŋa bɛ na tʋlɛ a bɛ tu Naaŋmɩn bãwfʋ sɩza ɩ. 3Bʋ̃ʋ n'ʋ vɛ̃, bɛ bɛ tɩ bãw a lɛ a Naaŋmɩn na mɩ́ ɩ a nɩsaalbɛ bɛ lɩɛbɩ nɩ-mɩn a ʋ niŋé a ɩ, ɛ́ tɩ bɔbr kɛ́ bɛ tɛr bɛ tʋɔra tub a al ƴãw. À ŋá n'a bɛ bɛ tɩ sàw de a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a ɩ. 4Bʋ̃ʋ n'ʋ vɛ̃, a Kɩrɩta maal'ɩ a ʋlɩ bom nɛ a Moyiir wulu na tɩ bɔbr k'ʋʋ ɩ a, kɛ́ sob nɛ za na sàw de a tʋ̃ɔ́ lɩɛbɩ nɩ-mɩŋa a Naaŋmɩn niŋé.
Bɛlɩ dem za na sàw de a Sore a na nyɛ̃ nɩ a faafʋ
5À ŋá n'a a Moyiir sɛb càar'ɩ a mɩnʋ na na tʋ̃ɔ́ yi a Wulu pʋɔ a: «Sob nɛ na sàw a Wulu nɛ-ƴãwnɩ a, a na ɩ na k'ʋ vʋʋrɛ#10:5 Nyɛ̃ Lev 18.5..» 6Ɛcɛ à ŋá n'a a ƴɛ̀rʋ na ƴɛ̀r càar'ɩ a mɩnʋ na na tʋ̃ɔ́ yi a sàw-deb pʋɔ a ƴɛ̀r: «Taa tɩɛrɛ fʋ pʋɔ yere: Ãa n'ʋ na do a salom zu?» (A pɛr lɛ k'ʋʋ tɩ ɩ a Kɩrɩta ʋ siw). 7Bɩɩ: «Ãa n'ʋ na siw a kpɩmɛ tẽw?» (A pɛr lɛ k'ʋʋ tɩ ɩ a Kɩrɩta ʋ yi a kũuni pʋɔ do wa). 8A na ɩ à ŋá a, a ƴɛ̀rʋ ƴɛ̀r'a kɛ́ bo? Kɛ́: «A ƴɛ̀rʋ pɩɛl'ɩ fʋ na, ʋ be n a fʋ nʋɔrɩ́ nɩ a fʋ socir pʋɔ#10:8 Nyɛ̃ Wl-ayi 30.12-14..» A ƴɛ̀rʋ ŋa ɩ n a ƴɛ̀rʋ na càarɩ a sàw-deb a, a ƴɛ̀rʋ ŋa n'ʋ tɩ hiere. 9A fʋ nʋɔr wa háa yel k'aa Yeezu n'ɩ a Sore a, ɛ́ fʋ̃ʋ wa sàw de nɩ fʋ pʋɔ za k'aa Naaŋmɩn ɩ na k'ʋ lɛb yi a kũuni pʋɔ a, fʋ na nyɛ̃ nɩ a faafʋ. 10A sàw de nɩ a pʋɔ za, alɛ n'a waar'ɩ a mɩnʋ, ɛ́ a nʋɔr na háa yel a pʋɔ n'a a faafʋ yire. 11Bʋ̃ʋ n'ʋ vɛ̃, a Sɛb-sõw yere nɩ à ŋá: «Sob nɛ za na sàw de ʋ a, ʋ kʋ̃ nyɛ̃ vĩ ɛ#10:11 Nyɛ̃ Ɩza 28.16..» 12A na ɩ à ŋá a, owru bɛ ka a Naaŋmɩn zie a Zifʋ mɩnɛ nɩ a bɛl na bɛ ɩ Zifʋ mɩnɛ a ƴãw ɛ: bɛ za lãw nɩ a Sore been, na mɩ́ kʋ̀ a ʋ na-bome a bɛlɩ dem za na bʋɔlɛ ʋ a. 13Bʋ̃ʋ n'ʋ vɛ̃, a Sɛb-sõw yel'a kɛ́: «Sob nɛ za na bʋɔlɛ a Sore yúor a na nyɛ̃ nɩ a faafʋ#10:13 Nyɛ̃ Zow 3.5..»
14Ɛcɛ ŋmɩŋmɩn n'a bɛ na bʋɔlɩ ʋ, ɛ́ bɛ sàw de ʋ? Ɛ́ ŋmɩŋmɩn n'a bɛ na sàw de ʋ, ɛ́ bɛ wõ a ʋ yele? Ɛ́ ŋmɩŋmɩn n'a bɛ na ɩ wõ a ʋ yele, nɩr bɛ wa be be hiere a ʋ yele a? 15Ɛ́ ŋmɩŋmɩn n'a bɛ na ɩ hiere a ʋ yele, bɛlɛ bɛ wa tõ nɩbɛ a al ƴãw a? Mɛ̃ a lɛ a Sɛb-sõw na yel a: «Nyɛ̃ a yel-vɩɛlɩ yerbɛ waa na vɩɛl a!#10:15 Nyɛ̃ Ɩza 52.7.» 16Ɛcɛ a nɩbɛ za bɛ nɛbɛ sàw de a Yel-nʋ̃ɔ̀ ɩ. Bʋ̃ʋ n'ʋ vɛ̃, Ɩzayi yere nɩ à ŋá: «Sore e, ãa n'ʋ sàw de a yel tɩ na hieri a?#10:16 Nyɛ̃ Ɩza 53.1.» 17A na ɩ à ŋá a, a sàw-deb mɩ́ yi n a yel fʋ na wõ a zie, ɛ́ a yel fʋ na wõ a ɩ a Kɩrɩta ƴɛ̀rʋ.
18Lɛ n'a ɩ̃ pãa sowre: a Zifʋ mɩnɛ taa ɩrɛ bɛ wa wõ a yel ŋa ʋ? Bʋnʋ ɩ, bɛ wõ ʋ na! À ŋá n'a a Sɛb-sõw yere:
«A bɛ kɔkɔr yi na làarɩ a tẽw za,
ɛ́ a bɛ ƴɛ̀rʋ tɔ a tẽw baarʋ ziir za#10:18 Nyɛ̃ Ssy 19.5..»
19Lɛ n'a ɩ̃ pãa sowre a: a Ɩsɩrayɛl nɩbɛ bɛ bãw a pɛr bɩɩ? Bʋnʋ ɩ, Moyiir de nɩ niwn yel à ŋá:
«A Naaŋmɩn yere na:
Ɩ̃ na ɩ na nyɩ nyuur'ɩ nɩbɛ
na bɛ ɩ nɩ-bʋʋrɛ mɩ̀ a,
ɩ̃ na ɩ na a nyɩ suur ír
nɩ-bʋʋrɛ na bɛ tɛr yã a ƴãw#10:19 Nyɛ̃ Wl-ayi 32.21..»
20Ɩzayi ʋl sʋ̃ɔm'a sàw yel: «A Naaŋmɩn yere na: A bɛlɩ dem na bɛ tɩ
bɔbr mɛ̃ a, bɛ nyɛ̃ m'a,
a bɛlɩ dem na bɛ tɩ sowre mɛ̃ a,
ɩ̃ ɩ na bɛ nyɛ̃ m#10:20 Nyɛ̃ Ɩza 65.1..»
21Ɛcɛ à ŋá n'a ʋ yel càar'ɩ a Ɩsɩrayɛl nɩbɛ:
«Ɩ̃ tur'ɩ nuru bibi-ɓil za cɔw nɩbɛ
na bɛ sàwr nʋɔr ɛ́ ɩ nɩ-gaarɩ a#10:21 Nyɛ̃ Ɩza 65.2..»
Currently Selected:
Ʋrɔm 10: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
