Yel-wula 9
9
1A malkɩ anũu sob tɩ pɛbl'ɩ a ʋ wɩ́ɛ. Ɩ̃ tɩ nyɛ̃ nɩ ŋmar-bir ʋ yi a salom zu wa lo a tẽw. Bɛ tɩ kʋ̀ ʋ nɩ a kɔ̃tɔmɛ dɔwrʋ bɔw-zulu#9:1 Nyɛ̃ Luk 8.31. pĩi. 2A ŋmar-bir tɩ yuo nɩ a kɔ̃tɔmɛ dɔwrʋ bɔw-zulu, ɛ́ zʋ̀ʋ́r na ɩ mɛ̃ vũu-kpɛ̃ɛ zʋ̀ʋ́r a ìr do. A tɩ ɩ na a mʋ̃tɔ̃w nɩ a zie a liw. 3Sãsoge tɩ yi n a zʋ̀ʋ́r pʋɔ yɛ́r pàw a tẽw. Bɛ tɩ kʋ̀ a nɩ fãw na ŋmɛ̃ taa nɩ nan fãw a. 4Bɛ tɩ yel a na k'aa taa wa ɩrɛ mʋ̃ɔ kãw za, nɩ váar kãw za, nɩ tɩɛ kãw za bom ɛ, ɛcɛ, a ɩrɛ a kpɩɛr a nɩsaalbɛ bɛl na bɛ tɛr a Naaŋmɩn bãwfʋ a bɛ gbẽé a. 5A bɛ tɩ tɛr sɔ́r na kʋ a nɩbɛ bɛ ŋa ɩ, dɔwrʋ tɛwr'a a na dɔwrɛ bɛ tɩ ta cuwr anũu. Ɛ́ a dɔwrʋ a na ƴãwnɛ a ɩ na mɛ̃ nãw na mɩ́ tɛb nɩr a. 6A alɩ bibie nɛ a, a nɩsaalbɛ na bɔbr'ɩ a kũu ɛ́ kʋ̃ nyɛ̃ ʋ ɛ, bɛ na bɔbr'a kɛ́ bɛ nãá kpi, ɛ́ a kũu mɩ́ zɔ kɛ́ bɛr bɛ.
7A sãsoge á ŋá tɩ ŋmɛ̃ na taa nɩ wie bɛ na cɔbrɩ zɛbr ƴãw a. A zuru tɩ ɩ na mɛ̃ nãà-kpawʋʋr na ɩ salm-zɩɛ a n'a a vɔblɩ a, ɛ́ a niŋe tɩ ɩ mɛ̃ nɩsaalbɛ niŋe a. 8A zukɔbɛ tɩ ɩ na mɛ̃ pɔwbɛ zukɔbɛ a, ɛ́ a nyɩ́mɛ ɩ mɛ̃ gbẽw nyɩ́mɛ a. 9A mɩ́ tɩ ɩ na mɛ̃ kure kparʋ n'ʋ a su pàw a nyãa a, ɛ́ a pɩgɛ gɔmɛ mɩ́ tɩ ɩ mɛ̃ wi-yaga zɛbr-torkori gɔmɛ a na tawr zɔrɛ nɩ zɛbr zie a. 10A tɩ tɛr'ɩ zʋɛ na ŋmɛ̃ taa nɩ nan zʋɛ a, zʋ-ɓɩlɓɩl, ɛ́ a fãw a na tɛr dɔwrɛ nɩ a nɩsaalbɛ a cuwr anũu a, a zʋɛ pʋɔ n'a a fãw ŋa be. 11A tɛr'ɩ nãà na ɩ a kɔ̃tɔmɛ dɔwrʋ bɔw-zulu malkɩ a. Bɛ bʋɔlɛ ʋ nɩ «Abadɔ̃» a ebre ƴɛ̀rʋ pʋɔ, ɛ́ bʋɔlɛ ʋ «Apolɩ̃ɔ», a gɩrɛkɩ ƴɛ̀rʋ pʋɔ.
12A zu-bio dãw-niwn sob tɔl'a, ɛ́ zu-bio ayi n'ɩ á ŋá na waar a pùorí a.
13A malkɩ ayʋɔb sob tɩ pɛbl'ɩ a ʋ wɩ́ɛ. Ɩ̃ tɩ wõ n kɔkɔr ʋ ƴɛ̀rɛ yire a salm-zɩɛ bàwr-maal-kuur na be a Naaŋmɩn niŋé a gõgone anaar ƴãw.
14A kɔkɔr tɩ yere na kʋ̀rɛ a malkɩ ayʋɔb sob na tɛr a wɩ́ɛ a: «Cɛr a malkɩ anaar bɛ na 'lẽ a Efaratɩ man-kpɛ̃ɛ nʋɔr a bɛr.» 15Bɛ tɩ cɛ̀r'ɩ a malkɩ mɩnɛ anaar bɛr na tɩ cɔbrɩ gù a tɛm, a bibir, a cuw nɩ a yũon bɛ na na kʋ a nɩsaalbɛ na põ ziir ata a zi-been dem a. 16Ɩ̃ tɩ wõ n a zɛbr-nɩbɛ na zɔm a wie a nʋɔr: bɛ tɩ ɩ n tu-túr kɔbr ayi (200 000 000). 17A ɩ̃ yel-nyɛra pʋɔ a, à ŋá n'a a wie nɩ a zɔmnbɛ tɩ sãá: bɛ tɩ su n kure nyãa-kpali na mʋ̃ɔ mɛ̃ vũu a, a mɩnɛ ɩ sɛblɛ mɛ̃ kʋsɛ-bi-nyɩla kãw bɛ na bʋɔlɛ safɩɩr a, ɛ́ a mɩnɛ ɩ dʋɔr mɛ̃ cirbi a. A wie zuru tɩ ɩ na mɛ̃ gben zuru a, ɛ́ a nɛ́ɛ owr vũu, zʋ̀ʋ́r nɩ cirbi. 18A bʋ̃-faar á ŋá ata: a vũu, a zʋ̀ʋ́r nɩ a cirbi, na tɩ yire a wie nɛ́ɛ pʋɔ a tɩ kʋ n a nɩsaalbɛ na põ ziir ata a zi-been dem. 19Bʋ̃ʋ n'ʋ vɛ̃, a wie nɛ́ɛ pʋɔ n'a a fãw be, nɩ a zʋɛ pʋɔ mɩ̀. A zʋɛ ŋmɛ̃ na mɛ̃ wɩɩr a, ɛ́ tɛr zuru, ɛ́ alɛ n'a a malɛ nɩ a nɩbɛ.
20A nɩsaalbɛ bɛl na tɩ cɛ a, a bɛl a bʋ̃-faar ata al na bɛ tɩ kʋ a, bɛ tɩ bɛr a bɛ tõ-faar ɛ, bɛ tɩ cãà na puore a kɔ̃tɔmɛ nɩ a tɩbɛ bɛ na maalɩ nɩ salm-zɩɛ nɩ salm-pla a, bɛ na maalɩ nɩ kure nɩ kʋsɛbɛ nɩ dàar a, tɩbɛ na kʋ̃ tʋ̃ɔ́ nyɛ̃ bom, kʋ̃ tʋ̃ɔ́ wõ bom ɛ́ kʋ̃ tʋ̃ɔ́ cen a. 21Bɛ mɩ̀ bɛ tɩ bɛr a bɛ nɩ-kʋ, a bɛ tɩtɩblʋ, a bɛ pɩ̃ɔ ɩ-ɩrɩ nɩ a bɛ nyãnyuwlu ɛ.
Currently Selected:
Yel-wula 9: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
