Yel-wula 4
4
A Naaŋmɩn bɛ na puore a tẽ-vla pʋɔ a
1À á ŋá pùorí, ɩ̃ tɩ nyɛ̃ nɩ bʋ̃-yũo: ɩ̃ nyɛ̃ nɩ pan na yuo a tẽ-vla pʋɔ a.
A kɔkɔr ʋl ɩ̃ na tɩ dãw wõ ʋ yire mɛ̃ a wɩ́ɛ a tɩ yel mɛ̃ na: «Do wa a ka, ɩ̃ɩ na wul fʋ nɩ a ʋlɩ bom nɛ na na wa a pùorí a.»
2A Naaŋmɩn Vʋʋrʋ tɩ siw mɛ̃ nɩ daadaalɛ. Ɛ́ naalʋ-dà-kɔw n'ɩ ŋan tɩ be a tẽ-vla pʋɔ be. Nɩr kãw tɩ zɩ̃ n a naalʋ-dà-kɔw zu. 3Ʋ tɩ nyɩwrɛ na mɛ̃ kʋsɛ-bi-nyɩlɩ#4:3 Kʋsɛ-bi-nyɩlɩ: Kʋsɛ-bi-vɩɛlɩ na mɩ́ vɛ̃ kɛ́ ɩ mɛ̃ lɛw-bie a n'a: bɛ mɩ́ tɩ maalɛ nɩ nɩ pɩ̃ɛmɛ. Zasɩpʋ, ʋ mɩ́ sɔb'a mɛ̃ tɩ-vaar a. Sardʋan, ʋ mɩ́ ɩ n zɩɛ-wʋlʋlʋ. Emerodɩ, ʋ mɩ́ cuol'a, ɛ́ sɔb mɛ̃ a tɩ-vaar a. kãw bɛ na bʋɔlɛ kɛ́ zasɩpʋ nɩ sardʋan a. Sa-sʋɔ na nyɩwrɛ mɛ̃ kʋsɛ-bi-nyɩla bɛ na bʋɔlɛ kɛ́ emerodɩ a tɩ viir'a koli a naalʋ-dà-kɔw. 4Naalʋ dà-kɔwr lɩzɛr'ɩ anaar tɩ viir'a koli a naalʋ-dà-kɔw, ɛ́ nɩ-kore lɩzɛr'ɩ anaar na su kpar-pɛlɛ ɛ́ vɔblɩ nãà-kpawʋʋr na ɩ salm-zɩɛ a tɩ zɩ̃ a dà-kɔwr al zu. 5Saa-nyɩwrʋ, nɩ kɔkɛɛ, nɩ saa tanʋ tɩ yire nɩ a naalʋ-dà-kɔw ƴãw. Lãpa vũuni ayopõi tɩ 'lere nɩ a naalʋ-dà-kɔw niŋé: a Naaŋmɩn Vʋʋrʋ ayopõi n'a. 6Bom kãw tɩ be n a naalʋ-dà-kɔw niŋé ɩ mɛ̃ kʋ̃ɔ-kpɛ̃ɛ kʋ̃ɔ na ɩ walwal cuoli ŋmɛ̃ mɛ̃ kʋ̃ɔ-kuur#4:6 Kʋ̃ɔ-kuur: Kʋ̃ɔ na gúr kpawlɩ ɩ mɛ̃ kʋsɩɛr a n'a. Farãsɛ mɩ́ bʋɔl'a kɛ́ gɩlasɩ. a.
A sɔwlɩsɔw a, bʋ̃-vʋʋrɩ anaar na ɩ mimie tɛwr a niŋé nɩ a pùorí a tɩ jil'a koli a naalʋ-dà-kɔw. 7A bʋ̃-vʋʋra dãw-niwn sob tɩ ŋmɛ̃ na taa nɩ gbẽw, a ayi sob ŋmɛ̃ taa nɩ nadele, a ata sob tɩ ƴãw nɩ niwn mɛ̃ nɩsaal niwn a, ɛ́ a anaar sob tɩ ŋmɛ̃ taa nɩ sɩla na laarɛ a. 8A bʋ̃-vʋʋrɩ anaar á ŋá kãw za tɩ tɛr'ɩ pɩgɛ ayʋɔb na ɩ mimie tɛwr a zikurí nɩ a pʋ̃ɔmɩ a. Mʋ̃tɔ̃w nɩ tɩ̃ɩsɔw, a tɩ yere na bɛ tɛr nãà bɛr ɛ:
«Sõw, sõw, sõw n'ɩ a Sore,
Naaŋmɩn kpɛnʋ-za-sob,
ʋl na tɩ be, na be, ɛ́ waar a!#4:8 Nyɛ̃ Ezek 1.18, 10.12, Ɩza 6.2-3.»
9A bʋ̃-vʋʋrɩ anaar na mɩ́ wa yiele danɛ nɩ, ƴãwnɛ nɩ ɛ́ puore nɩ a sob nɛ na zɩ̃ a naalʋ-dà-kɔw zu a yãanɩ a, a sob nɛ na vʋʋrɛ kʋralɛ a, 10a nɩ-kore lɩzɛr'ɩ anaar mɩ́ gbĩ n dume a sob nɛ na zɩ̃ a naalʋ-dà-kɔw zu a niŋé, bɛ mɩ́ puor'ɩ a sob nɛ na vʋʋrɛ kʋralɛ a, nɩ bɛ tʋɔra-siwru. Bɛ mɩ́ lɔb'ɩ a bɛ nãà-kpawʋʋr bin a naalʋ-dà-kɔw niŋé ɛ́ yere:
11«Sore tɩ Naaŋmɩn i,
fʋ sɛw na na nyɛ̃ danʋ,
ƴãwfʋ nɩ kpɛnʋ.
Bʋ̃ʋ n'ʋ vɛ̃, fʋ̃ʋ n'ʋ ír a bome za,
fʋ sàw na k'aa be, ɛ́ ír a.»
Currently Selected:
Yel-wula 4: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
