Yel-wula 15
15
A malkɩ mɩnɛ nɩ a baarʋ daar bʋ̃-faar yele
1Al pùorí, ɩ̃ tɩ nyɛ̃ nɩ bãwfʋ yũo a salom zu, bãwfʋ na ɩ kpɛ̃ɛ ɛ́ ɩ nɔ-ɓãan a: malkɩ mɩnɛ ayopõi tɩ tɛr'ɩ bʋ̃-faar ayopõi, a pɛ-baarɩ, bʋ̃ʋ n'ʋ vɛ̃, alɛ n'a na pãa wul a Naaŋmɩn suur na ìr a.
2Ɩ̃ mɩ̀ tɩ nyɛ̃ nɩ bom na ɩ mɛ̃ kʋ̃ɔ-kpɛ̃ɛ kʋ̃ɔ na ɩ walwal ɛ́ jɛr'ɩ vũu a. A bɛlɩ dem na tɩ zɛb tʋ̃ɔ́ a dʋ̃w nɩ a ʋ dasule nɩ a ʋ yúor sɔr-nʋɔr a tɩ tɛr'ɩ a korijome a Naaŋmɩn na kʋ̀ bɛ a, àr'ɩ a kʋ̃ɔ-kpɛ̃ɛ zu. 3Bɛ tɩ yiele nɩ a Naaŋmɩn tõ-tõ-bie Moyiir yielu, nɩ a Pele yielu à ŋá:
«Sore Naaŋmɩn kpɛnʋ-za-sob i,
a fʋ tome ɩ n tõ-bɛrɛ
ɛ́ ɩ nɔ-ɓãa-tome.
Ten za Nãà a,
a fʋ ɩb tu n mɩnʋ nɩ yel-mɩŋa.
4Ãa n'ʋ kʋ̃ zɔrɛ fʋ, Sore e,
ãa n'ʋ kʋ̃ zɛwr a fʋ yúor?
Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw,
a ten za nɩbɛ na wa na
wa lo gbĩ dume a fʋ niŋé,
a fʋ ɩ-ɩrɩ na tu yel-mɩŋa sãá a ƴãw.»
5Al pùorí, ɩ̃ tɩ nyɛ̃ nɩ a Ŋmɩn-yir-kpɛ̃ɛ ʋ yuo a salom zu, a Ŋmɩn-yir ʋl pʋɔ a Wõ-taa pɛn-sɛw na tɩ be a. 6A malkɩ ayopõi bɛl na tɩ tɛr a bʋ̃-faar ayopõi a tɩ yi n a Ŋmɩn-yir pʋɔ. Bɛ tɩ su n kpar-wowr-pɛlɛ parpar ɛ́ ŋmãa nɩ salm-zɩɛ kpàgɛ a nyãa zu. 7A bʋ̃-vʋʋrɩ ƴen sob tɩ kʋ̀ n a malkɩ ayopõi salm-zɩɛ koli-nyúuri ayopõi na paalɩ a Naaŋmɩn na vʋʋrɛ kʋralɛ a suur a. 8A Naaŋmɩn yúor-vɩɛlʋ-danʋ nɩ a ʋ kpɛnʋ tɩ ɩ na zʋ̀ʋ́r paalɩ a Ŋmɩn-yir-kpɛ̃ɛ, ɛ́ a bɛ tɩ tɛr nɩr na kpɛ a ʋ pʋɔ ɩ, ɛ̀ gù a malkɩ ayopõi bʋ̃-faar ayopõi tɩ tɔl baarɩ.
Currently Selected:
Yel-wula 15: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
