Sɛb-sõw yielu 67
67
Sɛb-sõw yielu 67 (66) sob
A nɩ-bʋʋrɛ za, bɛ danɛ fʋ
1Yiel-yielbɛ nɩ-kpɛ̃ɛ sɛbɛ pʋɔ yielu. Fomie bʋ̃-ŋmɩɛrɩ n'a bɛ mɩ́ ŋmɩɛr ƴãwn. Sɛb-sõw yielu. Yielu.
2Naaŋmɩn i, sàw zɔ tɩ nɩbaalʋ ɛ́ maalɩ tɩ,
sàw tɛr niw-vla a tɩ ƴãw. Tɛw-àrʋ
3Lɛ n'a a nɩbɛ na bãw a fʋ ɩb a tẽw zu,
bɛ na bãw a ten za sɔgɔ kɛ́ fʋ ɩ n a Faarɛ.
4A nɩ-bʋʋrɛ, bɛ danɛ fʋ, Naaŋmɩn i,
a nɩ-bʋʋrɛ za, bɛ danɛ fʋ!
5A ten nɩbɛ, bɛ cɩlɛ ɛ́ cáarɛ,
fʋ mɩ́ dɩ n a nɩ-bʋʋrɛ ƴɛ̀rʋ a tu sɔ́r,
ɛ́ kaarɛ a ten nɩbɛ zie a tẽw zu. Tɛw-àrʋ
6A nɩ-bʋʋrɛ, bɛ danɛ fʋ, Naaŋmɩn i,
a nɩ-bʋʋrɛ za, bɛ danɛ fʋ!
7A tẽsɔw bʋ̃-kʋ́ɔrɩ maal'a,
a Naaŋmɩn, a tɩ Naaŋmɩn maalɛ tɩ na!
8A Naaŋmɩn, ʋ maalɩ tɩ,
ɛ́ a ta-tẽw dem za zɔrɛ ʋ!
La Bible en Dagara © Alliance Biblique du Burkina Faso, 2013.