Sɛb-sõw yielu 58
58
Sɛb-sõw yielu 58 (57) sob
Naaŋmɩn be n be dɩrɛ a ƴɛ̀rʋ a tẽw zu
1Yiel-yielbɛ nɩ-kpɛ̃ɛ sɛbɛ pʋɔ yielu. «Ta sãw bɛr» yielu kɔkɔr'ʋ. Daviir danʋ yielu.
2Nyɩɩm ƴɛ̀r-dɩrbɛ ɛ, sɩza n'a nyɩ mɩ́ dɩ a ƴɛ̀rʋ ʋ?
Nyɩ na mɩ́ dɩrɛ nɩ a nɩsaalbɛ a ƴɛ̀rʋ a,
nyɩ mɩ́ dɩ n a tu sɔ́r ɩ?
3Ʋ̃ʋ'hʋ̃! Nyɩ mɩ́ bãw na kɛ́ ɩrɛ a ɩ-faar,
nyɩ bɛr'ɩ vuo a po-to-fãw ɩ-ɩrɩ ƴãw a tẽw zu.
4Bɛ mɩ́ dɔw nɩ a nɩ-faar lɔbr wa báarɛ bɛ gaarɩ,
bɛlɛ wa dɔwr bɛ wa báarɛ a,
bɛ mɩ́ bɛr'ɩ a sɔr-vla ɛ́ ŋmarɛ ziri.
5Bɛ tɛr'ɩ lɔw mɛ̃ waab lɔw a.
Bɛ mɩ́ bãw na kɛ́ wõw mɛ̃ dɔpan
6na bɛ bɛrɛ wone a bɛlbɛlbɛ kɔkɔr a,
a bɛlbɛl-kara za kɔkɔr a.
7Naaŋmɩn i, kár bɛ a nyɩmɛ a nʋɔrɩ́,
kár a bɛ gben nyɩmɛ, Sore e.
8Bɛ bɔr mɛ̃ a kʋ̃ɔ na mɩ́ zɔ tɔl a,
bɛ vàr vàr mɛ̃ a mʋ̃ɔ bɛ na mɩ́ nɛb a!
9Bɛ ɩ mɛ̃ a wel na mɩ́ vure ɛ́ bɛrɛ
kʋ̃ɔ-saalʋ tɩ kpi n a,
mɛ̃ a bi-cur-bɛra a, bɛ ta nyɛ̃ a mʋ̃tɔ̃w cãà ɛ.
10A gʋʋr, gɔ-ɓaar bɩɩ gʋʋr na nyɔw vũu a,
kʋ̃ tɔ a nyɩ ziduwli sɛr ɛ, ɛ́ a Naaŋmɩn pɩɩrɩ bɛ tɔl'ɩ.
11A nɩ-mɩŋa na nyɛ̃ nɩ a san
a Naaŋmɩn na yáa a, ɛ́ cɩlɛ,
ʋ na 'lɔr'ɩ a ʋ gbɛ́ɛ a nɩ-faa zɩ̃ɩ pʋɔ.
12A nɩbɛ na yere na:
«Yel-mɩŋa, tɔnɛ be n be a nɩ-mɩŋa ƴãw,
yel-mɩŋa, Naaŋmɩn be n be
dɩrɛ a ƴɛ̀rʋ a tẽw zu.»
La Bible en Dagara © Alliance Biblique du Burkina Faso, 2013.