Sɛb-sõw yielu 32
32
Sɛb-sõw yielu 32 (31) sob
A nʋ̃ɔ̀ na mɩ́ ɩrɛ a nɩr Naaŋmɩn na dɩ suur kʋ̀ a
1Daviir so ʋ. Yielu na wule yã a.
Zu-nʋ̃ɔ̀ sob'ɩ sob nɛ Naaŋmɩn na mɩ́ tow
a sãwna tuor bɛr a, ɛ́ mɩ́ dɩ a faa
ʋ na maalɩ a suur kʋ̀ a!
2Zu-nʋ̃ɔ̀ sob'ɩ a nɩr ʋl a Sore na mɩ́ de
a sãwna bɛr a baar'a, ɛ́ ʋ bɛ tɛr nyãnyu-yã a!
3A lɛn daar za ɩ̃ na bɛ tɩ sàw a ɩ̃ sãwna a,
a fãw na cɛ m'a tɩ báarɛ nɩ
a ɩ̃ bibi-vɩɛrɩ za kon pʋɔ.
4Sore e, mʋ̃tɔ̃w nɩ tɩ̃ɩsɔw,
a fʋ ŋmɩɛrʋ tɩ siwr'ɩ a ɩ̃ zu,
ɛ́ ɩ̃ tɩ bàl ɩ̃ za mɛ̃ váar a tʋl-kpãkpã daar a. Tɛw-àrʋ
5Ɛcɛ ɩ̃ yel'ɩ a ɩ̃ yel-bier kʋ̀ b,
ɩ̃ bɛ sɔwlɩ a ɩ̃ sãwna ɩ.
Ɩ̃ yel a: «Ɩ̃ na wo n a ɩ̃ sãwna a Sore zie.»
Ɛ́ fʋ̃ʋ a, fʋ tow nɩ a ɩ̃ sãwna tuor bɛr mɛ̃. Tɛw-àrʋ
6À ŋá n'a a nɩr za na sàw de fʋ a,
na mɩ́ puore fʋ a kpɩɛrʋ daar.
A kʋ̃ɔnɩ saa mɩ́ wa paalɩ paalɩ a,
a kʋ̃ páw ʋ towtow ɛ.
7Fʋ ɩ n sɔwlʋ zie a ɩ̃ ƴãw, fʋ gùre mɛ̃ na
k'aa kpɩɛrʋ ta páw mɛ̃ ɩ.
Ɩ̃ na cɩɩrɛ nɩ a ɩ̃ nʋ̃ɔ̀, a gub fʋ na gùre mɛ̃
a lõboge za a ƴãw. Tɛw-àrʋ
8A Sore yere na, ɩ̃ na wule fʋ na,
ɛ́ wule fʋ a sɔ́r fʋ na na tuur a.
Ɩ̃ na wule fʋ nɩ yã ɛ́ jɩ́rɛ fʋ.
9Ta ɩ mɛ̃ a wur bɩɩ a mílɛ̀#32:9 Mílɛ̀: Ʋ ɩ n bõw daa na do wur nyãw ʋ dɔw a. A mílɛ̀ bɛ dɔwr ɛ, dʋ̃-ãan n'ʋ. Nyɛ̃ 2Sa 13.29. na bɛ bãw yã a ɩ,
ɛ́ bom bɛ ɩrɛ fʋ ɛ.
Al a, a mɩ́ fɛr'a bɛ ƴãw a nɔ-bamɛ
nɩ nɔ-bamɛ mie mɩ́ tʋ̃ɔ́ nyɔw a tɛr.
10'Wɔbrʋ yaga gùre nɩ a nɩ-faa,
ɛcɛ sob nɛ na ƴãw a ʋ tɩɛrʋ a Sore ƴãw a,
a Sore nɔ̃wfʋ mɩ́ gùre ʋ nɩ kʋralɛ.
11Nyɩ cɩlɛ a Sore ƴãw,
nyɩ cɩlɛ, nyɩɩm nɩ-mɩn i,
nyɩ ŋmɩɛr nʋ̃ɔ̀ cɛlsɩ, nyɩɩm soci-dẽdẽ dem za a!
La Bible en Dagara © Alliance Biblique du Burkina Faso, 2013.