Sɛb-sõw yielu 28
28
Sɛb-sõw yielu 28 (27) sob
Yãayãa zɛlʋ nɩ barka puoru
1Daviir so ʋ.
Sore e, fʋ̃ʋ n'ʋ ɩ̃ kone bʋɔlɛ.
Fʋ̃ʋ, ɩ̃ pìir i, ta ɩ gbili ɛ!
Fʋ̃ʋ wa ɩ gbili a ɩ̃ kon ƴãw a,
ɩ̃ na ŋmɛ̃ na mɛ̃ a bɛlɩ dem na lɛb lɩɛbɛ uuru a.
2Mɩ́ bɛr wõ m a lɛn daar ɩ̃ na mɩ́ zɛlɛ fʋ yãayãa a,
a lɛn daar ɩ̃ na mɩ́ kone bʋɔlɛ fʋ a,
a lɛn daar ɩ̃ na mɩ́ zɛw
a nuru cɔw a fʋ zi-sõw-za-zi-sõw a.
3Ta sɔ́r mɛ̃ ƴãw a nɩ-faar pʋɔ
nɩ a yel-fa-maalbɛ pʋɔ ɩ.
Bɛ mɩ́ ƴɛ̀rɛ nɩ ƴã-ɓaarʋ ƴɛ̀rʋ a bɛ tɔ zie,
ɛ́ a bɛ pʋɔ kpɛ faa.
4Ya bɛ man nɩ a bɛ ɩb, man nɩ a ɩ-faar bɛ na ɩ a.
Ya bɛ man nɩ a bɛ tome,
kʋ̀ bɛ a al na sɛw taa nɩ bɛ a.
5Bɛ bɛ ŋmɛlɛ kaar a Sore ɩ-ɩrɩ ɛ,
bɛ bɛ ŋmɛlɛ kaar a ʋ tome ɩ.
A Sore, ʋ ɩ bɛ lo ɛ́ taa lɛb ɩrɛ bɛ ìre ɩ!
6A Sore tɛr'ɩ puoru,
ʋ na bɛr wõ a ɩ̃ yãayãa zɛlʋ a ƴãw.
7A Sore gùre mɛ̃ na,
ʋlɛ n'ɩ a ɩ̃ zɛbr-kur-pãgala.
Ʋlɛ n'ʋ ɩ̃ tɩ tɩɛrɛ nɩ ɩ̃ pʋɔ za,
ʋʋ faa mɛ̃ na.
Ɩ̃ cɩlɛ nɩ ɩ̃ za, ɛ́ yiele danɛ nɩ ʋ.
8A Sore n'ɩ a ʋ nɩbɛ fãw,
ʋlɛ n'ɩ a zɛbr-yir-kpɛ̃w
na ɩ a ʋ nɩ-kabra faafʋ zie a.
9Sore e, faa a fʋ nɩbɛ, maalɩ a fʋ nɩ-sori,
ɩ a bɛ cɩ̃ɩnɛ, ɛ́ kaarɛ a bɛ zie kʋralɛ!
La Bible en Dagara © Alliance Biblique du Burkina Faso, 2013.