Sɛb-sõw yielu 149
149
Sɛb-sõw yielu 149 (148) sob
Nyɩ yiel yiel-paala
1 Aleluya!
Nyɩ yieli yiel-paala a Sore ƴãw,
nyɩ yieli danɩ nɩ ʋ, a nɩbɛ na sàw de ʋ a lãw pʋɔ.
2A Ɩsɩrayɛl, ʋ cɩlɛ a ʋ Íre ƴãw,
a Sɩyɔ̃ tẽw dem, bɛ cɩlɛ ƴawr'ɩ a bɛ Nãà ƴãw.
3Bɛ íre a ʋ yúor ƴawr'ɩ!
Bɛ ŋmɩɛr a kʋɔr nɩ a korijom
yiele nɩ a ʋ ƴãw!
4Bʋ̃ʋ n'ʋ vɛ̃, nʋ̃ɔ̀ ɩrɛ nɩ a Sore a ʋ nɩ-bʋʋrɛ ƴãw,
ʋ mɩ́ faa nɩ a bãbàalbɛ, ɩ bɛ nyɛ̃ ƴãwfʋ.
5A nɩbɛ na sàw de ʋ a, bɛ cɩlɛ ƴawr'ɩ, íre nɩ a ʋ yúor!
Bɛ lɔbr nʋ̃ɔ̀ cɛlsɩ, alɛ mɩ̀ saa ɩ a tɩ̃ɩsɔw a!
6Naaŋmɩn danʋ ƴɛ̀r-bie, a be a bɛ nʋɔrɩ́!
Ɛ́ a zɛbr-sɔ-kpɛ̃ɛ na dɩrɛ a loge ayi a be a bɛ nũú!
7Lɛ n'a bɛ na yáa a san a nɩ-bʋʋr-yoru zu,
a faa bɛ na maalɩ a ƴãw, bɛ na dɔwrɩ bɛ na.
8Bɛ na 'lẽ nɩ a bɛ na-mɩnɛ nɩ bamɛ,
ɛ́ ƴãw a bɛ nɩ-bɛrɛ 'hãkobo.
9Bɛ na ɩ bɛ na mɛ̃ a lɛ a Naaŋmɩn
na dɩ n bɛ a ƴɛ̀rʋ yel a, mɛ̃ a lɛ bɛ na sɛb a.
Yúor'ʋ a nɩbɛ za na sàw de ʋ a zie.
Aleluya!
La Bible en Dagara © Alliance Biblique du Burkina Faso, 2013.