Sɛb-sõw yielu 136
136
Sɛb-sõw yielu 136 (135) sob
A Sore nɔ̃wfʋ be n kʋralɛ
1Nyɩ puore a Sore yãanɩ, a ʋ vɩɛlʋ ƴãw,
nɩ a ʋ nɔ̃wfʋ na be kʋralɛ a ƴãw.
2Nyɩ puore a ŋmɩmɛ za Naaŋmɩn,
a ʋ nɔ̃wfʋ na be kʋralɛ a ƴãw.
3Nyɩ puore a sorbɛ za Sore yãanɩ,
a ʋ nɔ̃wfʋ na be kʋralɛ a ƴãw.
4Ʋl yõ n'ʋ maalɩ nɔ-ɓãa-yele,
a ʋ nɔ̃wfʋ na be kʋralɛ a ƴãw.
5Ʋ maal'ɩ a salom nɩ yã,
a ʋ nɔ̃wfʋ na be kʋralɛ a ƴãw.
6Ʋ yɛ́r'ɩ a tẽsɔw dɔwlɩ a kʋ̃ɔnɩ zu,
a ʋ nɔ̃wfʋ na be kʋralɛ a ƴãw.
7Ʋ maal'ɩ a cãà-bɛrɛ,
a ʋ nɔ̃wfʋ na be kʋralɛ a ƴãw,
8mʋ̃tɔ̃w so a bibir,
a ʋ nɔ̃wfʋ na be kʋralɛ a ƴãw,
9ɛ́ cuw nɩ ŋmar-bie so a tɩ̃ɩsɔw,
a ʋ nɔ̃wfʋ na be kʋralɛ a ƴãw.
10Ʋ kʋ n a Eziptɩ tẽw dem bi-dãw-dɔwrɩ,
a ʋ nɔ̃wfʋ na be kʋralɛ a ƴãw.
11Ɛ́ ɩ a ʋ nɩ-bʋʋrɛ Ɩsɩrayɛl yi a be,
a ʋ nɔ̃wfʋ na be kʋralɛ a ƴãw.
12Kpɛnʋ nɩ gãdaalʋ n'a ʋ tõ n a lɛ,
a ʋ nɔ̃wfʋ na be kʋralɛ a ƴãw.
13Ʋ ɓar'ɩ a Bàa-kɛkɛɛ kʋ̃ɔ-kpɛ̃ɛ ziir ayi,
a ʋ nɔ̃wfʋ na be kʋralɛ a ƴãw,
14ɛ́ ƴãw a Ɩsɩrayɛl nɩbɛ tu tɔl a ʋ sɔgɔ,
a ʋ nɔ̃wfʋ na be kʋralɛ a ƴãw,
15ɛ́ cã a Faarawɔ̃ nɩ a ʋ zɛbr-nɩbɛ
lɔb ƴãw a Bàa-kɛkɛɛ kʋ̃ɔ-kpɛ̃ɛ pʋɔ,
a ʋ nɔ̃wfʋ na be kʋralɛ a ƴãw.
16Ʋ tɛr'ɩ a ʋ nɩ-bʋʋrɛ kpɛ n wɛja-kpalɛ pʋɔ,
a ʋ nɔ̃wfʋ na be kʋralɛ a ƴãw.
17Ʋ pɔb'ɩ na-bɛrɛ bɛrɛ,
a ʋ nɔ̃wfʋ na be kʋralɛ a ƴãw,
18Ʋ kʋ n na-kpɛn kpɛn,
a ʋ nɔ̃wfʋ na be kʋralɛ a ƴãw:
19 Amoritɩ mɩnɛ nãà Sihon,
a ʋ nɔ̃wfʋ na be kʋralɛ a ƴãw,
20nɩ Basan tẽw nãà Ɔgɩ,
a ʋ nɔ̃wfʋ na be kʋralɛ a ƴãw.
21Ʋ de nɩ a bɛ tẽw tɩr,
a ʋ nɔ̃wfʋ na be kʋralɛ a ƴãw,
22ʋ de ʋ na kʋ̀ a ʋ tõ-tõ-bie Ɩsɩrayɛl, ʋ so ʋ,
a ʋ nɔ̃wfʋ na be kʋralɛ a ƴãw.
23Ʋ tɩɛr'ɩ a tɩ yele a tɩ kpɩɛrʋ pʋɔ,
a ʋ nɔ̃wfʋ na be kʋralɛ a ƴãw,
24ʋ faa tɩ nɩ a tɩ dɔ̃ dem nuru pʋɔ,
a ʋ nɔ̃wfʋ na be kʋralɛ a ƴãw.
25Ʋ kʋ̀rɛ nɩ dɩb bʋ̃-vʋʋra za,
a ʋ nɔ̃wfʋ na be kʋralɛ a ƴãw.
26Nyɩ puore a saa-zu Naaŋmɩn yãanɩ,
a ʋ nɔ̃wfʋ na be kʋralɛ a ƴãw!
La Bible en Dagara © Alliance Biblique du Burkina Faso, 2013.