Zʋkpaɩ 15
15
1Sɔwfʋ na sɔw bàalʋ bàalʋ a diwr'ɩ a suur, ɛcɛ po-to-ƴɛ̀rʋ mɩ́ dam'ɩ a nɩr suur.
2Yã-bãwnɛ wa ƴɛ̀rɛ a, ʋ mɩ́ ɩ na fʋ bɔbr kɛ́ fʋ nãà bãw, ɛcɛ dãbolu tɛwr'a mɩ́ yire a dãbol nʋɔrɩ́.
3A Sore mimie be n a ziir za, ʋ mɩ́ jɩ́rɛ nɩ a nɩ-faar nɩ a nɩ-vɩɛlɩ.
4Ƴɛ̀rʋ na ɓãanɛ suur a ɩ na mɛ̃ nyɔ-vʋʋrʋ tɩɛ a#15:4 Nyɛ̃ 3.18., ɛcɛ ƴɛ̀r-faa sãwnɛ nɩ suur.
5Dãbol sob'ʋ bɛ ŋmɛlɛ kaar a ʋ sãà wulu ɛ, ɛcɛ nɩr na sàwr bɛ yere ʋ a tɛr'ɩ yã.
6A nɩ-mɩŋa yir paal'ɩ na-bome, ɛcɛ a nɩ-faa bʋɔlɛ nɩ faa ƴãwnɛ a ʋ tɛra zu.
7A bãwfʋ mɩ́ yire nɩ a yã-bãwnbɛ nʋɔrɩ́, ɛcɛ a dãbole socir bɛ ŋmɛ̃ a lɛ towtow ɛ.
8A Sore bɛ nɔnɛ a nɩ-faar bagɛ towtow ɛ, ɛcɛ ʋ mɩ́ pɛlɩ nɩ pʋɔ de a nɩ-dẽdẽ mɩnɛ puoru.
9A Sore bɛ nɔnɛ a nɩ-faar ɩb towtow ɛ, ɛcɛ ʋ nɔnɛ nɩ a sob nɛ na tuur a mɩnʋ a.
10Sob nɛ na mɩ́ bɛr a sɔr-vla a na nyɛ̃ nɩ kpãàfʋ na ta kpãàfʋ a. Sob nɛ na bɛ sàwr bɛ yere ʋ a na kpi na.
11A Sore wa bãw a kpɩmɛ tẽw bɔw-zulu zulu a, ŋmɩŋmɩn za n'a ʋ kʋ̃ bãw a nɩsaal tɩ́ɛrʋ zuo lɛ!
12Sob nɛ na bɛ ŋmɛlɛ kaar bom za a bɛ nɔnɛ kɛ́ bɛ mɩ́ yere ʋ ɛ, ʋ bɛ lãw zɩnɛ nɩ a yã-bãwnbɛ ɩ.
13Nɩr nʋ̃ɔ̀ na kpɩɛr'a niwn mɩ́ vɩɛl'a, ɛcɛ a pʋ-sãwna waar'ɩ nɩ a suur na bɛ nʋmɛ a.
14Nɩr na tɛr tɩ́ɛrʋ a mɩ́ bɔbr'ɩ a bãwfʋ, ɛcɛ a dãbolu n'a ɩ a dãbol bʋ̃-dɩrɩ.
15A nã́w sob bibie za kpɛ n faar. Ɛcɛ nɩr na wone nʋ̃ɔ̀ a zie a, bibir za ɩ n cuw bibir.
16Fʋ̃ʋ tɛr a blã ɛ́ zɔrɛ a Sore a, alɛ sa fʋ na na ɩ nãà ɛ́ ɩ tɩ̀ɛrʋ tɛwr a.
17Zɛ-vaar dɩb tɛwr bɛ na cɔbrɩ nɩ nɔ̃wfʋ a, a sa n nɛn-nʋ̃ɔ̀ bɛ na ƴãw dɔ̃ mɩɩla a.
18Suur sob a suur na bɛ mɩ́ yaa kɛ́ ìr a mɩ́ ɩ na a zɛbr ìr, ɛcɛ nɩr na mɩ́ nyɔw ʋ mɩŋa a mɩ́ ɩ na a zɛbr baarɩ.
19A ƴã-tuo sob sɔ́r mɩ́ ɩ n gʋʋr tɛwr, ɛcɛ a nɩ-dẽdẽ mɩnɛ sɔ́r mɩ́ nyɛrɛ na.
20Bibi-yã-bãwnɛ mɩ́ ƴãw nɩ a ʋ sãà nʋ̃ɔ̀, ɛcɛ bi-dãbol mɩ́ ɩrɛ nɩ a ʋ mã laar.
21A dãbol sob dãbolu mɩ́ ɩrɛ ʋ nɩ nʋ̃ɔ̀, ɛcɛ sob nɛ na tɛr tɩ́ɛrʋ a mɩ́ cere nɩ sɔr-dẽdẽ zu.
22A lɛ a yele na mɩ́ tɩ́ɛrɩ bin a bɛ mɩ́ maalɩ ɛ, ƴɛ̀r-sɔw-taa na bɛ ka be a ƴãw. Yã-wulbɛ wa yãwmɛ a, a na tʋ̃ɔ́ na maalɩ.
23Sɔwfʋ na sɔw vla a tɩrɛ nɩ nʋ̃ɔ̀! Ƴɛ̀rʋ na mɩ́ ƴɛ̀r a ʋ daar a vla tɔ!
24Nɩr na bãw yã a mɩ́ tuur'ɩ a sɔ́r ʋl na dúor a nyɔ-vʋʋrʋ zie a. Ʋ mɩ́ dɛ n a ʋl na siwr a kũu zie a.
25A Sore mɩ́ dá n a pɔ̀lʋ dem yie lɔb, ɛcɛ ʋ mɩ́ gù n a pɔw-kʋɔr púo.
26A Sore bɛ nɔnɛ a tɩɛr-faar towtow ɛ, ɛcɛ ƴɛ̀rʋ na tu nɔ̃wfʋ a mɩ́ vɩɛl'a.
27Nɩr na zɔrɛ tuur libir a ƴãwnɛ nɩ kpɩɛrʋ a ʋ yir, ɛcɛ nɩr na bɛ nɔnɛ kɛ́ bɛ mɩ́ ŋmɛ ʋ nʋɔr a na vʋʋr'a cɛlɩ.
28A nɩ-mɩŋa mɩ́ tɩɛr'a baarɩ ɛ́ bãw ƴɛ̀r, ɛcɛ a nɩ-faa gbem ƴɛ̀r-faar ƴɛ̀rɛ.
29A Sore mɩ́ àr'a zãá nɩ a nɩ-faar, ɛcɛ ʋ mɩ́ bɛrɛ na wone a nɩ-mɩn.
30Jɩ́rʋ na jɩ́r'ɩ nɔ̃wfʋ a mɩ́ ɩrɛ nɩ nʋ̃ɔ̀, ɛ́ yel-vla mɩ́ lɛb tɩr fãw.
31Nɩr na bɛrɛ wone kpãàfʋ ƴɛ̀rʋ na tɩrɛ faafʋ a na pʋɔ nɩ a yã-bãwnbɛ pʋɔ.
32Nɩr na zawrɛ a wulu bɛrɛ a ɩrɛ nɩ ʋ tʋɔra laar, ɛcɛ nɩr na sàwr a wulu a zanɛ nɩ a yã tɛrʋ.
33A Sore zɔba ɩ n yã-bãwfʋ nakoli kpɛb#15:33 Nyɛ̃ 1.7.. A tʋɔra-siwru mɩ́ de nɩ niwn a yúor ƴãw.
La Bible en Dagara © Alliance Biblique du Burkina Faso, 2013.