Filib 3
3
A mɩnʋ na yi Naaŋmɩn zie a
1Ƴɛrɛŋa a, yɛbr ɩ, nyɩ cɩlɛ nyɩ na lãw nɩ a Sore a. A bɛ kpɩɛr mɛ̃ ɩ̃ na sɛbr a alɩ bʋ̃-been nɛ kʋ̀rɛ nyɩ a ɩ, a na ɩ na nyɩ lɛb kpɛmɛ. 2Nyɩ gùre nyɩ tʋɔra a nɩsaal-baar#3:2 Nyɛ̃ Mat 7.6. ƴãw! Nyɩ gùre nyɩ tʋɔra a Yel-nʋ̃ɔ̀ tõ-tõ-bi-faar ƴãw! Nyɩ gùre nyɩ tʋɔra a bɛlɩ dem na bɛlɩ ŋma a yɛɛ a ƴãw! 3Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a. 4Ɛcɛ ɩ̃ mɩ̀ na tʋ̃ɔ́ na ƴãw a ɩ̃ tɩɛrʋ a mãa mɩŋa ƴãw. Nɩ-yũo wa tɩɛrɛ k'ʋʋ na tʋ̃ɔ́ na ƴãw a ʋ tɩɛrʋ ʋl mɩŋa ƴãw a, ɩ̃ na tʋ̃ɔ́ na ɩ a lɛ zuo. 5Ɩ̃ dɔw na maalɩ bibie ani, ɛ́ bɛ ŋmãa a ɩ̃ yʋ̀ɔr. Ɩsɩrayɛl bʋʋrɛ nɩr nɛ m, Bɛ̃zamɛ yir dɔwlʋ pʋɔ n'a ɩ̃ yi, Ebre, a ɩ̃ sãà nɩ ɩ̃ mã ɩ Ebre, a Naaŋmɩn wulu tub ƴãw ɩ̃ ɩ Faarizɩ̃ɛ, 6tʋlɛ a Naaŋmɩn yele ƴãw tɩ dɔwrɛ nɩ a Lãw-yir, ɛ́ a mɩnʋ a Naaŋmɩn wulu na wule a ƴãw, ɩ̃ bɛ tɛr sãwna bɛ yere ɩ. 7Ɛcɛ, a tɔnɛ á ŋá za ɩ̃ na tɩ ɩ mɛ̃ ɩ̃ páw na a, ɩ̃ nyɛ̃ a na a ɩ loba a Kɩrɩta zũú. 8Sɩza n'a, ɩ̃ nyɛ̃ a na a ɩ loba, a yel-vla ŋa na zuo bom za a ƴãw: a ɩ̃ Sore Yeezu Kɩrɩta bãwfʋ. A ʋl ƴãw n'a ɩ̃ bɛ lɛb cãà tɛr bom za ɩ, ɛ́ bom za ɩ mɛ̃ sagɛ a, a ɩ̃ zie, k'ɩ̃ɩ tʋ̃ɔ́ páw a Kɩrɩta. 9A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ. 10A Kɩrɩta n'ʋ ɩ̃ bɔbr k'ɩ̃ɩ bãw, k'ɩ̃ɩ nyɛ̃ a lɛ a ʋ kũu-pʋɔ-lɛb-yibu kpɛnʋ na sɛw a, k'ɩ̃ɩ lãw nɩ ʋ a tuo ʋ na wõ a pʋɔ, k'ɩ̃ɩ ŋmɛ̃ taa nɩ ʋ a ʋ kũu pʋɔ, 11kɛ̀ alɛ wa tʋ̃ɔ́ a, mãa mɩ̀ lɛb yi a kũu pʋɔ.
A Pol zɔrɛ na wɩɛr a dãw-taa zɔ-tab zie
12Ɩ̃ bɛ ta a tab zie sɛr ɛ, ɛ́ mɩ̀ bɛ lɛb vɩɛl baarɩ sɛr ɛ, ɛcɛ, ɩ̃ cãà na ƴãw fãw zɔrɛ k'ɩ̃ɩ tɩ páw a ɩ̃ zɔba bom nyɔw, bʋ̃ʋ n'ʋ vɛ̃, a Yeezu Kɩrɩta tɔr za n'ʋ nyɔw a mãa mɩŋa. 13Yɛbr i, ɩ̃ bɛ tɩɛrɛ k'ɩ̃ɩ nyɔw ʋ na baarɩ sɛr ɛ. Bʋ̃-been yõ n'ʋ ɩ̃ bɔbr: k'ɩ̃ɩ yiiri a pùorí yele bɛr, ɛ́ tori niwn a nidaa dem ƴãw. 14Ɩ̃ zɔrɛ na wɩɛr a tab zie, k'ɩ̃ɩ tɩ tʋ̃ɔ́ páw a sã-ya ʋl a Naaŋmɩn na bʋɔlɛ tɩ kɛ́ tɩ wa páw a Kɩrɩta ƴãw a saa-zu a.
15A na ɩ à ŋá a, tɩɩm za na bɩ nɩbɛ baarɩ a Kɩrɩta sɔ́r pʋɔ a, tɩ ɩrɛ à à ŋá, ɛ́ yel kãw ƴãw nyɩmɛ bɛ wa ɩrɛ à à ŋá a, Naaŋmɩn na cãà na caalɩ a nyɩ yã a al ƴãw. 16Alɛ saa ŋmɛ̃ ŋmɩŋmɩn a, nyɩ ɩ tɩ cãà lo a ʋlɩ sɔr-been nɛ.
17Yɛbr i, nyɩ za nyɩ cɔwrɛ mɛ̃, ɛ́ tori niwn jɩ́rɛ a bɛlɩ dem na ɩrɛ mɛ̃ a lɛ tɩ na ɩ wul nyɩ a. 18Ɩ̃ tɩ yel'a kʋ̀ nyɩ gb'aa ŋmɩn za, ɛ́ lɛb yere kʋ̀rɛ nyɩ a dɩ̃a kone nɩ: nɩbɛ yaga be n be ɩrɛ mɛ̃ a Kɩrɩta da-gara dɔ̃ dem a. 19A bɛ kũu na ɩ n wɛb bɛ wɛ. A bɛ nyagɛ n'a ɩ a bɛ naaŋmɩn, ɛ́ a yele na sɛw k'aa mɩ́ ɩrɛ bɛ vĩ a, alɛ n'a ɩ a bɛ yúor bom, tẽw zu ka yele tɛwr ƴãw n'a bɛ ƴãw a bɛ tɩɛrʋ. 20Ɛ́ a tɩɩm a, a tɩ tẽ-kpɩɛra n'ɩ a tẽ-vla, be n'a tɩ gùre k'aa Sore Yeezu Kɩrɩta yi wa mɛ̃ a faarɛ a, 21ʋl na na lɩɛbɩ a tɩ bãbàalʋ ƴã-gamɛ a ŋmɛ̃ taa nɩ a ʋ yúor-vɩɛlʋ-danʋ ƴã-gan, nɩ a fãw ʋ na tɛr na mɩ́ tʋ̃ɔ́ dɩ naalʋ bom za zu a.
Currently Selected:
Filib 3: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
