Sɔr-nɛ́ɛ 29
29
e. A Nʋ̃ɔ̀ cɛlsɩ bibir bàwr
1«A cuwr ayopõi sob bibi-dãw-niwn sob a, nyɩ na mɩ́ ɓã n taa kɛ́ nyɩ puori a mãa Sore nɩ nyɩ tʋɔra-siwru. Nyɩ kʋ̃ mɩ́ tõ a tome nyɩ na mɩ́ tone a bibie za a ɩ, ʋ na ɩ a Nʋ̃ɔ̀ cɛlsɩ#29:1 Nʋ̃ɔ̀ cɛlsɩ: A pɛr-tib daar a, zɛbr cɛl'ʋ bɛ mɩ́ tɩ ŋmɛ. A pùorí, a ɩ nãà zɩɩlʋ cɛlsɩ. A Ɩsɩrayɛl na bɛ wa cãà tɛr na-mɩnɛ a, a Sore n'ʋ ɩ a Nãà bɛ mɩ́ ŋmɛ a cɛl kʋ̀. bibir a ƴãw. 2Nyɩ na mɩ́ maal'ɩ nyɩw-a-za-bàwr kʋ̀ m nɩ nadɛr, pʋ́ra nɩ yũon-been peli ayopõi, dʋn a ƴã-gan zie kãw za na bɛ sãw a. A bàwr zʋ̀ʋ́r na nyùur vla a na mɩ́ pɛlɩ nɩ a ɩ̃ pʋɔ. 3Nyɩ na mɩ́ tɩr'ɩ zɔ̃ bɛ na naw nɩ kãá a, lãwnɩ dʋ̃w za: kilo piwaɩ zɔ̃ a nadɛr ƴãw, kilo ayʋɔb a pʋ́ra ƴãw, 4kilo ata pele za ƴãw. 5Nyɩ mɩ̀ na mɩ́ kʋ n bʋra kʋ̀ m, ʋ ɩ yel-bier ír-bɛrʋ bàwr: bɛ na tʋ̃ɔ́ na mɩ́ tu a suur-dɩ-kʋ̀b tub a nyɩ ƴãw a lɛn daar. 6A bagɛ á ŋá za na mɩ́ maal'a ƴãw pʋɔ a bibi-vɩɛrɩ za nyɩw-a-za-bàwr ƴãw, mɩ̀ cãà lɛb ƴãw pʋɔ a cuw-paala bibir nyɩw-a-za-bàwr ƴãw, de nɩ a zɔ̃ nɩ a divɛ̃ de-kʋ̀b bome na mɩ́ lãwnɩ a bagɛ á ŋá a. A bagɛ á ŋá zʋ̀ʋ́r na nyùur vla a na mɩ́ pɛlɩ nɩ a mãa, Sore, pʋɔ.»
ɛ. A suur-dɩ-kʋ̀b bibi-kpɛ̃ɛ bàwr
7«A cuwr ayopõi sob bibie pie sob a, nyɩ na mɩ́ ɓã n taa puori a mãa Sore nɩ nyɩ tʋɔra-siwru. Nyɩ na mɩ́ tɛr'ɩ mʋta-tuo, ɛ́ kʋ̃ tõ a tome nyɩ na mɩ́ tone a bibie za a ɩ. 8Nyɩ na mɩ́ maal'ɩ nyɩw-a-za-bàwr kʋ̀ m nɩ nadɛr nɩ pʋ́ra nɩ yũon-been peli ayopõi, dʋn a ƴã-gan zie kãw za na bɛ sãw a. A bàwr zʋ̀ʋ́r na nyùur vla a na mɩ́ pɛlɩ nɩ a ɩ̃ pʋɔ. 9Nyɩ na mɩ́ tɩr'ɩ zɔ̃ bɛ na naw nɩ kãá a, lãwnɩ dʋ̃w za: kilo piwaɩ zɔ̃ a nadɛr ƴãw, kilo ayʋɔb a pʋ́ra ƴãw, 10kilo ata pele za ƴãw. 11Nyɩ mɩ̀ na mɩ́ kʋ n bʋra ʋ ɩ yel-bier-ír-bɛrʋ bàwr. Bɛ na mɩ́ maal'ɩ a bagɛ á ŋá za ƴãw pʋɔ a bàwr ʋl ƴãw bɛ na mɩ́ sʋ̃ɔmɩ bul maalɩ a ʋlɩ bibir nɛ a yel-bebe suur páwfʋ ƴãw a. A yel-bebe Suur-dɩ-kʋ̀b bibi-kpɛ̃ɛ n'ʋ. Bɛ mɩ̀ na cãà na mɩ́ maalɩ a bibi-vɩɛrɩ za nyɩw-a-za-bàwr ƴãw pʋɔ, de nɩ a zɔ̃ nɩ a divɛ̃ de-kʋ̀b na mɩ́ lãwnɩ a bàwr ŋa a#29:11 A kan-nɛ́ɛ 7-11 ƴãw a, nyɛ̃ Lev 16 nɩ 23.27-32..»
f. A Sɛwr cuw bàwr
12«A cuwr ayopõi sob bibie pie nɩ anũu sob a, nyɩ na ɓã n taa puori a mãa Sore, nɩ nyɩ tʋɔra-siwru. Nyɩ kʋ̃ mɩ́ tõ a tome nyɩ na mɩ́ tone a bibie za a ɩ. Nyɩ na mɩ́ maal'ɩ cuw#29:12 Cuw: A Sɛwr cuw n'ʋ. Nyɛ̃ Ety 23:16, 34:22, Lev 23:33-43, Wl-ayi 16:13-15. a ɩ̃ ƴãwfʋ ƴãw, bibie ayopõi. 13A bibi-dãw-niwn sob a, nyɩ na mɩ́ maal'ɩ nyɩw-a-za-bàwr kʋ̀ m nɩ nadɛɛ pie nɩ ata, pʋ́rɩ ayi nɩ yũon-been peli pie nɩ anaar, dʋn a ƴã-gan zie kãw za na bɛ sãw a. A bàwr zʋ̀ʋ́r na nyùur vla a na mɩ́ pɛlɩ nɩ a ɩ̃ pʋɔ. 14Nyɩ na mɩ́ tɩr'ɩ zɔ̃ na naw nɩ kãá a, lãwnɩ dʋ̃w za: kilo piwaɩ zɔ̃ nadɛr za ƴãw, kilo ayʋɔb pʋ́ra za ƴãw, 15kilo ata pele za ƴãw. 16Nyɩ mɩ̀ na mɩ́ kʋ n bʋra ʋ ɩ yel-bier-ír-bɛrʋ bàwr. A bagɛ á ŋá za na mɩ́ maal'a ƴãw pʋɔ a bibi-vɩɛrɩ za nyɩw-a-za-bàwr ƴãw, de nɩ a zɔ̃ nɩ a divɛ̃ de-kʋ̀b na mɩ́ lãwnɩ a bàwr ŋa a.»
17-34«A cuw bibie ayi sob tɩ tɔ a ayopõi sob a, nyɩ na mɩ́ kʋ n dʋn a ƴã-gan zie kãw za na bɛ sãw a, maal'ɩ bàwr, ƴãw pʋɔ a bibi-vɩɛrɩ za nyɩw-a-za-bàwr ƴãw. A zɔ̃ nɩ a divɛ̃ de-kʋ̀b na mɩ́ lãw nɩ nɩ a bagɛ á ŋá. A dʋn nyɩ na na mɩ́ maal'ɩ a bàwr a n'ɩ á ŋá:
a bibie ayi sob: nadɛɛ pie nɩ ayi, pʋ́rɩ ayi, yũon-been peli pie nɩ anaar de nɩ bʋra.
A bibie ata sob: nadɛɛ pie nɩ been, pʋ́rɩ ayi, yũon-been peli pie nɩ anaar, de nɩ bʋra.
A bibie anaar sob: nadɛɛ pie, pʋ́rɩ ayi, yũon-been peli pie nɩ anaar, de nɩ bʋra.
A bibie anũu sob: nadɛɛ piwaɩ, pʋ́rɩ ayi, yũon-been peli pie nɩ anaar, de nɩ bʋra.
A bibie ayʋɔb sob: nadɛɛ ani, pʋ́rɩ ayi, yũon-been peli pie nɩ anaar, de nɩ bʋra.
A bibie ayopõi sob: nadɛɛ ayopõi, pʋ́rɩ ayi, yũon-been peli pie nɩ anaar, de nɩ bʋra.»
35«A cuw bibie ani sob na ɩ a ɓã-taa pɛ-baara sob a, nyɩ kʋ̃ tõ a tome nyɩ na mɩ́ tone a bibie za ɩ. 36Nyɩ na maal'ɩ nyɩw-a-za-bàwr kʋ̀ m nɩ nadɛr nɩ pʋ́ra, nɩ yũon-been peli ayopõi, dʋn a ƴã-gan zie kãw za na bɛ sãw a. 37Nyɩ na mɩ́ tɩr'ɩ a zɔ̃ nɩ a divɛ̃ de-kʋ̀b lãwnɩ dʋ̃w za mɛ̃ a lɛ a na ɩrɛ a. 38Nyɩ mɩ̀ na mɩ́ kʋ n bʋra maal'ɩ yel-bier-ír-bɛrʋ bàwr. A bagɛ á ŋá za na mɩ́ maal'a ƴãw pʋɔ a bibi-vɩɛrɩ za nyɩw-a-za-bàwr ƴãw, de nɩ a zɔ̃ nɩ a divɛ̃ de-kʋ̀b na mɩ́ lãwnɩ a bàwr ŋa a.»
39«A bagɛ n'ɩ à á ŋá a na fɛr kɛ́ nyɩ mɩ́ maalɩ kʋ̀ m a cuwr daar a. Bɛ na mɩ́ maal'a na ƴãw pʋɔ a nyɩw-a-za-bàwr ƴãw, a zɔ̃ nɩ a divɛ̃ de-kʋ̀b, de nɩ a lãw-taa bàwr nyɩ na na tʋ̃ɔ́ mɩ́ nɔnɛ maalɩ kʋ̀ m a, bɩɩ nyɩ na na mɩ́ maalɩ ír'ɩ nʋɔr nyɩ na kõ a.»
Currently Selected:
Sɔr-nɛ́ɛ 29: DBDC
Highlight
Share
Compare
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
