Markɩ 16

A Yeezu lɛb'a yi a kũu pʋɔ

(Mat 28:1-8, Luk 24:1-12, Zã 20:1-10)

1A pɩ̃ɛnʋ-bibir na wa tɔl a, a Madala tẽw Marya, nɩ a Zakɩ mã Marya, nɩ a Salume, tɩ da n kãa-nyuure cen nɩ kɛ́ bɛ tɩ zɛ a Yeezu ƴã-gan. 2A kɔsɩɛra bibir biɓaar-pipi, a mʋ̃tɔ̃w na tɩ pure a, bɛ tɩ cen nɩ a yaa pɛr. 3Bɛ tɩ yere na kʋ̀rɛ taa: «Ãa n'ʋ na tɩ bili a bɔw nʋɔr kʋsɩɛr bɛr tɩ?» 4Bɛ tɩ zɛw nɩ zu nyɛ̃ a kʋsɩɛr, na bɛ dɩ vuo a, ʋ bili gã ʋ tʋɔra zie. 5Bɛ na tɩ kpɛ a, bɛ nyɛ̃ nɩ pɔlbile kãw ʋ su kpar-pla zɩ̃ nɩ a dʋrʋ lowr, ɛ̀ dɛ̃bɩ̃ɛ tɩ nyɔw bɛ yaga. 6Ɛcɛ ʋ tɩ yel bɛ na: «Nyɩ ta zɔrɛ dɛ̃bɩ̃ɛ ɩ, a Nazarɛtɩ tẽw Yeezu bɛ na kpa a da-gara zu a n'ʋ nyɩ bɔbr, ʋ lɛb'a yi a kũu pʋɔ, ʋ bɛ be ka ɩ. Nyɩ nyɛ̃ a be bɛ na tɩ ƴãw ʋ a. 7Ɛcɛ nyɩ cen tɩ yel à ŋá kʋ̀ a ʋ po-tuurbɛ nɩ a Pɩɛr: ʋ dier nyɩ nɩ niwn a Galile, be n'a nyɩ na tɩ nyɛ̃ ʋ mɛ̃ a lɛ ʋ na yel kʋ̀ nyɩ a.» 8Bɛ tɩ yi n a yaa pɛr be zɔ tɩ zãá, dɛ̃bɩ̃ɛ na tɩ tɛr bɛ bɛ màwr bɛ za a ƴãw. Ɛ́ bɛ bɛ tɩ por a yúor kʋ̀ nɩr za ɩ, a dɛ̃bɩ̃ɛ na tɩ ɩrɛ bɛ a ƴãw.

A Yeezu na wul ʋ tʋɔra a Madala tẽw Marya a

(Mat 28:9-10, Zã 20:11-18)

[ 9A Yeezu na tɩ lɛb yi a kũu pʋɔ a kɔsɩɛra bibir biɓaara a, ʋ tɩ de nɩ niwn wul ʋ tʋɔra a Madala tẽw Marya, a ʋl zie ʋ na tɩ diw a kɔ̃tɔmɛ ayopõi bɛr a. 10A Madala tẽw Marya tɩ cen na tɩ manɩ kʋ̀ a ʋ po-tuurbɛ na tɩ tɛr pʋ-sãwna kone nɩ a. 11Ɛcɛ bɛ na tɩ wõ kɛ́ a Yeezu vʋʋrɛ na a, nɩ kɛ́ a Madala tẽw Marya nyɛ̃ ʋ na a, bɛ bɛ tɩ sàw de a ʋ ƴɛ̀rʋ ɛ.

A Yeezu na wul ʋ tʋɔra a ʋ po-tuurbɛ ayi kãw a

(Luk 24:13-35)

12Al pùorí, a Yeezu tɩ lɛb'a wul ʋ tʋɔra nɩ ŋmɛ̃a kãw, a ʋ po-tuurbɛ ayi kãw na tɩ lo sɔ́r cere kura pʋɔ a. 13Bɛ tɩ lɛb'a wa wa manɩ kʋ̀ a bɛ ŋmãa, ɛcɛ bɛ mɩ̀ bɛ tɩ sàw de a bɛ ƴɛ̀rʋ ɛ.

A Yeezu na wul ʋ tʋɔra a po-tuurbɛ pie nɩ been a

(Mat 28:16-20, Luk 24:36-49, Zã 20:19-23, Nɩ-t 1:6-8)

14A pɛ-baara a, a Yeezu tɩ wul'ɩ ʋ tʋɔra a Nɩ-toni pie nɩ been na tɩ lãw zɩ̃ dɩrɛ a. Ʋ tɩ yere bɛ na, bɛ na bɛ tɩ sàw de a, ɛ́ a bɛ zuru kpɛmɛ zuo bɛ bɛ sàw de a bɛlɩ dem na tɩ nyɛ̃ ʋ ʋ lɛb yi a kũu pʋɔ a ƴɛ̀rʋ a. 15Al pùorí, ʋ tɩ yel bɛ na: «Nyɩ cen a tẽ-daa za zu tɩ hiere a Yel-nʋ̃ɔ̀ kʋ̀rɛ a bʋ̃-íri za. 16Ʋlɩ sob nɛ wa sàw de a, ɛ́ de a suob a, ʋ na nyɛ̃ nɩ a faafʋ, ʋlɩ sob nɛ bɛ wa sàw de a, ʋ na nyɛ̃ nɩ dɔwrʋ. 17Ɛ́ bãwfʋ á ŋá n'a na tuur a bɛlɩ dem na sàw de a: a ɩ̃ yúor ƴãw, bɛ na diwr'ɩ kɔ̃tɔmɛ, bɛ na ƴɛ̀rɛ nɩ ƴɛ̀r-paalɛ. 18Bɛlɛ saa nyɔw wɩɩr nɩ nuru bɩɩ bɛlɛ saa nyũ tɩ̃ɩ-faa kãw a, a kʋ̃ ɩ bɛ bom za ɩ. Bɛ na mɩ́ ír'ɩ nuru dɔwlɩ a bàalbɛ zu, ɛ̀ bɛ lɛb kpɛ̃w.»

A Yeezu lɛb'a do a Naaŋmɩn zie

(Luk 24:50-53, Nɩ-t 1:9-11)

19A Sore Yeezu na wa ƴɛ̀r a bɛ zie à à ŋá baar'a, bɛ ír ʋ na do n a tẽ-vla pʋɔ, ʋ tɩ zɩ̃ a Naaŋmɩn dʋrʋ lowr. 20A ʋ Nɩ-toni tɩ cen na tɩ hiere a Yel-nʋ̃ɔ̀ a ziir za. A Sore tɩ lãwnɩ bɛ na tone, ɛ́ mɩ́ wul kɛ́ a Yel-nʋ̃ɔ̀ ƴɛ̀rʋ ɩ n sɩza, a nɔ-ɓãa-yele na tɩ maalɛ pʋɔ a ƴãw.]

Currently Selected:

Markɩ 16: DBDC

Highlight

Copy

Compare