Zonasɩ 2
2
A Zonasɩ be n a zʋm púorí ɛ́ puore a Sore
1A Sore tɩ ƴãw nɩ zʋm-kpɛ̃ɛ wa vɔl a Zonasɩ. A Zonasɩ tɩ maal'ɩ bibie ata nɩ tɩ̃ɩsɔwr ata a zʋm-kpɛ̃ɛ púorí#2:1 Bɛ ƴɛ̀r'ɩ a kan-nʋɔr ŋa ƴɛ̀rʋ a Mat 12.40 pʋɔ.. 2Ʋ tɩ be n a zʋm-kpɛ̃ɛ púorí ɛ́ puori a Sore ʋ Naaŋmɩn. 3Ʋ tɩ yel'a:
Ɩ̃ na tɩ be a kpɩɛrʋ pʋɔ a,
fʋ̃ʋ n'ʋ ɩ̃ tɩ kõ bʋɔlɩ, Sore e,
ɛ́ fʋ tɩ sɔw mɛ̃ na.
Ɩ̃ na tɩ be a kũu bɔw-zulu pʋɔ a,
ɩ̃ tɩ kõ na bʋɔlɩ fʋ,
ɛ́ fʋ tɩ bɛr'a wõ a ɩ̃ bʋɔlʋ.
4Fʋ tɩ lɔb mɛ̃ na ƴãw a kʋ̃ɔ-kpɛ̃ɛ pʋɔ,
a kʋ̃ɔ-zulu pʋɔ.
A kʋ̃ɔnɩ tɩ jil'a koli mɛ̃
ɛ́ fʋ tɩ ɩ a kʋ̃ɔ-mie ìre ŋmɩɛr mɛ̃ tuur taa.
5Ɛ́ mãa a, ɩ̃ tɩ yere na:
«Mãa n'ɩ ŋan bɛ diw bɛr a fʋ niŋé Sore e,
ɛcɛ, ɩ̃ bɔbr'a k'ɩ̃ɩ nãá lɛb nyɛ̃ a fʋ yir-sõw.»
6A kʋ̃ɔ tɩ ƴãw mɛ̃ nɩ a kɔkɛɛ,
a kʋ̃ɔ-kpɛ̃ɛ tɩ paal'a pàw mɛ̃,
a kʋ̃ɔnɩ mʋ̃ɔ tɩ vili na pàw a ɩ̃ zu za.
7Ɩ̃ tɩ tɔl'a siw tɩ ta a be a tan na nyɛ nyɔw a,
a kũu tẽw pamɛ tɩ pàw mɛ̃ na bɛr baarɩ.
Ɛcɛ fʋ̃ʋ Sore ɩ̃ Naaŋmɩn i,
fʋ ɩ na ɩ̃ yi a bɔw-zulu pʋɔ do wa ɩ nɩ-vʋʋra.
8A lɛn daar ɩ̃ na tɩ ŋmaar a vʋʋrʋ a,
ɩ̃ tɩ lɛb'a tɩɛrɩ a fʋ yele, Sore e,
ɛ́ a ɩ̃ puoru tɩ ta b'ɩ a fʋ yir-sõw pʋɔ.
9A bɛlɩ dem na zɔrɛ tuur a ŋmɩn-bɛlɛbɛlɛ a,
bɛ mɩ́ zawrɛ nɩ a bɛ faafʋ bɛrɛ.
10Ɛcɛ mãa a, ɩ̃ na yiele nɩ barka yielu
maalɛ nɩ bàwr kʋ̀rɛ fʋ.
A nɛ́ɛ ɩ̃ na kõ kʋ̀ b a, ɩ̃ na ír a na.
Sore e, fʋ̃ʋ zie n'a a ɩ̃ faafʋ yire.
11A Sore tɩ ƴãw nɩ a zʋ́m ʋ òw a Zonasɩ bin a kõkowr zu.
Currently Selected:
Zonasɩ 2: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
