Zɔb 26
26
A Zɔb sɔw nɩ a Bɩldaadɩ: «Nyɛ̃ sõwfʋ kãw na sõwne mɛ̃ a!»
1Lɛ n'a a Zɔb tɩ de a ƴɛ̀rʋ yel:
2Nyɛ̃ sõwfʋ kãw na sõwne bãbàal a,
nyɛ̃ sõwfʋ kãw na sõwne nɩr na bɛ tɛr fãw a!
3Nyɛ̃ yã kãw na wule sob nɛ na bɛ tɛr yã-bãwfʋ a,
nyɛ̃ bãwfʋ kãw fʋ na wul kɛ́ fʋ bãw nɩ yele za a!
4Ãa n'ʋ fʋ ƴɛ̀rɛ à à ŋá kʋ̀rɛ?
Ãa n'ʋ waalɩ a ƴɛ̀rʋ á ŋá kʋ̀ b fʋ ƴɛ̀rɛ?
A Naaŋmɩn na tʋ̃ɔ́ bom za a
5A kpɩmɛ tẽw dem màwr'ɩ bɛ za,
bɛl na be a kʋ̃ɔ-kpɛ̃ɛ nɩ a ʋ pʋɔ bʋ̃-vʋʋrɩ pile pile za a.
6Bʋ̃ʋ n'ʋ vɛ̃, a Naaŋmɩn niŋé a,
a kpɩmɛ tẽw sãá nɩ nyɩraa lɛ,
ɛ́ bom za bɛ pàw a bɔw-zulu zulu a ʋ niŋé ɩ.
7Ʋlɛ n'ʋ dɔl a saa-pɛrɩ́-gʋba-lowr salom bɛr a vuo pʋɔ
ɛ́ 'lẽ a tẽw yawlɩ a zi-vuo pʋɔ.
8Ʋlɛ n'ʋ mɩ́ ɩ a kʋ̃ɔ paalɩ a zũzuwe,
ɛ́ bɛ sàw a kʋ̃ɔ tɩbrʋ cɩɛr'a bɛr ɛ.
9Ʋlɛ n'ʋ mɩ́ nyɔw zũzuwr taw pàw
a ʋ naalʋ-dà-kɔw.
*
10Ʋ tʋ̃ɔ̀ nɩ tʋra viiri koli a kʋ̃ɔ-kpɛ̃ɛ,
a be a cãà na mɩ́ tɛw ɛ́ a lige tĩ a.
11Ʋ mɩ́ tanɩ nɩ a salom, pʋ̀lá vʋ̃ɔ ʋ,
ʋ dãdawlɛ a ʋ kpule zu.
12Ʋ tʋ̃ɔ́ nɩ a Kʋ̃ɔ-kpɛ̃ɛ#26:12 Kʋ̃ɔ-kpɛ̃ɛ nɩ Arahab: Nyɛ̃ 7.12 nɩ a manʋ. nɩ a ʋ fãw,
ɛ́ ƴɛ́r a dʋ̃-bɩɛ Arahab ŋmɛr nɩ a ʋ yã.
13A ʋ nʋɔr pɩɛlʋ pɩɩr'ɩ a salom,
ɛ́ a ʋ nũu cɔ̀r a Levɩatã, a wa-gõlõgõlõ, col.
14À á ŋá za wa ɩ a ʋ ɩ-ɩrɩ wɔlmɛ̃ a,
— a blã za zie tɩ na mɩ́ páw nyɛ̃ a —
Ãa n'ʋ pãa na tʋ̃ɔ́ bãw a lɛ
a ʋ gãda-tome na bɛrmɛ sɛw a?
La Bible en Dagara © Alliance Biblique du Burkina Faso, 2013.