Ɩzayi 63
63
A Sore dɩrɛ nɩ nɩ a nɩ-bʋʋrɛ ƴɛ̀rʋ
1Ãa n'ɩ a sob ŋa
na yi a Edɔm tẽ-kpɛ̃ɛ, Bɔsɩra, waar a?
A ʋ kparɩ mar'ɩ bʋ̃-zɩɩr.
Ʋ su n dɛpaal bʋ̃-suuri,
ʋ nàw nɩ nyãá waar'ɩ, ɛ́ bãwnɩ a ʋ fãw.
A Sore yere na: “Mãa n'ʋ.
Ɩ̃ dɩrɛ nɩ a ƴɛ̀rʋ nɩ mɩnʋ,
ɩ̃ tɛr'ɩ a fãw na faa nyɩ.
2Bʋ̃ʋ n'ʋ so a fʋ bʋ̃-suuri mar bʋ̃-zɩɩr,
ɛ́ a fʋ kparɩ ɩ mɛ̃ nɩr na nɛb
divɛ̃ tɩ-wɔmɛ a nɛbrʋ zie a?
3Yel-mɩŋa n'a, ɩ̃ nɛb'ɩ a divɛ̃ tɩɩr wɔmɛ ɩ̃ yõ.
A nɩ-bʋʋrɛ pʋɔ a, nɩr za bɛ tɩ lãw nɩ mɛ̃ ɩ.
Lɛ n'a a ɩ̃ suur nɩ a ɩ̃ su-yãyaar pʋɔ
ɩ̃ nɛb bɛ ŋmɛr, ɩ̃ nɛb'ɩ bɛ gbɛ́ɛ.
A bɛ zɩ̃ɩ ƴaw na waarɩ a ɩ̃ kparɩ,
a ɩ̃ bʋ̃-suuri mar a za.
4Ɩ̃ tɩ tɛr'ɩ a san-yaafʋ tɩɛrʋ,
a ɩ̃ nɩ-bʋʋrɛ ya-deb yũon tɩ vɩɛ na.
5Ɩ̃ tɩ jɩ́r'a, bɛ nyɛ̃ sõwne za ɩ!
A tɩ ɩ n uru yaga a ɩ̃ zie,
nɩr za na bɛ tɩ tɩ̀ɛ mɛ̃ a!
Lɛ n'a a ɩ̃ kpãkpãw tɩ ɩ ɩ̃ zɛb tʋ̃ɔ́,
ɛ́ a ɩ̃ su-yãyaar ɩ a ɩ̃ tɩɛrɛ.
6Ɩ̃ ƴɛ́r'ɩ nɩ-bʋʋrɛ ŋmɛr a ɩ̃ suur pʋɔ,
ɩ̃ ɩ na a ɩ̃ su-yãyaar kuoli bɛ,
ɛ́ ɩ a bɛ zɩ̃ɩ a cir tẽw.
A Sore nɔ̃wfʋ ɩ-ɩrɩ yele
7Ɩ̃ na lɛb'a sɩ̃w a Sore ɩ-vɩɛlɩ tɩɛrʋ,
a alɩ bome nɛ na n'a so tɩ danɛ ʋ a:
a alɩ bome nɛ za a Sore na ɩ a tɩ ƴãw a,
a ʋ nɔ̃wfʋ na ɩ kpɛ̃ɛ a Ɩsɩrayɛl nɩbɛ ƴãw a,
a alɩ bome nɛ za ʋ na ɩ a ʋ nɔ̃wfʋ zũú a,
nɩ a ʋ ɩ-vɩɛlɩ na bɛ tɛr vuo a.
8Ʋ yel'ɩ à ŋá a Ɩsɩrayɛl nɩbɛ ƴãw:
«Bɛ ɩ n a ɩ̃ nɩbɛ, a ɩ̃ bibiir nɛbɛ,
bɛ kʋ̃ bɛlɩ mɛ̃ ɩ.»
Ʋʋ tɩ ɩ n a bɛ Faarɛ.
9A bɛ kpɩɛrʋ za pʋɔ a,
nɩ-tona kãw bɩɩ malkɩ kãw
bɛ n'ʋ faa bɛ ɩ, a Sore mɩŋa n'ʋ.
Ʋ ya na de bɛ
a ʋ nɔ̃wfʋ nɩ a ʋ nɩbaal-zɔba pʋɔ.
Ʋ tɛr bɛ na ɛ́ tɩ̀ɛ bɛ
a bɛ yele pʋɔ a koro za.
10Ɛcɛ a bɛl a, bɛ tɩ gaarɩ na,
ɩ a ʋ Vʋʋrʋ Sõw ʋ tɛr pʋ-sãwna.
Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.
11Lɛ n'a a ʋ nɩbɛ
tɩ lɛb tɩɛrɩ a Moyiir daar:
«Nyɩnɛ n'a a sob nɛ na ɩ a ʋ nɩbɛ
bɛ yi a kʋ̃ɔ-kpɛ̃ɛ pʋɔ lɛb do a be?
Nyɩnɛ n'a a ʋ dʋn lãwnɩ a cɩ̃ɩnbɛ be?
Nyɩnɛ n'a a sob nɛ na ƴãw
a ʋ Vʋʋrʋ Sõw a tɩ sɔgɔ a be?
12A cenu daar a,
ʋlɛ n'ʋ tɩ̀ɛ a Moyiir nɩ a ʋ kpãkpã-kpɛ̃w.
Ʋ ɓar'ɩ a kʋ̃ɔ-kpɛ̃ɛ kʋ̃ɔ a bɛ niŋé,
k'ʋʋ tʋ̃ɔ́ páw yúor na be kʋralɛ a.
13Ʋlɛ n'ʋ ɩ bɛ cen tɔl
a kʋ̃ɔ-kpɛ̃ɛ-zulu pʋɔ
mɛ̃ wur na cen tɔl wɛja-kpalɛ pʋɔ a,
ɛ́ bɛ̀ bɛ lo ɩ.
14Bɛ tɩ ɩ na mɛ̃ dʋn na siwr fʋɔla pʋɔ a.
A Sore Vʋʋrʋ tɩ tɛr bɛ na cere nɩ a pɩ̃ɛnʋ zie.»
À à ŋá n'a fʋ tɩ tɛr a fʋ nɩbɛ cen nɩ,
kɛ́ fʋ páw yúor-vɩɛlʋ-danʋ.
Yãayãa zɛlʋ puoru
15Sore e, be a salom zu,
a zi-sõw-vla vla fʋ na kpɩɛr a,
ɛ́ jɩ́r a ʋlɩ bom nɛ na ɩrɛ tɩ a nyɛ̃.
Nyɩnɛ n'a a fʋ nɔ̃wfʋ
na dɩrɛ a tɩ ƴãw mɛ̃ vũu a cen?
Nyɩnɛ n'a a fʋ kpɛnʋ be?
Tɩ bɛ mɩ́ cãà nyɛ̃ a fʋ ƴã-cɩrʋ
nɩ a fʋ nɔ̃wfʋ a tɩ ƴãw ɛ.
16Ɛcɛ fʋ̃ʋ n'ɩ a tɩ sãà,
a tɩ sãàkʋm-kʋra Abraham bɛ bãw tɩ yele ɩ,
a Zakɔb bɛ bãw tɩ ɛ.
Ɛcɛ fʋ̃ʋ a, Sore e, fʋ ɩ n a tɩ sãà,
a “tɩ ya-diere”,
a fʋ yúor'ɩ à ŋà a koro kãw za.
17Sore e, bʋ̃ʋ n'ʋ so fʋ bɛr tɩ
tɩ bɔr zãá nɩ a fʋ sɔ́r,
tɩ kpawlɩ a tɩ socie a bɛ zɔrɛ fʋ?
Lɛb wa, fʋ na nɔnɛ tɩ a zũú,
tɩɩm na ɩ a fʋ tõ-tõ-biir a,
a nɩ-bʋʋrɛ fʋ na so a.
18A tɩɩm, fʋ nɩ-bʋʋr-sõw a,
blãlɛ n'a tɩ kpɛ so a tẽw.
A tɩ dɔ̃ dem ŋmɛr'ɩ a fʋ zi-sõw bɛr.
19A cɛlɩ nɩ yaga tɩ na bɛ cãà ɩ
a nɩ-bʋʋrɛ bɛl zu fʋ na dɩrɛ a naalʋ a,
a nɩ-bʋʋrɛ bɛl na bɛ cãà dɩ a fʋ yúor a!
Áa! fʋ̃ʋ tori ɩ mɛ̃ fʋ cɩɛr'ɩ a salom ɛ́ siw a!
A tan nãá dam'ɩ a fʋ niŋé!
Currently Selected:
Ɩzayi 63: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 63
63
A Sore dɩrɛ nɩ nɩ a nɩ-bʋʋrɛ ƴɛ̀rʋ
1Ãa n'ɩ a sob ŋa
na yi a Edɔm tẽ-kpɛ̃ɛ, Bɔsɩra, waar a?
A ʋ kparɩ mar'ɩ bʋ̃-zɩɩr.
Ʋ su n dɛpaal bʋ̃-suuri,
ʋ nàw nɩ nyãá waar'ɩ, ɛ́ bãwnɩ a ʋ fãw.
A Sore yere na: “Mãa n'ʋ.
Ɩ̃ dɩrɛ nɩ a ƴɛ̀rʋ nɩ mɩnʋ,
ɩ̃ tɛr'ɩ a fãw na faa nyɩ.
2Bʋ̃ʋ n'ʋ so a fʋ bʋ̃-suuri mar bʋ̃-zɩɩr,
ɛ́ a fʋ kparɩ ɩ mɛ̃ nɩr na nɛb
divɛ̃ tɩ-wɔmɛ a nɛbrʋ zie a?
3Yel-mɩŋa n'a, ɩ̃ nɛb'ɩ a divɛ̃ tɩɩr wɔmɛ ɩ̃ yõ.
A nɩ-bʋʋrɛ pʋɔ a, nɩr za bɛ tɩ lãw nɩ mɛ̃ ɩ.
Lɛ n'a a ɩ̃ suur nɩ a ɩ̃ su-yãyaar pʋɔ
ɩ̃ nɛb bɛ ŋmɛr, ɩ̃ nɛb'ɩ bɛ gbɛ́ɛ.
A bɛ zɩ̃ɩ ƴaw na waarɩ a ɩ̃ kparɩ,
a ɩ̃ bʋ̃-suuri mar a za.
4Ɩ̃ tɩ tɛr'ɩ a san-yaafʋ tɩɛrʋ,
a ɩ̃ nɩ-bʋʋrɛ ya-deb yũon tɩ vɩɛ na.
5Ɩ̃ tɩ jɩ́r'a, bɛ nyɛ̃ sõwne za ɩ!
A tɩ ɩ n uru yaga a ɩ̃ zie,
nɩr za na bɛ tɩ tɩ̀ɛ mɛ̃ a!
Lɛ n'a a ɩ̃ kpãkpãw tɩ ɩ ɩ̃ zɛb tʋ̃ɔ́,
ɛ́ a ɩ̃ su-yãyaar ɩ a ɩ̃ tɩɛrɛ.
6Ɩ̃ ƴɛ́r'ɩ nɩ-bʋʋrɛ ŋmɛr a ɩ̃ suur pʋɔ,
ɩ̃ ɩ na a ɩ̃ su-yãyaar kuoli bɛ,
ɛ́ ɩ a bɛ zɩ̃ɩ a cir tẽw.
A Sore nɔ̃wfʋ ɩ-ɩrɩ yele
7Ɩ̃ na lɛb'a sɩ̃w a Sore ɩ-vɩɛlɩ tɩɛrʋ,
a alɩ bome nɛ na n'a so tɩ danɛ ʋ a:
a alɩ bome nɛ za a Sore na ɩ a tɩ ƴãw a,
a ʋ nɔ̃wfʋ na ɩ kpɛ̃ɛ a Ɩsɩrayɛl nɩbɛ ƴãw a,
a alɩ bome nɛ za ʋ na ɩ a ʋ nɔ̃wfʋ zũú a,
nɩ a ʋ ɩ-vɩɛlɩ na bɛ tɛr vuo a.
8Ʋ yel'ɩ à ŋá a Ɩsɩrayɛl nɩbɛ ƴãw:
«Bɛ ɩ n a ɩ̃ nɩbɛ, a ɩ̃ bibiir nɛbɛ,
bɛ kʋ̃ bɛlɩ mɛ̃ ɩ.»
Ʋʋ tɩ ɩ n a bɛ Faarɛ.
9A bɛ kpɩɛrʋ za pʋɔ a,
nɩ-tona kãw bɩɩ malkɩ kãw
bɛ n'ʋ faa bɛ ɩ, a Sore mɩŋa n'ʋ.
Ʋ ya na de bɛ
a ʋ nɔ̃wfʋ nɩ a ʋ nɩbaal-zɔba pʋɔ.
Ʋ tɛr bɛ na ɛ́ tɩ̀ɛ bɛ
a bɛ yele pʋɔ a koro za.
10Ɛcɛ a bɛl a, bɛ tɩ gaarɩ na,
ɩ a ʋ Vʋʋrʋ Sõw ʋ tɛr pʋ-sãwna.
Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.
11Lɛ n'a a ʋ nɩbɛ
tɩ lɛb tɩɛrɩ a Moyiir daar:
«Nyɩnɛ n'a a sob nɛ na ɩ a ʋ nɩbɛ
bɛ yi a kʋ̃ɔ-kpɛ̃ɛ pʋɔ lɛb do a be?
Nyɩnɛ n'a a ʋ dʋn lãwnɩ a cɩ̃ɩnbɛ be?
Nyɩnɛ n'a a sob nɛ na ƴãw
a ʋ Vʋʋrʋ Sõw a tɩ sɔgɔ a be?
12A cenu daar a,
ʋlɛ n'ʋ tɩ̀ɛ a Moyiir nɩ a ʋ kpãkpã-kpɛ̃w.
Ʋ ɓar'ɩ a kʋ̃ɔ-kpɛ̃ɛ kʋ̃ɔ a bɛ niŋé,
k'ʋʋ tʋ̃ɔ́ páw yúor na be kʋralɛ a.
13Ʋlɛ n'ʋ ɩ bɛ cen tɔl
a kʋ̃ɔ-kpɛ̃ɛ-zulu pʋɔ
mɛ̃ wur na cen tɔl wɛja-kpalɛ pʋɔ a,
ɛ́ bɛ̀ bɛ lo ɩ.
14Bɛ tɩ ɩ na mɛ̃ dʋn na siwr fʋɔla pʋɔ a.
A Sore Vʋʋrʋ tɩ tɛr bɛ na cere nɩ a pɩ̃ɛnʋ zie.»
À à ŋá n'a fʋ tɩ tɛr a fʋ nɩbɛ cen nɩ,
kɛ́ fʋ páw yúor-vɩɛlʋ-danʋ.
Yãayãa zɛlʋ puoru
15Sore e, be a salom zu,
a zi-sõw-vla vla fʋ na kpɩɛr a,
ɛ́ jɩ́r a ʋlɩ bom nɛ na ɩrɛ tɩ a nyɛ̃.
Nyɩnɛ n'a a fʋ nɔ̃wfʋ
na dɩrɛ a tɩ ƴãw mɛ̃ vũu a cen?
Nyɩnɛ n'a a fʋ kpɛnʋ be?
Tɩ bɛ mɩ́ cãà nyɛ̃ a fʋ ƴã-cɩrʋ
nɩ a fʋ nɔ̃wfʋ a tɩ ƴãw ɛ.
16Ɛcɛ fʋ̃ʋ n'ɩ a tɩ sãà,
a tɩ sãàkʋm-kʋra Abraham bɛ bãw tɩ yele ɩ,
a Zakɔb bɛ bãw tɩ ɛ.
Ɛcɛ fʋ̃ʋ a, Sore e, fʋ ɩ n a tɩ sãà,
a “tɩ ya-diere”,
a fʋ yúor'ɩ à ŋà a koro kãw za.
17Sore e, bʋ̃ʋ n'ʋ so fʋ bɛr tɩ
tɩ bɔr zãá nɩ a fʋ sɔ́r,
tɩ kpawlɩ a tɩ socie a bɛ zɔrɛ fʋ?
Lɛb wa, fʋ na nɔnɛ tɩ a zũú,
tɩɩm na ɩ a fʋ tõ-tõ-biir a,
a nɩ-bʋʋrɛ fʋ na so a.
18A tɩɩm, fʋ nɩ-bʋʋr-sõw a,
blãlɛ n'a tɩ kpɛ so a tẽw.
A tɩ dɔ̃ dem ŋmɛr'ɩ a fʋ zi-sõw bɛr.
19A cɛlɩ nɩ yaga tɩ na bɛ cãà ɩ
a nɩ-bʋʋrɛ bɛl zu fʋ na dɩrɛ a naalʋ a,
a nɩ-bʋʋrɛ bɛl na bɛ cãà dɩ a fʋ yúor a!
Áa! fʋ̃ʋ tori ɩ mɛ̃ fʋ cɩɛr'ɩ a salom ɛ́ siw a!
A tan nãá dam'ɩ a fʋ niŋé!
La Bible en Dagara © Alliance Biblique du Burkina Faso, 2013.