Ɩzayi 57
57
1Bɛ kʋrɛ nɩ a nɩ-mɩn,
ɛ́ nɩr bɛ cɛlɛ be ɩ.
A nɩ-vɩɛlɩ báarɛ na,
ɛ́ nɩr bɛ bãwnɩ a ɩ.
Ʋ̃ʋ, a nɩ-mɩn báarɛ na
a nɩ-faar po-tuolu zũú.
2Ɛcɛ a ƴã-ɓaarʋ na wa na,
ɛ́ a bɛlɩ dem na ɩrɛ vla a
na mɩ́ gúre nɩ zoom a bɛ bʋ̃-gana zu.
A Sore yere nɩ a Ɩsɩrayɛl nɩbɛ a bɛ tɩbɛ ƴãw
3Nyɩɩm, pɔw-sɩ̃ɛ bibiir i,
nyɩ taw pɩɛlɩ a ka.
Pɩ̃ɔ-yel-maalbɛ nɩ pɔw-yɛmɛ
nɩ dɛ-yɛmɛ bʋʋrɛ n'ɩ nyɩ!
4Ãa n'ʋ nyɩ kpɔwrɛ?
Ãa ƴãw n'a nyɩ mɩ́ háa a nʋɔr a gbayala
ɛ́ ír a zɛl?
Sɩza bɛ n'a nyɩ ɩ bibi-gaarɩ ɛ?
Zir-ŋmarbɛ bʋʋrɛ ɩ?
5Nyɩ mɩ́ ɩ na a ƴãw cɩrɛ nyɩ
a nyɩ maalʋ-ziir tɩɩr pɛr,
tɩ-zimpiri za pile.
Nyɩ mɩ́ maal'ɩ nɩ bibiir bàwr a fʋɔlɩ pʋɔ,
a pìe bɔwrɩ pʋɔ.
6A fʋɔla kʋsɛ-saalɩ a, fʋ̃ʋ so a,
a fʋ dem'ɩ a al, Ɩsɩrayɛl i!
A al ƴãw n'a fʋ mɩ́ cir divɛ̃ bɛr,
a ɩ bàwr fʋ maalɩ,
fʋ mɩ́ tɩr de-kʋ̀b bome.
A Sore sowre na:
«Ɩ̃ na tʋ̃ɔ́ na sàw à à ŋá a?»
7Fʋ mɩ́ bin nɩ a fʋ gado
tãw za na kɛrɩ a zu.
Ɛ́ a be n'a fʋ mɩ́ do
kɛ́ fʋ tɩ maalɩ a bàwr.
8Fʋ mɩ́ bin nɩ a fʋ tɩɩb
a dɩ̃dɔr dàa pùorí.
Fʋ mɩ́ sɔwl'ɩ a ɩ̃ ƴãw yàa a fʋ bʋ̃-suuri,
fʋ mɩ́ do na gã a fʋ gado
fʋ na ɩ ʋ yɛlmɛ a zu.
Fʋ̃ʋ nɩ a fʋ sɛnbɛ mɩ́ maal'ɩ wõ-taa
na tɛr tɔnɛ a,
fʋ mɩ́ nɔnɛ na kɛ́ fʋ lãw gã nɩ bɛ
ɛ́ nɔnɛ a bom jɩ́rʋ#57:8 A kan-nɛ́ɛ 5-8 manɛ nɩ a tɩbɛ maalʋ ɩ-ɩrɩ a nɩbɛ na mɩ́ tɩ tɛr a dɔwfʋ ƴãw a. Baa zuo a za, a manɛ nɩ a tub na mɩ́ tɩ tuur a bʋ̃-kʋ́ɔrɩ nɩ a bibiir páwfʋ ƴãw a. A bom: A bom tɔ̃w na ɩ n a dɛb yʋ̀ɔr yúor'ʋ bɛ bɛ bɔbr kɛ́ bɛ por ɛ..
9Fʋ mɩ́ cen nɩ a na-kpɛ̃ɛ#57:9 A na-kpɛ̃ɛ tɔ̃w na ɩ n a tɩɩb kãw. zie,
tɛr kãá nɩ parfɛ̃,
fʋ mɩ́ tõ n nɩbɛ zie
na zãá nɩ a ka yaga za a.
Fʋ mɩ́ siw na tɩ ta a kpɩmɛ tẽw.
10Fʋ mɩ́ cen nɩ a cenu a bàl fʋ.
Ɛcɛ fʋ bɛ mɩ́ yel:
«Ɩ̃ na bɛr'a ɩ».
Fʋ lɛb'a nyɛ̃ a fʋ fãw,
fʋ tʋ̃ɔ́ nɩ a fʋ bàlʋ.
11Ãa dɛ̃bɩ̃ɛ n'a fʋ tɩ zɔrɛ,
ãa n'ʋ fʋ tɩ zɔrɛ ŋma a ziri,
yiiri mɛ̃ bɛr bɛ cãà tɛr a ɩ̃ tɩɛrʋ?
Mãa a, ɩ̃ ɩ n gbili a koro za,
alɛ n'a so fʋ bɛ zɔrɛ mɛ̃ ɩ.
12Ɩ̃ na yel'ɩ cãamɩ́ lɛ a lɛ fʋ na ŋmɛ̃ a,
nɩ a fʋ ɩ-ɩrɩ.
Fʋ bɛ nyɛrɛ tɔnɛ kãw za a pʋɔ ɛ.
13Fʋ̃ʋ wa kone bɔbr'ɩ sõwfʋ a,
a fʋ tɩbɛ fʋ na wob ɓã taa a, a faa fʋ!
A sɛsɛb na wob a nɩ a za cen nɩ,
pɩɛlʋ na pɛbl'a na tɔl'ɩ.
Ɛcɛ sob nɛ na na zɔ kpɛ a ɩ̃ naayir a
na páw nɩ a tẽw ʋ ɩ a ʋ sób,
ʋʋ na so nɩ a ɩ̃ tãw-sõw.
A Sore na sanɩ nɩ a ʋ nɩ-bʋʋrɛ Ɩsɩrayɛl
14A Sore yel a:
«Nyɩ maalɩ a sɔ́r,
nyɩ ɩ fɔ̃w, nyɩ puo a sɔ́r,
nyɩ ír a bome na piw a ɩ̃ nɩ-bʋʋrɛ sɔ́r a bɛr.»
15Nyɛ̃ a lɛ a Naaŋmɩn na ɩ sõw a na yere a,
ʋl na be bom za zu-sɔw
ɛ́ tɛr kpɛb zie kʋralɛ a:
«A mãa, a Naaŋmɩn na ɩ sõw a,
ɩ̃ kpɩɛr'ɩ a saa-zu ka.
Ɛcɛ ɩ̃ lãw nɩ nɩ a nɩbɛ bɛ na dɔwrɛ
ɛ́ bɛ tɛr su-siwri a,
k'ɩ̃ɩ lɛb kʋ̀ nyɔ-vʋʋrʋ a su-siwri dem,
k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.
16Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ,
bɩɩ nyɛ̃ a suur kʋralɛ ɩ.
Alɛ bɛ ɩ lɛ, a nyɔ-vʋʋrʋ pɩɛlʋ
kʋ̃ cãà be a bɛlɩ dem ɩ̃ na ír a zie ɩ.
17A Ɩsɩrayɛl sãwna na n'ɩ
ʋ na mɩ́ nyɛ̃ a bom zɩnɛ guur a,
ɩ na k'ɩ̃ nyɛ̃ suur,
ɛ́ a ɩ̃ suur pʋɔ ɩ̃ ŋmɛ ʋ.
Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ.
Ɛcɛ a ʋ zu kpɛmɛ na,
ʋ cãà ɩ a ʋ ɩb.
18Ɩ̃ nyɛ̃ nɩ a ʋ ɩb vla vla,
ɛcɛ ɩ̃ na sanɩ ʋ na.
Ɩ̃ na wul ʋ nɩ a sɔ́r, ɩ̃ na mɔwl'ʋ na.
A bɛlɩ dem za na be wahala pʋɔ a,
19ɩ̃ na ƴãw nɩ danʋ yielu a bɛ nɛ̃ɛ́.»
A Sore yel a:
«Ƴã-ɓaarʋ, ʋ be a sob nɛ na zãá a zie,
ƴã-ɓaarʋ, ʋ be a sob nɛ na pɩɛlɩ a zie!
Sɩza n'a, ɩ̃ na sanɩ nɩ a ɩ̃ nɩbɛ.»
20Ɛcɛ a nɩ-faar ɩ na
mɛ̃ kʋ̃ɔ-kpɛ̃ɛ na damnɛ a,
na kʋ̃ tʋ̃ɔ́ gã zoom a,
ɛ́ a kʋ̃ɔ-mie tuore a mɛ̃mɛrɛ
nɩ a sagɛ ìre nɩ a.
21A ɩ̃ Naaŋmɩn yel a:
«Ƴã-ɓaarʋ bɛ be a nɩ-faar ƴãw ɛ.»
Currently Selected:
Ɩzayi 57: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 57
57
1Bɛ kʋrɛ nɩ a nɩ-mɩn,
ɛ́ nɩr bɛ cɛlɛ be ɩ.
A nɩ-vɩɛlɩ báarɛ na,
ɛ́ nɩr bɛ bãwnɩ a ɩ.
Ʋ̃ʋ, a nɩ-mɩn báarɛ na
a nɩ-faar po-tuolu zũú.
2Ɛcɛ a ƴã-ɓaarʋ na wa na,
ɛ́ a bɛlɩ dem na ɩrɛ vla a
na mɩ́ gúre nɩ zoom a bɛ bʋ̃-gana zu.
A Sore yere nɩ a Ɩsɩrayɛl nɩbɛ a bɛ tɩbɛ ƴãw
3Nyɩɩm, pɔw-sɩ̃ɛ bibiir i,
nyɩ taw pɩɛlɩ a ka.
Pɩ̃ɔ-yel-maalbɛ nɩ pɔw-yɛmɛ
nɩ dɛ-yɛmɛ bʋʋrɛ n'ɩ nyɩ!
4Ãa n'ʋ nyɩ kpɔwrɛ?
Ãa ƴãw n'a nyɩ mɩ́ háa a nʋɔr a gbayala
ɛ́ ír a zɛl?
Sɩza bɛ n'a nyɩ ɩ bibi-gaarɩ ɛ?
Zir-ŋmarbɛ bʋʋrɛ ɩ?
5Nyɩ mɩ́ ɩ na a ƴãw cɩrɛ nyɩ
a nyɩ maalʋ-ziir tɩɩr pɛr,
tɩ-zimpiri za pile.
Nyɩ mɩ́ maal'ɩ nɩ bibiir bàwr a fʋɔlɩ pʋɔ,
a pìe bɔwrɩ pʋɔ.
6A fʋɔla kʋsɛ-saalɩ a, fʋ̃ʋ so a,
a fʋ dem'ɩ a al, Ɩsɩrayɛl i!
A al ƴãw n'a fʋ mɩ́ cir divɛ̃ bɛr,
a ɩ bàwr fʋ maalɩ,
fʋ mɩ́ tɩr de-kʋ̀b bome.
A Sore sowre na:
«Ɩ̃ na tʋ̃ɔ́ na sàw à à ŋá a?»
7Fʋ mɩ́ bin nɩ a fʋ gado
tãw za na kɛrɩ a zu.
Ɛ́ a be n'a fʋ mɩ́ do
kɛ́ fʋ tɩ maalɩ a bàwr.
8Fʋ mɩ́ bin nɩ a fʋ tɩɩb
a dɩ̃dɔr dàa pùorí.
Fʋ mɩ́ sɔwl'ɩ a ɩ̃ ƴãw yàa a fʋ bʋ̃-suuri,
fʋ mɩ́ do na gã a fʋ gado
fʋ na ɩ ʋ yɛlmɛ a zu.
Fʋ̃ʋ nɩ a fʋ sɛnbɛ mɩ́ maal'ɩ wõ-taa
na tɛr tɔnɛ a,
fʋ mɩ́ nɔnɛ na kɛ́ fʋ lãw gã nɩ bɛ
ɛ́ nɔnɛ a bom jɩ́rʋ#57:8 A kan-nɛ́ɛ 5-8 manɛ nɩ a tɩbɛ maalʋ ɩ-ɩrɩ a nɩbɛ na mɩ́ tɩ tɛr a dɔwfʋ ƴãw a. Baa zuo a za, a manɛ nɩ a tub na mɩ́ tɩ tuur a bʋ̃-kʋ́ɔrɩ nɩ a bibiir páwfʋ ƴãw a. A bom: A bom tɔ̃w na ɩ n a dɛb yʋ̀ɔr yúor'ʋ bɛ bɛ bɔbr kɛ́ bɛ por ɛ..
9Fʋ mɩ́ cen nɩ a na-kpɛ̃ɛ#57:9 A na-kpɛ̃ɛ tɔ̃w na ɩ n a tɩɩb kãw. zie,
tɛr kãá nɩ parfɛ̃,
fʋ mɩ́ tõ n nɩbɛ zie
na zãá nɩ a ka yaga za a.
Fʋ mɩ́ siw na tɩ ta a kpɩmɛ tẽw.
10Fʋ mɩ́ cen nɩ a cenu a bàl fʋ.
Ɛcɛ fʋ bɛ mɩ́ yel:
«Ɩ̃ na bɛr'a ɩ».
Fʋ lɛb'a nyɛ̃ a fʋ fãw,
fʋ tʋ̃ɔ́ nɩ a fʋ bàlʋ.
11Ãa dɛ̃bɩ̃ɛ n'a fʋ tɩ zɔrɛ,
ãa n'ʋ fʋ tɩ zɔrɛ ŋma a ziri,
yiiri mɛ̃ bɛr bɛ cãà tɛr a ɩ̃ tɩɛrʋ?
Mãa a, ɩ̃ ɩ n gbili a koro za,
alɛ n'a so fʋ bɛ zɔrɛ mɛ̃ ɩ.
12Ɩ̃ na yel'ɩ cãamɩ́ lɛ a lɛ fʋ na ŋmɛ̃ a,
nɩ a fʋ ɩ-ɩrɩ.
Fʋ bɛ nyɛrɛ tɔnɛ kãw za a pʋɔ ɛ.
13Fʋ̃ʋ wa kone bɔbr'ɩ sõwfʋ a,
a fʋ tɩbɛ fʋ na wob ɓã taa a, a faa fʋ!
A sɛsɛb na wob a nɩ a za cen nɩ,
pɩɛlʋ na pɛbl'a na tɔl'ɩ.
Ɛcɛ sob nɛ na na zɔ kpɛ a ɩ̃ naayir a
na páw nɩ a tẽw ʋ ɩ a ʋ sób,
ʋʋ na so nɩ a ɩ̃ tãw-sõw.
A Sore na sanɩ nɩ a ʋ nɩ-bʋʋrɛ Ɩsɩrayɛl
14A Sore yel a:
«Nyɩ maalɩ a sɔ́r,
nyɩ ɩ fɔ̃w, nyɩ puo a sɔ́r,
nyɩ ír a bome na piw a ɩ̃ nɩ-bʋʋrɛ sɔ́r a bɛr.»
15Nyɛ̃ a lɛ a Naaŋmɩn na ɩ sõw a na yere a,
ʋl na be bom za zu-sɔw
ɛ́ tɛr kpɛb zie kʋralɛ a:
«A mãa, a Naaŋmɩn na ɩ sõw a,
ɩ̃ kpɩɛr'ɩ a saa-zu ka.
Ɛcɛ ɩ̃ lãw nɩ nɩ a nɩbɛ bɛ na dɔwrɛ
ɛ́ bɛ tɛr su-siwri a,
k'ɩ̃ɩ lɛb kʋ̀ nyɔ-vʋʋrʋ a su-siwri dem,
k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.
16Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ,
bɩɩ nyɛ̃ a suur kʋralɛ ɩ.
Alɛ bɛ ɩ lɛ, a nyɔ-vʋʋrʋ pɩɛlʋ
kʋ̃ cãà be a bɛlɩ dem ɩ̃ na ír a zie ɩ.
17A Ɩsɩrayɛl sãwna na n'ɩ
ʋ na mɩ́ nyɛ̃ a bom zɩnɛ guur a,
ɩ na k'ɩ̃ nyɛ̃ suur,
ɛ́ a ɩ̃ suur pʋɔ ɩ̃ ŋmɛ ʋ.
Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ.
Ɛcɛ a ʋ zu kpɛmɛ na,
ʋ cãà ɩ a ʋ ɩb.
18Ɩ̃ nyɛ̃ nɩ a ʋ ɩb vla vla,
ɛcɛ ɩ̃ na sanɩ ʋ na.
Ɩ̃ na wul ʋ nɩ a sɔ́r, ɩ̃ na mɔwl'ʋ na.
A bɛlɩ dem za na be wahala pʋɔ a,
19ɩ̃ na ƴãw nɩ danʋ yielu a bɛ nɛ̃ɛ́.»
A Sore yel a:
«Ƴã-ɓaarʋ, ʋ be a sob nɛ na zãá a zie,
ƴã-ɓaarʋ, ʋ be a sob nɛ na pɩɛlɩ a zie!
Sɩza n'a, ɩ̃ na sanɩ nɩ a ɩ̃ nɩbɛ.»
20Ɛcɛ a nɩ-faar ɩ na
mɛ̃ kʋ̃ɔ-kpɛ̃ɛ na damnɛ a,
na kʋ̃ tʋ̃ɔ́ gã zoom a,
ɛ́ a kʋ̃ɔ-mie tuore a mɛ̃mɛrɛ
nɩ a sagɛ ìre nɩ a.
21A ɩ̃ Naaŋmɩn yel a:
«Ƴã-ɓaarʋ bɛ be a nɩ-faar ƴãw ɛ.»
La Bible en Dagara © Alliance Biblique du Burkina Faso, 2013.