Ɩzayi 55
55
Nyɩmɛ saa bɛ tɛr libir a, nyɩɩm wa
1Alɛ! Nyɩɩm za kʋ̃ɔ-nyúur na kpɩɛr a,
kʋ̃ɔ n'ɩ a ŋan, nyɩ wa!
Nyɩmɛ saa bɛ tɛr libir a, nyɩɩm wa.
Nyɩ da dɩ, mɔlɛ n'a.
Nyɩ wa, nyɩ da divɛ̃ nɩ bʋ̀rʋ,
ɛ́ ta ír libir ɛ, ɛ́ ta ya bom ɛ.
2Bʋnʋ ƴãw n'a nyɩ na íre libir
bom na bɛ guole a ƴãw?
Bʋnʋ ƴãw n'a nyɩ na bàlɛ nyɩ tʋɔra
bom na bɛ tɩwr a ƴãw?
Nyɩ bɛrɛ wone mɛ̃ vla,
ɛ́ nyɩ na páw nɩ bʋ̃-vɩɛlɩ dɩ,
nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.
3Nyɩ ƴãw tobr ɛ́ wa a ɩ̃ zie.
Nyɩ bɛrɛ wone, ɛ́ nyɩ na vʋʋrɛ na.
A Sore yere na:
«Ɩ̃ na maal'ɩ nyɩ nɩ wõ-taa
na na be be kʋralɛ a.
Ɩ̃ na tu n nyɩ nɩ a maalʋ
ɩ̃ na yel k'ɩ̃ɩ na kʋ̀ n a Daviir a.
4Ɩ̃ tɩ ɩ na ʋ ɩ
a ɩ̃ kpɛnʋ dãsɩɛ sob a nɩbɛ zie,
ʋ ɩ nɩ-kpɛ̃ɛ dɩrɛ nɩ-kpɛ̃ɛnʋ nɩbɛ zu.
5Ɩsɩrayɛl i, a fʋ̃ʋ mɩ̀,
fʋ na bʋɔl'ɩ nɩ-bʋʋrɛ fʋ na bɛ bãw a,
ɛ́ a nɩbɛ bɛ ŋa na bɛ tɩ bãw fʋ a,
na zɔ na wa a fʋ zie.
Mãa zũú n'a bɛ na wa,
mãa, a Sore fʋ Naaŋmɩn,
a Ɩsɩrayɛl Naaŋmɩn na ɩ sõw a,
na ƴãw fʋ a.»
A Sore ƴɛ̀rʋ mɩ́ tu na
6Nyɩ bɔbr a Sore a ƴɛrɛŋa ʋ na mɩ́ bɛr bɛ nyɛ̃ ʋ a.
Nyɩ bʋɔlɛ ʋ a ƴɛrɛŋa ʋ na pɩɛlɩ nyɩ a.
7A nɩ-faa, ʋ bɛr a ʋ ɩb!
A yel-fa-maalɛ,
ʋ bɛr a ʋ tɩɛr-faar!
Bɛ lɛb wa a Sore zie bɛ za,
bʋ̃ʋ n'ʋ vɛ̃, ʋ na zɔ n bɛ nɩbaalʋ!
Bɛ lɛb wa a tɩ Naaŋmɩn zie,
ʋ mɩ́ dɩ n suur yaga za!
8A Sore yere na:
«A nyɩ tɩɛrʋ bɛ ɩ a ɩ̃ tɩɛrʋ ɛ,
ɛ́ a ɩ̃ ɩb bɛ ɩ a nyɩ dem ɛ.
9A lɛ a vuo na sɛw
be a salom nɩ a tẽw cará a,
lɛ n'a ʋ mɩ̀ be a ɩ̃ ɩb nɩ a nyɩ ɩb cará,
a ɩ̃ tɩɛrʋ nɩ a nyɩ tɩɛrʋ cará.
10A saa nɩ a sa-pupure
mɩ́ yi n a salom zu lo.
Ɛcɛ a bɛ mɩ́ lɛb cen a be ɛ́ bɛ bur a tẽw ɛ,
ɛ́ bɛ ɩ k'ʋ wɔ̃ wɔmɛ ɩ,
ɛ́ bɛ ɩ a bʋ̃-bie a bul ɛ.
À ŋá n'a a bʋ̃-bʋʋrɛ
mɩ́ be be a bʋrʋ ƴãw,
ɛ́ bʋ̃-dɩrɩ be be a dɩb ƴãw.
11À à ŋá n'a a ɩ̃ ƴɛ̀rʋ
na mɩ́ yi a ɩ̃ nʋɔrɩ́ a mɩ́ ɩ:
ʋ bɛ lɛbr waar a ɩ̃ zie ɛ́ bɛ ɩ bom ɛ,
ɛ́ bɛ maalɩ a lɛ ɩ̃ na bɔbr'a ɩ,
ɛ́ bɛ tõ a ton ɩ̃ na kʋ̀ ʋ a ɩ.»
12Nʋ̃ɔ̀ n'a na ɩrɛ nyɩ
nyɩ yi a Babɩlɔn tẽw pʋɔ,
ɛ́ ƴã-ɓaarʋ n'a bɛ na tɛr'ɩ nyɩ
lɛb wa n a nyɩ tẽw.
Nyɩ na tɔlɛ na
a tan nɩ a tãli ŋmɩɛr nʋ̃ɔ̀ cɛlsɩ,
ɛ́ a wɩ̀ɛ tɩɩr za ŋmɩɛr nuru ƴãwn.
13A sɩpɩrɛ tɩɛ na lɩɛr'ɩ a gɔ-tuw bul,
a tɩɛ na nyùur vla a na lɩɛr'ɩ a gʋʋr.
À á ŋá za na ɩ na k'aa Sore nyɛ̃ ƴãwfʋ.
A na ɩ n bãwfʋ na be kʋralɛ
ɛ́ bɛ tɛr sãwfʋ na sãw a.
Currently Selected:
Ɩzayi 55: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 55
55
Nyɩmɛ saa bɛ tɛr libir a, nyɩɩm wa
1Alɛ! Nyɩɩm za kʋ̃ɔ-nyúur na kpɩɛr a,
kʋ̃ɔ n'ɩ a ŋan, nyɩ wa!
Nyɩmɛ saa bɛ tɛr libir a, nyɩɩm wa.
Nyɩ da dɩ, mɔlɛ n'a.
Nyɩ wa, nyɩ da divɛ̃ nɩ bʋ̀rʋ,
ɛ́ ta ír libir ɛ, ɛ́ ta ya bom ɛ.
2Bʋnʋ ƴãw n'a nyɩ na íre libir
bom na bɛ guole a ƴãw?
Bʋnʋ ƴãw n'a nyɩ na bàlɛ nyɩ tʋɔra
bom na bɛ tɩwr a ƴãw?
Nyɩ bɛrɛ wone mɛ̃ vla,
ɛ́ nyɩ na páw nɩ bʋ̃-vɩɛlɩ dɩ,
nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.
3Nyɩ ƴãw tobr ɛ́ wa a ɩ̃ zie.
Nyɩ bɛrɛ wone, ɛ́ nyɩ na vʋʋrɛ na.
A Sore yere na:
«Ɩ̃ na maal'ɩ nyɩ nɩ wõ-taa
na na be be kʋralɛ a.
Ɩ̃ na tu n nyɩ nɩ a maalʋ
ɩ̃ na yel k'ɩ̃ɩ na kʋ̀ n a Daviir a.
4Ɩ̃ tɩ ɩ na ʋ ɩ
a ɩ̃ kpɛnʋ dãsɩɛ sob a nɩbɛ zie,
ʋ ɩ nɩ-kpɛ̃ɛ dɩrɛ nɩ-kpɛ̃ɛnʋ nɩbɛ zu.
5Ɩsɩrayɛl i, a fʋ̃ʋ mɩ̀,
fʋ na bʋɔl'ɩ nɩ-bʋʋrɛ fʋ na bɛ bãw a,
ɛ́ a nɩbɛ bɛ ŋa na bɛ tɩ bãw fʋ a,
na zɔ na wa a fʋ zie.
Mãa zũú n'a bɛ na wa,
mãa, a Sore fʋ Naaŋmɩn,
a Ɩsɩrayɛl Naaŋmɩn na ɩ sõw a,
na ƴãw fʋ a.»
A Sore ƴɛ̀rʋ mɩ́ tu na
6Nyɩ bɔbr a Sore a ƴɛrɛŋa ʋ na mɩ́ bɛr bɛ nyɛ̃ ʋ a.
Nyɩ bʋɔlɛ ʋ a ƴɛrɛŋa ʋ na pɩɛlɩ nyɩ a.
7A nɩ-faa, ʋ bɛr a ʋ ɩb!
A yel-fa-maalɛ,
ʋ bɛr a ʋ tɩɛr-faar!
Bɛ lɛb wa a Sore zie bɛ za,
bʋ̃ʋ n'ʋ vɛ̃, ʋ na zɔ n bɛ nɩbaalʋ!
Bɛ lɛb wa a tɩ Naaŋmɩn zie,
ʋ mɩ́ dɩ n suur yaga za!
8A Sore yere na:
«A nyɩ tɩɛrʋ bɛ ɩ a ɩ̃ tɩɛrʋ ɛ,
ɛ́ a ɩ̃ ɩb bɛ ɩ a nyɩ dem ɛ.
9A lɛ a vuo na sɛw
be a salom nɩ a tẽw cará a,
lɛ n'a ʋ mɩ̀ be a ɩ̃ ɩb nɩ a nyɩ ɩb cará,
a ɩ̃ tɩɛrʋ nɩ a nyɩ tɩɛrʋ cará.
10A saa nɩ a sa-pupure
mɩ́ yi n a salom zu lo.
Ɛcɛ a bɛ mɩ́ lɛb cen a be ɛ́ bɛ bur a tẽw ɛ,
ɛ́ bɛ ɩ k'ʋ wɔ̃ wɔmɛ ɩ,
ɛ́ bɛ ɩ a bʋ̃-bie a bul ɛ.
À ŋá n'a a bʋ̃-bʋʋrɛ
mɩ́ be be a bʋrʋ ƴãw,
ɛ́ bʋ̃-dɩrɩ be be a dɩb ƴãw.
11À à ŋá n'a a ɩ̃ ƴɛ̀rʋ
na mɩ́ yi a ɩ̃ nʋɔrɩ́ a mɩ́ ɩ:
ʋ bɛ lɛbr waar a ɩ̃ zie ɛ́ bɛ ɩ bom ɛ,
ɛ́ bɛ maalɩ a lɛ ɩ̃ na bɔbr'a ɩ,
ɛ́ bɛ tõ a ton ɩ̃ na kʋ̀ ʋ a ɩ.»
12Nʋ̃ɔ̀ n'a na ɩrɛ nyɩ
nyɩ yi a Babɩlɔn tẽw pʋɔ,
ɛ́ ƴã-ɓaarʋ n'a bɛ na tɛr'ɩ nyɩ
lɛb wa n a nyɩ tẽw.
Nyɩ na tɔlɛ na
a tan nɩ a tãli ŋmɩɛr nʋ̃ɔ̀ cɛlsɩ,
ɛ́ a wɩ̀ɛ tɩɩr za ŋmɩɛr nuru ƴãwn.
13A sɩpɩrɛ tɩɛ na lɩɛr'ɩ a gɔ-tuw bul,
a tɩɛ na nyùur vla a na lɩɛr'ɩ a gʋʋr.
À á ŋá za na ɩ na k'aa Sore nyɛ̃ ƴãwfʋ.
A na ɩ n bãwfʋ na be kʋralɛ
ɛ́ bɛ tɛr sãwfʋ na sãw a.
La Bible en Dagara © Alliance Biblique du Burkina Faso, 2013.