Ɩzayi 47
47
A Babɩlɔn tẽw loba pɩɛlɛ na
1A Sore yere na:
«Babɩlɔn tẽ-kpɛ̃ɛ ɛ,
siw a fʋ naalʋ-dà-kɔw zu zɩ̃ a tanɛ pʋɔ.
Lɛ n'a, zɩ̃ a tẽsɔw,
Babɩlɔn tẽw dem tẽ-kpɛ̃ɛ ɛ.
Bɛ kʋ̃ cãà bʋɔlɛ fʋ
“Babɩlɔn na pɔl a” ɩ,
“Babɩlɔn nʋ̃ɔ̀-wone” ɩ.
2De a nɩɛr nɩ a nebir ƴɛ́rɛ nɩ a zɔ̃.
Ír a fʋ niwn pɛn-pàwra bɛr,
vaa a fʋ kparʋ do n a fʋ gbɛbɛrɛ sãá,
ɛ́ fʋ gãw a mamɛ.
3A nɩbɛ na nyɛ̃ nɩ a fʋ faalʋ,
bɛ na nyɛ̃ nɩ a ʋlɩ bom nɛ na ɩrɛ fʋ vĩ a.
Ɩ̃ na yáa nɩ a san,
ɛ́ nɩr za kʋ̃ piw mɛ̃ sɔ́r ɛ.
4A sob nɛ na yarɛ dier tɩ a
yúor'ɩ a Sore, a kpɛnʋ-za-sob,»
a Ɩsɩrayɛl Naaŋmɩn na ɩ sõw a.
5Zɩ̃ gbili, Babɩlɔn tẽw dem tẽ-kpɛ̃ɛ ɛ,
sɔwlɩ a lige pʋɔ.
Bʋ̃ʋ n'ʋ vɛ̃, bɛ kʋ̃ lɛb bʋɔlɩ fʋ
“Naalʋ-ten Pɔw-nãà” towtow ɛ.
6Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur.
Lɛ n'a ɩ̃ bɛ tɩ tɛr ƴãwfʋ ɩb kãw za
a nɩbɛ ɩ̃ na so a zie ɩ,
ɛ́ tɩ bɛr bɛ kʋ̀ b.
Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ,
a fʋ nɩ-kpɛ̃ɛnʋ dɩb tɩ dĩ nɩ
a dɛb-nyãw mɛ̃ na-kʋɔra nyũu dàa a.
7Fʋ tɩ yere na:
«Ɩ̃ na be n be kʋralɛ,
ɩ̃ na ɩ n pɔw-nãà kʋralɛ».
Fʋ bɛ tɩ tɩɛrɩ a yele á ŋá ɩ,
fʋ bɛ tɩ tɩɛrɩ a nɩdaar ɛ.
8Ƴɛrɛŋa a, bɛr wõ yel ŋa,
fʋ̃ʋ na nɔnɛ a ƴã-gan nʋ̃ɔ̀ a,
fʋ̃ʋ na zɩ̃ zaa zoom ɛ́ tɩɛrɛ à ŋá a:
«A mãa a, ɩ̃ bɛ tɛr ɩ̃ tɔ ɩ!
Ɩ̃ bɛ be za na ɩ pɔw-kʋɔr ɛ,
ɩ̃ kʋ̃ bãw a ɩ̃ bibiir kũu ɛ».
9A yele ayi á ŋá
na ùr'a ta fʋ bibi-been yõ:
a fʋ bibiir na bɛ cãà be a
nɩ a pɔw-kʋɔlʋ mɩ̀.
A na ta b'a,
a fʋ sɔ-yele nɩ a fʋ kalibawli
saa yãwmɛ tɩ gãw a.
10A fʋ ɩ-faar tɩ ɩ na
fʋ bɛr tɩɛrʋ ɛ́ yere à ŋá:
«Nɩr bɛ nyɛrɛ mɛ̃ ɩ».
Ɛcɛ fʋ na yel kɛ́ fʋ tɛr'ɩ
yã-bãwfʋ nɩ bãwfʋ a,
alɛ n'a tuli fʋ,
ɛ́ ƴãw fʋ tɩɛrɩ fʋ pʋɔ à ŋá:
«A mãa a, ɩ̃ bɛ tɛr ɩ̃ tɔ ɩ!»
11Baw-bio fʋ na kʋ̃ bãw ɩ ʋ ta páw fʋ a na páw fʋ na.
Yel-faa fʋ na kʋ̃ tʋ̃ɔ́ nɩɩrɩ bɛr a
na lo n a fʋ zu.
Zie na sãw ʋ za fʋ na bɛ bãwnɩ a
na ùr'a ta b.
12Cãà cere nɩ a fʋ sɔ-yele
nɩ a fʋ tɩtɩblʋ ɩ-ɩrɩ za.
A fʋ pɔ̀lʋ daarɩ́ za n'a
fʋ tɩ zanɩ a hanɩ nɩ,
tɩ́ɛrɛ nɩ kɛ́ fʋ na ír'ɩ tɔnɛ a pʋɔ,
nɩ k'aa mɩnɛ kãw fʋ na ƴãw nɩ nɩ nɩbɛ dɛ̃bɩ̃ɛ.
13Fʋ bàl'a nɩ a yã bɛ na wule fʋ a!
A bɛlɩ dem na mɩ́ ŋma a salom põ ziir ziir a,
a bɛlɩ dem na mɩ́ jɩ́rɛ a ŋmar-bie bãwnɛ yele a,
ɛ́ cuw za bɛ mɩ́ yel a ʋlɩ bom nɛ na na ta b'a,
bɛ wa wa faa fʋ!
14Bɛ na ɩ na mɛ̃ mɔ̃-kon a,
vũu na dɩ bɛ na.
Bɛ bɛ cɩ̃ɛnɛ a vũu-zɛlɛ zie ɩ.
Ɛ́ a kʋ̃ ɩ vũu-bie vũu a ʋʋrʋ ƴãw ɛ,
nɩ dam pʋɔ vũu a zɩ̃-kɔwlʋ ƴãw ɛ.
15Fʋ bàl'ɩ fʋ tʋɔra sowri a nɩbɛ bɛ ŋa,
a fʋ pɔ̀lʋ daarɩ́ za wa tɔ a dɩ̃a.
Pãa nyɛ̃ a lɛ bɛ na ŋmɛ̃ a fʋ ƴãw a!
Bɛ bɔrɛ na gʋɔr a ziir za,
ɛ́ kãw za kʋ̃ tʋ̃ɔ́ faa fʋ ɛ.
Currently Selected:
Ɩzayi 47: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 47
47
A Babɩlɔn tẽw loba pɩɛlɛ na
1A Sore yere na:
«Babɩlɔn tẽ-kpɛ̃ɛ ɛ,
siw a fʋ naalʋ-dà-kɔw zu zɩ̃ a tanɛ pʋɔ.
Lɛ n'a, zɩ̃ a tẽsɔw,
Babɩlɔn tẽw dem tẽ-kpɛ̃ɛ ɛ.
Bɛ kʋ̃ cãà bʋɔlɛ fʋ
“Babɩlɔn na pɔl a” ɩ,
“Babɩlɔn nʋ̃ɔ̀-wone” ɩ.
2De a nɩɛr nɩ a nebir ƴɛ́rɛ nɩ a zɔ̃.
Ír a fʋ niwn pɛn-pàwra bɛr,
vaa a fʋ kparʋ do n a fʋ gbɛbɛrɛ sãá,
ɛ́ fʋ gãw a mamɛ.
3A nɩbɛ na nyɛ̃ nɩ a fʋ faalʋ,
bɛ na nyɛ̃ nɩ a ʋlɩ bom nɛ na ɩrɛ fʋ vĩ a.
Ɩ̃ na yáa nɩ a san,
ɛ́ nɩr za kʋ̃ piw mɛ̃ sɔ́r ɛ.
4A sob nɛ na yarɛ dier tɩ a
yúor'ɩ a Sore, a kpɛnʋ-za-sob,»
a Ɩsɩrayɛl Naaŋmɩn na ɩ sõw a.
5Zɩ̃ gbili, Babɩlɔn tẽw dem tẽ-kpɛ̃ɛ ɛ,
sɔwlɩ a lige pʋɔ.
Bʋ̃ʋ n'ʋ vɛ̃, bɛ kʋ̃ lɛb bʋɔlɩ fʋ
“Naalʋ-ten Pɔw-nãà” towtow ɛ.
6Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur.
Lɛ n'a ɩ̃ bɛ tɩ tɛr ƴãwfʋ ɩb kãw za
a nɩbɛ ɩ̃ na so a zie ɩ,
ɛ́ tɩ bɛr bɛ kʋ̀ b.
Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ,
a fʋ nɩ-kpɛ̃ɛnʋ dɩb tɩ dĩ nɩ
a dɛb-nyãw mɛ̃ na-kʋɔra nyũu dàa a.
7Fʋ tɩ yere na:
«Ɩ̃ na be n be kʋralɛ,
ɩ̃ na ɩ n pɔw-nãà kʋralɛ».
Fʋ bɛ tɩ tɩɛrɩ a yele á ŋá ɩ,
fʋ bɛ tɩ tɩɛrɩ a nɩdaar ɛ.
8Ƴɛrɛŋa a, bɛr wõ yel ŋa,
fʋ̃ʋ na nɔnɛ a ƴã-gan nʋ̃ɔ̀ a,
fʋ̃ʋ na zɩ̃ zaa zoom ɛ́ tɩɛrɛ à ŋá a:
«A mãa a, ɩ̃ bɛ tɛr ɩ̃ tɔ ɩ!
Ɩ̃ bɛ be za na ɩ pɔw-kʋɔr ɛ,
ɩ̃ kʋ̃ bãw a ɩ̃ bibiir kũu ɛ».
9A yele ayi á ŋá
na ùr'a ta fʋ bibi-been yõ:
a fʋ bibiir na bɛ cãà be a
nɩ a pɔw-kʋɔlʋ mɩ̀.
A na ta b'a,
a fʋ sɔ-yele nɩ a fʋ kalibawli
saa yãwmɛ tɩ gãw a.
10A fʋ ɩ-faar tɩ ɩ na
fʋ bɛr tɩɛrʋ ɛ́ yere à ŋá:
«Nɩr bɛ nyɛrɛ mɛ̃ ɩ».
Ɛcɛ fʋ na yel kɛ́ fʋ tɛr'ɩ
yã-bãwfʋ nɩ bãwfʋ a,
alɛ n'a tuli fʋ,
ɛ́ ƴãw fʋ tɩɛrɩ fʋ pʋɔ à ŋá:
«A mãa a, ɩ̃ bɛ tɛr ɩ̃ tɔ ɩ!»
11Baw-bio fʋ na kʋ̃ bãw ɩ ʋ ta páw fʋ a na páw fʋ na.
Yel-faa fʋ na kʋ̃ tʋ̃ɔ́ nɩɩrɩ bɛr a
na lo n a fʋ zu.
Zie na sãw ʋ za fʋ na bɛ bãwnɩ a
na ùr'a ta b.
12Cãà cere nɩ a fʋ sɔ-yele
nɩ a fʋ tɩtɩblʋ ɩ-ɩrɩ za.
A fʋ pɔ̀lʋ daarɩ́ za n'a
fʋ tɩ zanɩ a hanɩ nɩ,
tɩ́ɛrɛ nɩ kɛ́ fʋ na ír'ɩ tɔnɛ a pʋɔ,
nɩ k'aa mɩnɛ kãw fʋ na ƴãw nɩ nɩ nɩbɛ dɛ̃bɩ̃ɛ.
13Fʋ bàl'a nɩ a yã bɛ na wule fʋ a!
A bɛlɩ dem na mɩ́ ŋma a salom põ ziir ziir a,
a bɛlɩ dem na mɩ́ jɩ́rɛ a ŋmar-bie bãwnɛ yele a,
ɛ́ cuw za bɛ mɩ́ yel a ʋlɩ bom nɛ na na ta b'a,
bɛ wa wa faa fʋ!
14Bɛ na ɩ na mɛ̃ mɔ̃-kon a,
vũu na dɩ bɛ na.
Bɛ bɛ cɩ̃ɛnɛ a vũu-zɛlɛ zie ɩ.
Ɛ́ a kʋ̃ ɩ vũu-bie vũu a ʋʋrʋ ƴãw ɛ,
nɩ dam pʋɔ vũu a zɩ̃-kɔwlʋ ƴãw ɛ.
15Fʋ bàl'ɩ fʋ tʋɔra sowri a nɩbɛ bɛ ŋa,
a fʋ pɔ̀lʋ daarɩ́ za wa tɔ a dɩ̃a.
Pãa nyɛ̃ a lɛ bɛ na ŋmɛ̃ a fʋ ƴãw a!
Bɛ bɔrɛ na gʋɔr a ziir za,
ɛ́ kãw za kʋ̃ tʋ̃ɔ́ faa fʋ ɛ.
La Bible en Dagara © Alliance Biblique du Burkina Faso, 2013.