Ɩzayi 46
46
A Babɩlɔn tẽw ŋmɩn-bɛlmɛ lo n a Naaŋmɩn-sɩza niŋé
1A ŋmɩn Bɛl gũu na,
a ŋmɩn Nebo lo na.
Bɛ de nɩ a dasuli tuo dʋn.
A bome bɛ na mɩ́ tɩ tuo cɔrɩ cere nɩ a,
alɛ n'ɩ a ŋan lɩɛbɩ tuor,
to-tɩbrʋ dʋn na bàl a ƴãw.
2A ŋmɩmɛ gũu na, a za lãw na lo.
A bɛ tʋ̃ɔ́ faa a dasuli ɛ,
bɛ ír'ɩ a al tɛɛ za cere nɩ tẽ-yũo.
3Nyɩ bɛrɛ wone a ɩ̃ ƴɛ̀rʋ, Ɩsɩrayɛl nɩbɛ ɛ,
nyɩɩm Zakɔb bʋʋrɛ na cɛ a,
nyɩɩm ɩ̃ na kaa a nyɩ dɔwfʋ daar za a,
nyɩɩm na dɛ wa nyɛrɛ a cãà wa báarɛ ɩ̃ɩ tɛr a.
4Ɩ̃ na ŋmɛ̃ n ɩ̃ ŋmɛ̃a tɩ ta a nyɩ koru daar.
Ɩ̃ na tɩɛ nyɩ na tɩ ta a nyɩ zukɔbr-pɛlɛ daar.
Mãa n'ʋ maalɩ nyɩ, mãa n'ʋ na tɛr nyɩ.
Ɩ̃ na kaa nɩ a nyɩ zie, ɩ̃ɩ na faa nyɩ na.
5Ãa n'ʋ nyɩ na tʋ̃ɔ́ de ʋ ŋmɛ̃ taa nɩ mɛ̃?
Ãa n'ʋ nyɩ na de tɩ ɩ been?
Ãa n'ʋ nyɩ na tʋ̃ɔ́ de m man nɩ
tɩ ɩ a ŋmɛ̃-ta-taabɛ?
6Nɩbɛ bɛ mɩnɛ mɩ́ cir'ɩ a salm-zɩɛ
na be a bɛ vʋɔra pʋɔ a,
bɛ mɩ́ ker'ɩ a salm-pla nɩ bʋ̃-kera,
bɛ mɩ́ ya n salm-nyɩlɛ
k'ʋʋ maalɩ ŋmɩn kʋ̀ bɛ,
bɛ gũune a ŋmɩn ŋa niŋé, puore ʋ.
7Bɛlɛ nɛbɛ mɩ́ tuo ʋ
a bɛ bawŋman zu ɛ́ nyɔw tɛr cen nɩ,
tɩ ƴãw ʋ a ʋ beba zie.
A ŋmɩn na àr'ɩ a be, ʋ be cere zie ɩ.
Nɩr wa kõ bʋɔl'ʋ a, ʋ bɛ sɔwr ɛ.
Ʋ bɛ faarɛ nɩr za a ʋ kpɩɛrʋ pʋɔ ɛ.
A faafʋ bɛ zãá ɩ
8Nyɩ bãwnɩ à á ŋá ɛ́ ƴãw fãw!
Nyɩ tɩɛrɩ a kaa, nyɩɩm nɩsaal-gaarɩ i!
9Nyɩ bãwnɩ a yele na de niwn ɩ a,
a koro za yele:
mãa n'ɩ a Naaŋmɩn,
kãw bɛ lɛb ka be ɩ.
Naaŋmɩn bɛ be be mɛ̃ a mãa a ɩ.
10A pɛr-tib daar'a
ɩ̃ yel a alɩ bome nɛ na na ɩ a nɩdaar a.
Ɩ̃ de nɩ niwn yel koro za
a alɩ bome nɛ na bɛ ɩ sɛr a.
Ɩ̃ yere na: a lɛ ɩ̃ na tɩɛrɩ a yele bin a na maal'a.
Bom nɛ za ɩ̃ na bɔbr a, ɩ̃ mɩ́ maal ʋ na.
11A saa-pɛrɩ́ zi-zãána n'a
ɩ̃ bʋɔlɛ nɩr na kpɛmɛ mɛ̃ sɩla a.
Ʋlɛ n'ʋ na maalɩ a lɛ
ɩ̃ na tɩɛrɩ a yele bin a.#46:11 A Pɛrsɩ tẽw nãà Siirisɩ n'ʋ. Nyɛ̃ 41.2 nɩ a manʋ.
A lɛ ɩ̃ na yel a, ɩ̃ na ɩ na.
A lɛ ɩ̃ na tɩɛrɩ a yele bin a, ɩ̃ na maal'a.
12Nyɩ bɛrɛ wone a ɩ̃ ƴɛ̀rʋ,
nyɩɩm zu-kpɛn dem i,
nyɩɩm na zãá nɩ a mɩnʋ a!
13A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ.
A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃.
Ɩ̃ na kʋ̀ n a Ɩsɩrayɛl a ɩ̃ vɩɛlʋ.
Currently Selected:
Ɩzayi 46: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 46
46
A Babɩlɔn tẽw ŋmɩn-bɛlmɛ lo n a Naaŋmɩn-sɩza niŋé
1A ŋmɩn Bɛl gũu na,
a ŋmɩn Nebo lo na.
Bɛ de nɩ a dasuli tuo dʋn.
A bome bɛ na mɩ́ tɩ tuo cɔrɩ cere nɩ a,
alɛ n'ɩ a ŋan lɩɛbɩ tuor,
to-tɩbrʋ dʋn na bàl a ƴãw.
2A ŋmɩmɛ gũu na, a za lãw na lo.
A bɛ tʋ̃ɔ́ faa a dasuli ɛ,
bɛ ír'ɩ a al tɛɛ za cere nɩ tẽ-yũo.
3Nyɩ bɛrɛ wone a ɩ̃ ƴɛ̀rʋ, Ɩsɩrayɛl nɩbɛ ɛ,
nyɩɩm Zakɔb bʋʋrɛ na cɛ a,
nyɩɩm ɩ̃ na kaa a nyɩ dɔwfʋ daar za a,
nyɩɩm na dɛ wa nyɛrɛ a cãà wa báarɛ ɩ̃ɩ tɛr a.
4Ɩ̃ na ŋmɛ̃ n ɩ̃ ŋmɛ̃a tɩ ta a nyɩ koru daar.
Ɩ̃ na tɩɛ nyɩ na tɩ ta a nyɩ zukɔbr-pɛlɛ daar.
Mãa n'ʋ maalɩ nyɩ, mãa n'ʋ na tɛr nyɩ.
Ɩ̃ na kaa nɩ a nyɩ zie, ɩ̃ɩ na faa nyɩ na.
5Ãa n'ʋ nyɩ na tʋ̃ɔ́ de ʋ ŋmɛ̃ taa nɩ mɛ̃?
Ãa n'ʋ nyɩ na de tɩ ɩ been?
Ãa n'ʋ nyɩ na tʋ̃ɔ́ de m man nɩ
tɩ ɩ a ŋmɛ̃-ta-taabɛ?
6Nɩbɛ bɛ mɩnɛ mɩ́ cir'ɩ a salm-zɩɛ
na be a bɛ vʋɔra pʋɔ a,
bɛ mɩ́ ker'ɩ a salm-pla nɩ bʋ̃-kera,
bɛ mɩ́ ya n salm-nyɩlɛ
k'ʋʋ maalɩ ŋmɩn kʋ̀ bɛ,
bɛ gũune a ŋmɩn ŋa niŋé, puore ʋ.
7Bɛlɛ nɛbɛ mɩ́ tuo ʋ
a bɛ bawŋman zu ɛ́ nyɔw tɛr cen nɩ,
tɩ ƴãw ʋ a ʋ beba zie.
A ŋmɩn na àr'ɩ a be, ʋ be cere zie ɩ.
Nɩr wa kõ bʋɔl'ʋ a, ʋ bɛ sɔwr ɛ.
Ʋ bɛ faarɛ nɩr za a ʋ kpɩɛrʋ pʋɔ ɛ.
A faafʋ bɛ zãá ɩ
8Nyɩ bãwnɩ à á ŋá ɛ́ ƴãw fãw!
Nyɩ tɩɛrɩ a kaa, nyɩɩm nɩsaal-gaarɩ i!
9Nyɩ bãwnɩ a yele na de niwn ɩ a,
a koro za yele:
mãa n'ɩ a Naaŋmɩn,
kãw bɛ lɛb ka be ɩ.
Naaŋmɩn bɛ be be mɛ̃ a mãa a ɩ.
10A pɛr-tib daar'a
ɩ̃ yel a alɩ bome nɛ na na ɩ a nɩdaar a.
Ɩ̃ de nɩ niwn yel koro za
a alɩ bome nɛ na bɛ ɩ sɛr a.
Ɩ̃ yere na: a lɛ ɩ̃ na tɩɛrɩ a yele bin a na maal'a.
Bom nɛ za ɩ̃ na bɔbr a, ɩ̃ mɩ́ maal ʋ na.
11A saa-pɛrɩ́ zi-zãána n'a
ɩ̃ bʋɔlɛ nɩr na kpɛmɛ mɛ̃ sɩla a.
Ʋlɛ n'ʋ na maalɩ a lɛ
ɩ̃ na tɩɛrɩ a yele bin a.#46:11 A Pɛrsɩ tẽw nãà Siirisɩ n'ʋ. Nyɛ̃ 41.2 nɩ a manʋ.
A lɛ ɩ̃ na yel a, ɩ̃ na ɩ na.
A lɛ ɩ̃ na tɩɛrɩ a yele bin a, ɩ̃ na maal'a.
12Nyɩ bɛrɛ wone a ɩ̃ ƴɛ̀rʋ,
nyɩɩm zu-kpɛn dem i,
nyɩɩm na zãá nɩ a mɩnʋ a!
13A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ.
A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃.
Ɩ̃ na kʋ̀ n a Ɩsɩrayɛl a ɩ̃ vɩɛlʋ.
La Bible en Dagara © Alliance Biblique du Burkina Faso, 2013.