Ɩzayi 17
17
Ƴɛ̀rʋ na ƴɛ̀r Damasɩ nɩ Ɩsɩrayɛl ten ƴãw a
1Ƴɛ̀rʋ na ƴɛ̀r a Damasɩ tẽw ƴãw a.
A Damasɩ tẽw kʋ̃ yaa kɛ́ bɛ cãà ɩ tẽ-kpɛ̃ɛ ɩ,
ʋ na lɩɛb'ɩ tãdɛgɛ na gbõ taa a.
2A nɩbɛ na zɔ na kɛ́ bɛr a tẽ-bɛrɛ ʋ na so a kʋralɛ.
Dʋn n'a na so a, ganɛ a be,
ɛ́ nɩr bɛ damnɛ a ɩ.
3Zɛbr-yir-kpɛ̃w kʋ̃ cãà a Efarayim#17:3 Nyɛ̃ 7.2 nɩ a manʋ. tẽw ɛ,
nãà kʋ̃ cãà a Damasɩ ɛ.
A Siiri tẽw dem na na cɛ a
kʋ̃ sa a Ɩsɩrayɛl nɩbɛ ɩ.
À à ŋá n'a a Sore, a kpɛnʋ-za-sob, yere.
4A ʋlɩ bibir nɛ a, a Ɩsɩrayɛl tɩbrʋ na siwri na,
a ʋ po-bɛrʋ na ŋmɛr a.
5A na ɩ na mɛ̃ a bʋ̃-dieri na mɩ́ wa de baar'a,
bɛ na mɩ́ wa wob a ble
ɛ́ wob a ble zuru nɩ nuru ayi a.
A na ɩ na mɛ̃ a Erefayitɩ mɩnɛ fʋɔla pʋɔ,
a ble zuru na mɩ́ wa ŋma baar'a.
6A Ɩsɩrayɛl nɩbɛ na na cɛ a kʋ̃ saalɩ ɛ,
a na ɩ na mɛ̃ olivʋ
bɛ na dam'ɩ dàa a lo a:
wɔmɛ ayi bɩɩ ata n'a cɛ a tɩɛ saa-zu za,
wɔmɛ anaar bɩɩ anũu a wuli na wɔ̃ a zu.
À à ŋá n'a a Sore,
a Ɩsɩrayɛl Naaŋmɩn, yere.
7A ʋlɩ bibir nɛ a, a nɩsaal na jɩ́rɛ nɩ a ʋ Íre, a ʋ mimie na nyɛ̃ nɩ a Ɩsɩrayɛl Naaŋmɩn na ɩ sõw a. 8Ʋ kʋ̃ lɛb jɩ́r a bàwr-maal-kube na ɩ a ʋ nuru bʋ̃-maalɩ a ɩ, ʋ kʋ̃ lɛb nyɛ̃ a alɩ bome nɛ a ʋ nobie pie na maalɩ a ɩ: a dà-barɩ nɩ a parfɛ̃ bʋ̃-nyɩwrɩ.
9A ʋlɩ bibir nɛ a, a nɩbɛ na zɔ na kɛ́ bɛr a Ɩsɩrayɛl tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, mɛ̃ a koro za a nɩbɛ na tɩ zɔ kɛ́ bɛr a Hivitɩ mɩnɛ nɩ a Amoritɩ mɩnɛ tẽ-bɛrɛ, a lɛn daar a Ɩsɩrayɛl biir na tɩ tarɛ a. Wɛja-kpal-faa n'ʋ na cɛ gã.
10Ɩsɩrayɛl i, fʋ yiir'ɩ a Naaŋmɩn fʋ faarɛ bɛr,
fʋ bɛ cãà bãwnɩ a Pìir na piw fʋ a ɩ.
Alɛ so fʋ ɩrɛ va-vɩɛlɩ#17:10 Va-vɩɛlɩ: Kapaw, a na ɩ n váar bʋʋrɛ kãw bɛ na mɩ́ ɩ a bul lali pʋɔ, kɛ́ fʋ tʋ̃ɔ́ tɛr a dɔwfʋ a. a búle,
ɛ́ bʋ̀rɛ bʋ̃-bi-sãanbɛ.
11A ʋlɩ bibir fʋ na mɩ́ sɛl a a,
fʋ mɩ́ nyɛ̃ a na a ìre,
a bom fʋ na mɩ́ bʋ̀r a biɓaara a,
fʋ mɩ́ ɩ na ʋ pu.
Ɛcɛ a cɛb bɛ mɩ́ wa ka be ɩ,
a bàalʋ wa ta a,
ʋʋ mɩ́ ɩ n bàalʋ na bɛ tɛr tɩ̃ɩ a.
A nɩ-bʋʋrɛ damnʋ
12Nyɛ̃ baw-bio a! Nɩ-bʋʋrɛ
na yãwmɛ bɛ tɛr nʋɔr a gɔmɛ n'a,
gɔmɛ na ɩ mɛ̃ a kʋ̃ɔ-kpɛ̃ɛ gɔmɛ a,
nɩ-bʋʋrɛ damnʋ na ɩ mɛ̃
a kʋ̃ɔnɩ na damnɛ nɩ suur a.
13A nɩ-bʋʋrɛ damnʋ ɩ na mɛ̃
a kʋ̃ɔ-bɛrɛ damnʋ a.
Ɛcɛ a Sore tanɛ bɛ na bɛ zɔrɛ zãánɛ.
Bɛ diw bɛ na mɛ̃ ùr
tan pʋɔ sɛsɛb na diw a,
mɛ̃ pupun bie sɛsɛb-pɩl na ɓáw cen nɩ a.
14A zaanʋɔra a, a mɩ́ ɩ n a pʋl-vʋ̃ɔ,
ɛ́ a biɓaara bɛ mɩ́ ta sɛr ɛ,
ɛ́ bom bɛ cãà be ɩ.
A bɛlɩ dem na dier a tɩ bome za a dem'ɩ à á ŋá,
a bɛlɩ dem na fárɛ a tɩ bome a,
à ŋá n'a a na ŋmɛ̃ bɛ.
Currently Selected:
Ɩzayi 17: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 17
17
Ƴɛ̀rʋ na ƴɛ̀r Damasɩ nɩ Ɩsɩrayɛl ten ƴãw a
1Ƴɛ̀rʋ na ƴɛ̀r a Damasɩ tẽw ƴãw a.
A Damasɩ tẽw kʋ̃ yaa kɛ́ bɛ cãà ɩ tẽ-kpɛ̃ɛ ɩ,
ʋ na lɩɛb'ɩ tãdɛgɛ na gbõ taa a.
2A nɩbɛ na zɔ na kɛ́ bɛr a tẽ-bɛrɛ ʋ na so a kʋralɛ.
Dʋn n'a na so a, ganɛ a be,
ɛ́ nɩr bɛ damnɛ a ɩ.
3Zɛbr-yir-kpɛ̃w kʋ̃ cãà a Efarayim#17:3 Nyɛ̃ 7.2 nɩ a manʋ. tẽw ɛ,
nãà kʋ̃ cãà a Damasɩ ɛ.
A Siiri tẽw dem na na cɛ a
kʋ̃ sa a Ɩsɩrayɛl nɩbɛ ɩ.
À à ŋá n'a a Sore, a kpɛnʋ-za-sob, yere.
4A ʋlɩ bibir nɛ a, a Ɩsɩrayɛl tɩbrʋ na siwri na,
a ʋ po-bɛrʋ na ŋmɛr a.
5A na ɩ na mɛ̃ a bʋ̃-dieri na mɩ́ wa de baar'a,
bɛ na mɩ́ wa wob a ble
ɛ́ wob a ble zuru nɩ nuru ayi a.
A na ɩ na mɛ̃ a Erefayitɩ mɩnɛ fʋɔla pʋɔ,
a ble zuru na mɩ́ wa ŋma baar'a.
6A Ɩsɩrayɛl nɩbɛ na na cɛ a kʋ̃ saalɩ ɛ,
a na ɩ na mɛ̃ olivʋ
bɛ na dam'ɩ dàa a lo a:
wɔmɛ ayi bɩɩ ata n'a cɛ a tɩɛ saa-zu za,
wɔmɛ anaar bɩɩ anũu a wuli na wɔ̃ a zu.
À à ŋá n'a a Sore,
a Ɩsɩrayɛl Naaŋmɩn, yere.
7A ʋlɩ bibir nɛ a, a nɩsaal na jɩ́rɛ nɩ a ʋ Íre, a ʋ mimie na nyɛ̃ nɩ a Ɩsɩrayɛl Naaŋmɩn na ɩ sõw a. 8Ʋ kʋ̃ lɛb jɩ́r a bàwr-maal-kube na ɩ a ʋ nuru bʋ̃-maalɩ a ɩ, ʋ kʋ̃ lɛb nyɛ̃ a alɩ bome nɛ a ʋ nobie pie na maalɩ a ɩ: a dà-barɩ nɩ a parfɛ̃ bʋ̃-nyɩwrɩ.
9A ʋlɩ bibir nɛ a, a nɩbɛ na zɔ na kɛ́ bɛr a Ɩsɩrayɛl tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, mɛ̃ a koro za a nɩbɛ na tɩ zɔ kɛ́ bɛr a Hivitɩ mɩnɛ nɩ a Amoritɩ mɩnɛ tẽ-bɛrɛ, a lɛn daar a Ɩsɩrayɛl biir na tɩ tarɛ a. Wɛja-kpal-faa n'ʋ na cɛ gã.
10Ɩsɩrayɛl i, fʋ yiir'ɩ a Naaŋmɩn fʋ faarɛ bɛr,
fʋ bɛ cãà bãwnɩ a Pìir na piw fʋ a ɩ.
Alɛ so fʋ ɩrɛ va-vɩɛlɩ#17:10 Va-vɩɛlɩ: Kapaw, a na ɩ n váar bʋʋrɛ kãw bɛ na mɩ́ ɩ a bul lali pʋɔ, kɛ́ fʋ tʋ̃ɔ́ tɛr a dɔwfʋ a. a búle,
ɛ́ bʋ̀rɛ bʋ̃-bi-sãanbɛ.
11A ʋlɩ bibir fʋ na mɩ́ sɛl a a,
fʋ mɩ́ nyɛ̃ a na a ìre,
a bom fʋ na mɩ́ bʋ̀r a biɓaara a,
fʋ mɩ́ ɩ na ʋ pu.
Ɛcɛ a cɛb bɛ mɩ́ wa ka be ɩ,
a bàalʋ wa ta a,
ʋʋ mɩ́ ɩ n bàalʋ na bɛ tɛr tɩ̃ɩ a.
A nɩ-bʋʋrɛ damnʋ
12Nyɛ̃ baw-bio a! Nɩ-bʋʋrɛ
na yãwmɛ bɛ tɛr nʋɔr a gɔmɛ n'a,
gɔmɛ na ɩ mɛ̃ a kʋ̃ɔ-kpɛ̃ɛ gɔmɛ a,
nɩ-bʋʋrɛ damnʋ na ɩ mɛ̃
a kʋ̃ɔnɩ na damnɛ nɩ suur a.
13A nɩ-bʋʋrɛ damnʋ ɩ na mɛ̃
a kʋ̃ɔ-bɛrɛ damnʋ a.
Ɛcɛ a Sore tanɛ bɛ na bɛ zɔrɛ zãánɛ.
Bɛ diw bɛ na mɛ̃ ùr
tan pʋɔ sɛsɛb na diw a,
mɛ̃ pupun bie sɛsɛb-pɩl na ɓáw cen nɩ a.
14A zaanʋɔra a, a mɩ́ ɩ n a pʋl-vʋ̃ɔ,
ɛ́ a biɓaara bɛ mɩ́ ta sɛr ɛ,
ɛ́ bom bɛ cãà be ɩ.
A bɛlɩ dem na dier a tɩ bome za a dem'ɩ à á ŋá,
a bɛlɩ dem na fárɛ a tɩ bome a,
à ŋá n'a a na ŋmɛ̃ bɛ.
La Bible en Dagara © Alliance Biblique du Burkina Faso, 2013.