Ɩzayi 15
15
Ƴɛ̀rʋ na ƴɛ̀r a Mowab tẽw ƴãw a
(Kan-zuru 15-16: nyɛ̃ Zer 48)
1Ƴɛ̀rʋ na ƴɛ̀r a Mowab tẽw ƴãw a.
A Aar-Mowab tẽw
sãw nɩ ʋ za tɩ̃ɩsɔw-been,
damnʋ za bɛ cãà damnɛ a ʋ pʋɔ ɛ.
A Kɩɩr-Mowab tẽw sãw nɩ ʋ za tɩ̃ɩsɔw-been,
damnʋ za bɛ cãà damnɛ a ʋ pʋɔ ɛ.
2A nɩbɛ do n a ŋmɩn-yir, a Divon
nɩ a maalʋ-ziir kɛ́ bɛ tɩ kõ.
A Mowab tẽw dem kone nɩ lãw-mʋɔlɛ
Nebo nɩ Medeva.
A zuru za fɔr fɔr a, ɛ́ a tɩ̃ɛmɛ za põ#15:2 Zuru fɔr, tɩ̃ɛmɛ põ: Ko-tuolu bãwfʋ n'a..
3A tẽ-bɛrɛ sɛ́ɛ pʋɔ a,
vʋɔrɩ kparɩ n'a a nɩbɛ su.
A gàrɛ zu nɩ a nɩ-yaga tuor-taa ziir a,
bɛ za ŋmaarɛ nɩ lãw-mʋɔlɛ
kone cire nɩ mʋta-kʋ̃ɔ.
4A nɩbɛ kone na bɔbr'ɩ faafʋ
Hɛsɩbon nɩ Eleale,
a bɛ cɛlsɩ yire na tɩ tarɛ Yahasɩ.
Alɛ n'a so a Mowab sojarɩ lɔbr cɛlsɩ,
ɛ́ a bɛ kanyir baarɩ.
5Ɩ̃ kone nɩ a Mowab ƴãw.
A ʋ nɩbɛ na zɔrɛ a
zɔ na tɩ sãá Sowaar, tɩ sãá Egilatɩ-Selisiya.
A nɩbɛ dúor'ɩ a Luhitɩ dob zie kone nɩ,
bɛ ŋmɩɛr'ɩ cɛlsɩ na ɩrɛ nɩbaalʋ a,
a Horonayim sɔ́r zu.
6A Nimirim kʋ̃ɔnɩ zie
lɩɛb'ɩ wɛja-kpalɛ na ɩrɛ nɩbaalʋ a.
A mʋ̃ɔ ko na, a bɛ cãà bule ɩ,
va-ɓaar za bɛ cãà be ɩ.
7A bʋ̃-tɛrɩ al na cãà cɛ a nɩbɛ a,
bɛ de a na tɔl gãw nɩ a Sol tɩɩr bà-fʋɔla.
8A cɛlsɩ lɔb'a viiri koli a Mowab tẽw za,
a kpɩɛrʋ kon yi na tɩ ta Egilayim,
a yi na tɩ ta Elim bulé.
9A Divon bàa kʋ̃ɔ ɩ n zɩ̃ɩ tɛwr.
A Sore yere na:
«Ɩ̃ na ƴãw nɩ a Divon kpɩɛrʋ dɔwlɩ:
gbẽw na kʋ n a Mowab tẽw nɩbɛ bɛl na cɩ̃ɛ a,
a bɛl na na cɛ be a tẽw pʋɔ a.»
Currently Selected:
Ɩzayi 15: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 15
15
Ƴɛ̀rʋ na ƴɛ̀r a Mowab tẽw ƴãw a
(Kan-zuru 15-16: nyɛ̃ Zer 48)
1Ƴɛ̀rʋ na ƴɛ̀r a Mowab tẽw ƴãw a.
A Aar-Mowab tẽw
sãw nɩ ʋ za tɩ̃ɩsɔw-been,
damnʋ za bɛ cãà damnɛ a ʋ pʋɔ ɛ.
A Kɩɩr-Mowab tẽw sãw nɩ ʋ za tɩ̃ɩsɔw-been,
damnʋ za bɛ cãà damnɛ a ʋ pʋɔ ɛ.
2A nɩbɛ do n a ŋmɩn-yir, a Divon
nɩ a maalʋ-ziir kɛ́ bɛ tɩ kõ.
A Mowab tẽw dem kone nɩ lãw-mʋɔlɛ
Nebo nɩ Medeva.
A zuru za fɔr fɔr a, ɛ́ a tɩ̃ɛmɛ za põ#15:2 Zuru fɔr, tɩ̃ɛmɛ põ: Ko-tuolu bãwfʋ n'a..
3A tẽ-bɛrɛ sɛ́ɛ pʋɔ a,
vʋɔrɩ kparɩ n'a a nɩbɛ su.
A gàrɛ zu nɩ a nɩ-yaga tuor-taa ziir a,
bɛ za ŋmaarɛ nɩ lãw-mʋɔlɛ
kone cire nɩ mʋta-kʋ̃ɔ.
4A nɩbɛ kone na bɔbr'ɩ faafʋ
Hɛsɩbon nɩ Eleale,
a bɛ cɛlsɩ yire na tɩ tarɛ Yahasɩ.
Alɛ n'a so a Mowab sojarɩ lɔbr cɛlsɩ,
ɛ́ a bɛ kanyir baarɩ.
5Ɩ̃ kone nɩ a Mowab ƴãw.
A ʋ nɩbɛ na zɔrɛ a
zɔ na tɩ sãá Sowaar, tɩ sãá Egilatɩ-Selisiya.
A nɩbɛ dúor'ɩ a Luhitɩ dob zie kone nɩ,
bɛ ŋmɩɛr'ɩ cɛlsɩ na ɩrɛ nɩbaalʋ a,
a Horonayim sɔ́r zu.
6A Nimirim kʋ̃ɔnɩ zie
lɩɛb'ɩ wɛja-kpalɛ na ɩrɛ nɩbaalʋ a.
A mʋ̃ɔ ko na, a bɛ cãà bule ɩ,
va-ɓaar za bɛ cãà be ɩ.
7A bʋ̃-tɛrɩ al na cãà cɛ a nɩbɛ a,
bɛ de a na tɔl gãw nɩ a Sol tɩɩr bà-fʋɔla.
8A cɛlsɩ lɔb'a viiri koli a Mowab tẽw za,
a kpɩɛrʋ kon yi na tɩ ta Egilayim,
a yi na tɩ ta Elim bulé.
9A Divon bàa kʋ̃ɔ ɩ n zɩ̃ɩ tɛwr.
A Sore yere na:
«Ɩ̃ na ƴãw nɩ a Divon kpɩɛrʋ dɔwlɩ:
gbẽw na kʋ n a Mowab tẽw nɩbɛ bɛl na cɩ̃ɛ a,
a bɛl na na cɛ be a tẽw pʋɔ a.»
La Bible en Dagara © Alliance Biblique du Burkina Faso, 2013.