Ebre 5
5
1Naaŋmɩn bàwr-maal-kara za a, a nɩsaalbɛ pʋɔ n'a bɛ mɩ́ kaa ír ʋ a nɩsaalbɛ ƴãw, a bɛ Naaŋmɩn yele kaafʋ pʋɔ, k'ʋʋ mɩ́ tɩr a de-kʋ̀b bome ɛ́ maalɩ bàwr a yel-bebe suur páwfʋ ƴãw. 2Ʋ na tʋ̃ɔ́ na mɩ́ bãw a pɛr kʋ̀ a bɛlɩ dem na ɩ zɔn a, nɩ a bɛlɩ dem na mɩ́ tule a, ʋl mɩŋa a bãbàalʋ na fɛrɛ a ƴãw. 3Ɛ́ a ʋl mɩŋa na ɩ bãbàal a ƴãw n'a a fɛr k'ʋʋ mɩ́ maalɩ a bàwr a ʋl mɩŋa yel-bebe ƴãw, mɛ̃ a lɛ ʋ na mɩ́ maalɩ a nɩbɛ dem ƴãw a. 4Nɩr bɛ n'ʋ mɩ́ kʋ̀ ʋ tʋɔra a bàwr-maal-kara ƴãwfʋ ɛ, Naaŋmɩn n'ʋ mɩ́ bʋɔlɩ a sob ƴãw ʋ, mɛ̃ a lɛ a na tɩ ɩ a Aarɔ̃ zie a.
5À ŋá n'a a Kɩrɩta mɩ̀ bɛ kʋ̀ ʋ tʋɔra a bàwr-maal-kara ƴãwfʋ ɛ. A Naaŋmɩn na ƴɛ̀r à à ŋá a ʋ zie a, ʋlɛ n'ʋ kʋ̀ ʋ:
«Ɩ̃ bie nɛ b,
ɩ̃ dɔw fʋ nɩ a dɩ̃a#5:5 Nyɛ̃ Ssy 2.7..»
6Ʋ mɩ̀ lɛb yel'ɩ a Sɛb-sõw pʋɔ zie kãw:
«Fʋ ɩ n Naaŋmɩn bàwr-maalɛ
na be kʋralɛ a Mɛlkɩsedɛkɩ pal pʋɔ a#5:6 Nyɛ̃ Ssy 110.4..»
7A ʋ tẽw zu ka nyɔ-vʋʋrʋ daar a, a Kɩrɩta tɩ ŋmɛ n cɛlsɩ cir'ɩ mʋta-kʋ̃ɔ, ɛ́ puori lɔb'ɩ nuru zɛlɩ nɩ a Naaŋmɩn yãayãa, ʋl na na tʋ̃ɔ́ faa ʋ a kũu pʋɔ a. A Naaŋmɩn tɩ sàw na de a ʋ puoru, a Kɩrɩta na ƴãwnɛ ʋ a zũú. 8Nɩ a Naaŋmɩn Bie za ʋ na ɩ a, ʋ zànɩ nɩ a nʋɔr-sàwfʋ a tuo ʋ na wõ a pʋɔ. 9Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw. 10Bʋ̃ʋ n'ʋ vɛ̃, a Naaŋmɩn yel'a k'ʋʋ ɩ n bàwr-maal-kara a Mɛlkɩsedɛkɩ pal pʋɔ.
Nyɩ gù nyɩ tʋɔra a nyɩ naaŋmɩn-sàwfʋ taa wa bɔrɛ ɩ
11A yel ŋa ƴãw a, tɩ tɛr'ɩ yel-yaga na yel, ɛ́ a pɛ́ɛ íru kpɛmɛ, a nyɩ na kpɛ vanana a wob ƴãw a zũú. 12A lɛn daar za wa tɔ ka a, a tɩ sɛw na kɛ́ nyɩ ɩ wul-wulbɛ, ɛcɛ nyɩ cãà na bɔbr kɛ́ nɩr wule nyɩ a Naaŋmɩn ƴɛ̀rʋ yele al bɛ na mɩ́ zànɩ a pɛr-tib daar a. Nyɩ ɩ n lɛɛɛ wa tɩ cãà bɔbr bʋ̀rʋ, ɛ́ bɛ bɔbr saab#5:12 Saab: A ka a, saab yõ yele bɛ n'a ɩ, bʋ̃-dɩra za nɩ-bɛrɛ tɛwr na na tʋ̃ɔ́ dɩ a, alɛ n'a bɛ yere. ɛ.
13Sob nɛ za na cãà bɔbr bʋ̀rʋ a, bi-pɩɩla n'ʋ, ʋ bɛ bãw a mɩnʋ ƴɛ̀rʋ yele ɩ. 14A nɩ-bɛrɛ bɛl a, saab'ɩ a bɛ bʋ̃-dɩra, bɛl na mili nɩ a bɛ tɩɛrʋ a vla nɩ a faa owru a.
Currently Selected:
Ebre 5: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
