Ebre 3
3
Yeezu ɩ n kpɛ̃ɛ zuo Moyiir
1Yɛbr kɩrɩta-nɩbɛ ɛ, a Naaŋmɩn so nyɩ, ʋl na bʋɔlɩ nyɩ a. A na ɩ lɛ a, nyɩ jɩ́rɛ a Yeezu na ɩ a naaŋmɩn-sàw-deb tɩ na hiere a nɩ-tona nɩ abàwr-maal-kara a. 2Sɩza n'a, a Naaŋmɩn na kʋ̀ ʋ a tõ-nʋɔr ŋa a de nɩ a ʋ yele, mɛ̃ a lɛ tɔr za ʋ na tɩ de a Moyiir yele a ʋ yir za pʋɔ a#3:2 Nyɛ̃ Sɔr-n 12.7.. 3A yir-mɩɛrɛ mɩ́ nyɛrɛ nɩ ƴãwfʋ zuo a yir tɔr za. Lɛ n'a a Yeezu mɩ̀ sɛw k'ʋʋ tɛr yúor-vɩɛlʋ-danʋ na gãw a Moyiir dem a. 4Yir za mɩ́ sɩrɩ na tɛr a ʋ mɩɛrɛ, ɛ́ Naaŋmɩn n'ɩ bom za mɩɛrɛ. 5A Moyiir a, a Naaŋmɩn tɩ de nɩ a ʋ yele a ʋ yir za pʋɔ mɛ̃ tõ-tõ-bie na na dɩ a ƴɛ̀rʋ a Naaŋmɩn na na ƴɛ̀r a dãsɩɛ a. 6Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.
A Pɩ̃ɛnʋ na be a Naaŋmɩn nɩ-bʋʋrɛ ƴãw a
7Lɛ so, mɛ̃ a lɛ a Vʋʋrʋ Sõw na yel a:
«A dɩ̃a bibir a,
nyɩmɛ wa wõ a Naaŋmɩn kɔkɔr a,
8nyɩ ta kpãa tobr
mɛ̃ a lɛn daar nyɩ na tɩ zɛbr'ɩ ʋ a ɩ,
a ʋlɩ bibir nyɩ na tɩ ɩ ʋ kaa
a wɛja-kpalɛ pʋɔ a ɩ.
9A be a, a nyɩ sãàkʋm-kore
tɩ jɩ̃ mɛ̃ na kɛ́ bɛ ɩ m kaa,
ɛ́ bɛ tɩ nyɛ̃ nɩ a ɩ̃ tome
10yome lɩz'a ayi.
A lɛ n'a so ɩ̃ nyɛ̃ nɩ
a nɩbɛ bɛ ŋa suur ɛ́ yel: “Kʋralɛ
n'a a bɛ tɩɛrʋ bɔrɛ,
bɛ bɛ bãw a ɩ̃ sɛ́ɛ ɩ.”
11Lɛ n'a ɩ̃ nyɛ̃ suur pɔ à ŋá:
bɛ bɛ be za na ta a ɩ̃ pɩ̃ɛnʋ zie ɩ!»#3:11 A kan-nɛ́ɛ 7 tɩ tɔ a 11 ƴãw a, nyɛ̃ Ssy 95.7-11.
12 Yɛbr i, nyɩ gù vla k'aa nyɩ kãw za taa wa tɛr soci-faa na bɛ sàw de a, ʋ wa bʋ́r ʋlɛ nɩ a Naaŋmɩn na vʋʋrɛ a ɩ. 13A na ɩ lɛ a, a «Dɩ̃a bibir» ŋa yúor na cãà pore a, nyɩ kpaalɛ taa bibir za, k'aa yel-bier taa wa bɛlɩ a nyɩ been kãw za ʋ kpãa tobr ɛ. 14Bʋ̃ʋ n'ʋ vɛ̃, tɩ lɩɛb'ɩ a Kɩrɩta taabɛ, tɩmɛ wa tɛr a tɩ tɩɛrʋ kpɛ̃w za tɩ ta n a baarʋ daar a.
15Bɛ yel'ɩ à ŋá:
«A dɩ̃a bibir nyɩmɛ wa wõ
a Naaŋmɩn kɔkɔr a,
nyɩ ta kpãa tobr mɛ̃ a lɛn daar
nyɩ na tɩ zɛbr'ɩ ʋ a ɩ#3:15 Nyɛ̃ Ssy 95.7-8..»
16Ɛcɛ ã-mɩnɛ nɛbɛ tɩ wõ a Naaŋmɩn kɔkɔr ɛ́ zɛb'ɩ ʋ? A bɛlɩ dem za a Moyiir na tɩ tɛr yi n a Eziptɩ tẽw a bɛ nɛbɛ ɩ? 17Ɛ́ ã-mɩnɛ nɛbɛ a Naaŋmɩn tɩ nyɛ̃ nɩ suur yome lɩz'a ayi? A bɛlɩ dem na tɩ maalɩ a yel-bier ɛ́ lo kpi a wɛja-kpalɛ pʋɔ a bɛ nɛbɛ ɩ? 18Ɛ́ ã-mɩnɛ zie n'a a Naaŋmɩn tɩ pɔ kɛ́ bɛ kʋ̃ ta a ʋ pɩ̃ɛnʋ zie, a bɛ ɩ a bɛ-wonbɛ bɛ ŋa zie n'a!#3:18 Nyɛ̃ Sɔr-n 14.1-35, Ssy 95.11. 19Ɛ́ tɩ sɩrɩ na nyɛ̃ kɛ́ bɛ bɛ tʋ̃ɔ́ ta a pɩ̃ɛnʋ ŋa zie ɩ, a bɛ na bɛ sàw de a zũú.
Currently Selected:
Ebre 3: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
