Ebre 10
10
1A Naaŋmɩn wulu bɛ wule a lɛn tɔr za a yele na ŋmɛ̃ a ɩ. A yel-vɩɛlɩ na waar a dasule tɛwr'ʋ ʋ wule. Ʋ bɛ be za na tʋ̃ɔ́ ɩ a bɛlɩ dem na tawr pɩɛlɛ a Naaŋmɩn a bɛ vɩɛl bɛ cɛ ɩ, a bàwr-been nɛ na saa maalɛ kʋralɛ, yũon za, bɛ tɛr bɛ́rʋ daar a. 2A bɛlɩ dem na puore a Naaŋmɩn à à ŋá a tɩ ɩ mɛ̃ bɛ páw nɩ a vɩɛlʋ gb'a been daadaa a, bɛ kʋ̃ʋ cãà nyɛ̃ bɛ tɛr sãwna za ɩ, ɛ́ bɛ nãá bɛr'ɩ bàwr za maalʋ. 3Ɛcɛ a bagɛ á ŋá pʋɔ a, a yel-bebe tɩɛrʋ n'a bɛ nɩ̃ɛ mɩ́ lɛb sɩ̃w a nɩbɛ zie yũon za. 4Bʋ̃ʋ n'ʋ vɛ̃, nadɛɛ nɩ bʋrɩ zɩ̃ɩ kʋ̃ tʋ̃ɔ́ ír yel-bebe bɛr towtow ɛ.
5A lɛ n'a so, a Kɩrɩta na wa waar a tẽ-daa zu a lɛn daar a, ʋ yel a Naaŋmɩn:
«Fʋ bɛ sàw de bàwr nɩ de-kʋ̀b bom ɛ,
ɛcɛ fʋ cɔbr'ɩ ƴã-gan kʋ̀ m.
6 Nyɩw-a-za-bàwr
nɩ yel-bebe suur-dɩ-kʋ̀b bàwr
bɛ pɛlɩ a fʋ pʋɔ ɩ.
7Lɛ n'a ɩ̃ yel: “Mãa n'ɩ ŋan waar Naaŋmɩn i,
k'ɩ̃ɩ wa maalɩ a fʋ pʋ-tɩɛrʋ
mɛ̃ a lɛ bɛ na sɛb a ɩ̃ ƴãw
a Wulu sɛbɛ pʋɔ a.”»#10:7 Nyɛ̃ Ssy 40.7-9.
8Ʋ de nɩ niwn yel à ŋá: «Bagɛ, de-kʋ̀b bome, nyɩw-a-za-bàwr, nɩ yel-bebe suur-dɩ-kʋ̀b bàwr, fʋ bɛ sàw de a ɩ, a bɛ pɛlɩ a fʋ pʋɔ ɩ.» Ɛcɛ a bagɛ á ŋá a, a lɛ a Naaŋmɩn wulu na yel a n'a bɛ mɩ́ maalɩ a. 9Al pùorí, ʋ yel ƴãw pʋɔ: «Mãa n'ɩ ŋan waar k'ɩ̃ɩ wa maalɩ a fʋ pʋ-tɩɛrʋ.» À ŋá n'a ʋ ír a koro za bagɛ bɛr, ɛ́ lɩɛr'a nɩ a ʋ bàwr. 10A Naaŋmɩn pʋ-tɩɛrʋ ŋa na maalɩ a ƴãw n'a tɩ páw a sonu, a Yeezu Kɩrɩta na de a ʋ ƴã-gan maal'ɩ bàwr gb'a been daadaa a zũú.
11 Bàwr-maalɛ za mɩ́ àr'ɩ bibir za tone a ʋ bàwr-maal-ton. Ʋ mɩ́ maalɛ nɩ a alɩ bàwr-been nɛ kʋralɛ na kʋ̃ tʋ̃ɔ́ ír a yel-bebe bɛr towtow a. 12A Kɩrɩta ʋl a, ʋ maal'ɩ bàwr-been yõ a yel-bebe ír-bɛrʋ ƴãw, al pùorí ʋ zɩ̃ a Naaŋmɩn dʋrʋ lowr a baarɩ, 13ʋʋ pãa gù k'aa Naaŋmɩn wa fɛr a ʋ dɔ̃ dem ƴãw bɛ lɩɛbɩ a ʋ gbɛ́ɛ dɔwlʋ zie. 14A na ɩ à ŋá a, bàwr-been n'ʋ ʋ ɩ n a bɛlɩ dem ʋ na kʋ̀rɛ a sonu a bɛ vɩɛl kʋralɛ bɛ cɛ ɩ.
15A Vʋʋrʋ Sõw mɩ̀ dɩrɛ nɩ a dãsɩɛ a tɩ zie. Bʋ̃ʋ n'ʋ vɛ̃, ʋ de nɩ niwn yel à ŋá: 16«A Sore yere na:
a Wõ-taa n'ɩ ŋa ɩ̃ na na maal'ɩ bɛ
a bibie al pùorí a:
ɩ̃ na sɛb'ɩ a ɩ̃ Wulu ƴãw a bɛ socie pʋɔ,
ɩ̃ na wi ʋ na ƴãw a bɛ tɩɛrʋ pʋɔ.»
17Al pùorí ʋ yel ƴãw pʋɔ: «Ɩ̃ kʋ̃ cãà tɛr a bɛ yel-bebe nɩ a bɛ bɛ-wonu tɩɛrʋ ɛ.»#10:17 A kan-nɛ́ɛ 16 nɩ a 17 ƴãw a, nyɛ̃ Zer 31.33-34. 18Ɛcɛ be bɛ na dɩ suur tɩr baarɩ a, de-kʋ̀b bom bɛ lɛb tɩrɛ a yel-bier ƴãw ɛ.
Nyɩ ɩ tɩ taw pɩɛlɩ a Naaŋmɩn
19A na ɩ à ŋá a, yɛbr i, tɩ mɩ́ ɓãá nɩ ƴãw kpɛ a zi-sõw-za-zi-sõw pʋɔ a Yeezu zɩ̃ɩ zũú. 20Sɔr-paala nɩ sɔr-mimir'ɩ à ŋà ʋ na puo kʋ̀ tɩ tɔl'ɩ a Ŋmɩn-yir-kpɛ̃ɛ pɛn-yawla pʋɔ a, a pɛr lɛ k'aa ʋl mɩŋa ƴã-gan. 21Tɩ tɛr'ɩ bàwr-maal-kara na kaarɛ a Naaŋmɩn yir zie a. 22A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a. 23Tɩ na yere kɛ́ tɩ ƴãw nɩ a tɩ tɩɛrʋ a Naaŋmɩn ƴãw a, tɩ tɛr ʋ kpɛ̃w za, bʋ̃ʋ n'ʋ vɛ̃, a Naaŋmɩn na ƴãw a nʋɔr a ŋmɛ̃ n ʋ ŋmɛ̃a. 24Nyɩ ɩ tɩ kaarɛ taa zie, tʋ̃ɔ́ sɩ̃wnɛ taa tɩɛrʋ a nɔ̃wfʋ ƴãw nɩ a ɩ-vɩɛlɩ maalʋ ƴãw. 25Tɩ ta mɩ́ zawrɩ a tɩ lãw ziir cenu mɛ̃ a lɛ bɛ mɩnɛ na ɩ mili a ɩ. Nyɩ nɩ̃ɛ ɩ tɩ kpaalɛ taa, nyɩ na baa nyɛ̃ a Sore bibir ʋ pɩɛlɛ a.
26Bʋ̃ʋ n'ʋ vɛ̃, tɩmɛ wa bãw a yel-mɩŋa za baarɩ, ɛ́ cãà mɩ́ bãw kɛ́ maalɩ a yel-bier a, bàwr bɛ lɛb ka be na tʋ̃ɔ́ ír a yel-bebe bɛr ɛ. 27A ƴɛ̀rʋ-maalʋ tɛwr'a cɛ tɩ na pi pee gùre nɩ, nɩ a vũu-tʋlʋ kpãkpã na na dɩ a zu-kpɛn dem a. 28Nɩr na zawrɩ a Moyiir wulu a, nɩbaalʋ zɔba bɛ ka be ɩ, a kũu n'a: yel-mɩn-dem ayi bɩɩ ata wa yel kɛ́ sɩza n'a ʋ sãw a#10:28 Nyɛ̃ Wl-ayi 19.15.. 29Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ? 30Bʋ̃ʋ n'ʋ vɛ̃, tɩ bãw nɩ a sob nɛ na yel a ƴɛ̀r-bie á ŋá a: «Mãa so a san yaafʋ, mãa n'ʋ na yáa a ɩ-faa san». Ʋlɛ n'ʋ mɩ̀ cãà lɛb yel: «A Sore na maal'ɩ nɩ a ʋ nɩbɛ a ƴɛ̀rʋ.»#10:30 Nyɛ̃ Wl-ayi 32.35-36. 31A Naaŋmɩn na vʋʋrɛ a na na ƴãw fʋ nũú a, a ɩrɛ nɩ dɛ̃bɩ̃ɛ bɛ dɩ vuo ɩ!
32Nyɩ lɛb tɩɛrɩ a lɛ a na tɩ ŋmɛ̃ nyɩ a pɛr-tib daar a: nyɩ na tɩ nyɛrɛ a cãà wa báarɛ a, nyɩ wõ n tuo yaga, nyɩ mɔ̃ nɩ mɔb na kpɛmɛ a. 33Nyɩ mɩnɛ tɩ nyɛ̃ nɩ zʋmɛ nɩ dɔwrʋ a nɩbɛ za niŋé, ɛ́ a nyɩ ŋmaarɛ tɩ lãw nɩ a bɛl bɛ na tɩ dɔwrɛ à à ŋá a. 34Nyɩ tɩ lãw nɩ nɩ a gaso pʋɔ dem a bɛ kpɩɛrʋ pʋɔ, nyɩ tɩ sàw na bɛ fa a nyɩ bʋ̃-tɛrɩ ɛ́ nʋ̃ɔ̀ cãà ɩrɛ nyɩ, nyɩ na tɩ bãwnɩ a kɛ́ nyɩ tɛr'ɩ na-bom na vɩɛl zuo ɛ́ be be kʋralɛ a. 35A na ɩ lɛ a, nyɩ cãà ɓãá ƴãw bɛr tɩɛrʋ, a waar'ɩ nɩ maalʋ. 36Kanyir'a a fɛr kɛ́ nyɩ dɩrɛ, tʋ̃ɔ́ maalɩ a Naaŋmɩn pʋ-tɩɛrʋ ɛ́ páw a ʋlɩ bom nɛ ʋ na ƴãw nʋɔr k'ʋʋ na tɩr a a. 37Bʋ̃ʋ n'ʋ vɛ̃, bɛ sɛb'ɩ à ŋá:
«Blãlɛ n'a cãà cɛ, zaa pʋrɩlɛ,
ɛ́ a sob nɛ na waar a na wa,
ʋ kʋ̃ cɛlɩ ɛ.
38Ɛcɛ a Naaŋmɩn yere na:
Sob nɛ na ɩ nɩ-mɩŋa a ɩ̃ zie a
na vʋʋrɛ nɩ a sàw-deb zũú,
ɛcɛ ʋlɛ wa lɛb pùor a,
ɩ̃ pʋɔ kʋ̃ cãà pɛlɩ a ʋ ƴãw ɛ.»#10:38 A kan-nɛ́ɛ 37 nɩ a 38 ƴãw a, nyɛ̃ Hab 2.3-4.
39A tɩɩm a, tɩ bɛ ɩ nɩbɛ na lɛbr pùor a bɛ bɔrʋ ƴãw a ɩ, tɩ ɩ n nɩbɛ na sàw de a tɩ sɩ́ɩr faafʋ ƴãw a.
Currently Selected:
Ebre 10: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
