Ebre 1
1
Naaŋmɩn ƴãw nɩ a ʋ Bie ʋ ƴɛ̀r a tɩ zie
1A dãwdãw a, Naaŋmɩn tɩ ƴãw na a ʋ ƴɛ̀r-manbɛ ƴɛ̀r ƴɛ̀r-pɛ-bʋʋrɛ za, gb'aa ŋmɩn za a tɩ sãàkʋm-kore zie. 2Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za. 3A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.
A Naaŋmɩn Bie zuo nɩ a malkɩ mɩnɛ za
4A Bie wa ɩ n kpɛ̃ɛ zuo a malkɩ mɩnɛ, a Naaŋmɩn kʋ̀ ʋ yúor na zuo a bɛ dem a. 5Bʋ̃ʋ n'ʋ vɛ̃, malkɩ buor'ʋ a Naaŋmɩn dãw yel:
«Ɩ̃ bie nɛ b, ɩ̃ dɔw fʋ nɩ a dɩ̃a?»
Lɛ nɩ kɛ́:
«Ɩ̃ na ɩ n sãà a ʋ zie,
ʋʋ ɩ bie a ɩ̃ zie?#1:5 Nyɛ̃ Ssy 2.7, 2Sa 7.14, 1Bi-yel 17.13.»
6Ɛcɛ a lɛn daar a Naaŋmɩn na tɩ ƴãw a ʋ Bi-dãw-dɔwra ʋ waar a tẽ-daa zu a, ʋ tɩ yere na:
«A Naaŋmɩn malkɩ mɩnɛ za,
bɛ gbine dume a ʋ niŋé#1:6 Nyɛ̃ Wl-ayi 32.43..»
7A malkɩ mɩnɛ ƴãw a, ʋ yel'ɩ à ŋá:
«A Naaŋmɩn mɩ́ ɩ na
a ʋ malkɩ mɩnɛ ɩ sɛsɛb,
ɛ́ a ʋ tõ-tõ-biir ɩ vũu-zɛlɛ#1:7 Nyɛ̃ Ssy 104.4..»
8Ɛcɛ a ʋ Bie ƴãw a, à ŋá n'a ʋ yel:
«Naaŋmɩn i, dɩ̃a nɩ bio a,
a fʋ naalʋ-dà-kɔw ba na,
fʋ kaarɛ nɩ a fʋ naalʋ-tẽw zie nɩ mɩnʋ.
9Fʋ nɔnɛ nɩ a mɩnʋ ɛ́ hɩ̃ɛn a faalʋ,
alɛ so a Naaŋmɩn, a fʋ Naaŋmɩn,
cir a cɩlʋ kãá ƴãw a fʋ zũú
kaa ír'ɩ fʋ a ʋ ƴãw, ɛ́ bɛr a fʋ taabɛ.»#1:9 A kan-nɛ́ɛ 8 nɩ a 9 ƴãw a, nyɛ̃ Ssy 45.7-8.
10Ʋ mɩ̀ cãà na lɛb yel:
«Sore e, fʋ̃ʋ n'ʋ ír a tẽw a pɛr-tib daar,
ɛ́ a salom ɩ a fʋ nuru bʋ̃-maala.
11Al na wɛ na, ɛcɛ fʋ̃ʋ be na.
A za na kor'a mɛ̃ kparʋ a,
12fʋ na pili pili a na mɛ̃ kpar-kpɛ̃ɛ a,
fʋ na lɩɛr'a na mɛ̃ kparʋ a,
ɛcɛ fʋ̃ʋ ŋmɛ̃ n fʋ ŋmɛ̃a,
ɛ́ a fʋ yome bɛ tɛr baarʋ daar ɛ.»#1:12 A kan-nɛ́ɛ 10 tɩ tɔ a 12 ƴãw a, nyɛ̃ Ssy 102.26-28.
13Ɛ́ malkɩ buor sob'ʋ a Naaŋmɩn dãw yel:
«Zɩ̃ a ɩ̃ dʋrʋ lowr,
ɛ́ gù ɩ̃ wa tɩ fɛr a fʋ dɔ̃ dem ƴãw bɛ lɩɛbɩ
a fʋ gbɛ́ɛ dɔwlʋ zie?#1:13 Nyɛ̃ Ssy 110.1.»
14A malkɩ mɩnɛ za bɛ ɩ bʋ̃-vʋbɛ na tɛr tõ-nɛ́ɛ, Naaŋmɩn mɩ́ tõ kɛ́ bɛ tɩ sõw a bɛlɩ dem na na nyɛ̃ a faafʋ a ɩ?
Currently Selected:
Ebre 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
