Galasi 6
6
Tɩ tuore taa tuor
1 Yɛbr i, alɛ wa ɩ mɛ̃ bɛ nyɔw nɩ nɩr sãwna pʋɔ a, a nyɩɩm na tɛr a Naaŋmɩn Vʋʋrʋ a, nyɩ tɛr ʋ lɛb wa ƴãw a sɔ́r vla pʋɔ, ɛcɛ nyɩ ɩrɛ bɛl bɛl a ʋ zie. Ɛ́ a fʋ̃ʋ mɩ̀ a, gùre fʋ tʋɔra vla: fʋ tɩɛr kɛ́ bɛ mɩ̀ kʋ̃ tʋ̃ɔ́ bɛlɩ fʋ bɩɩ? 2Nyɩ tuore taa tuor, lɛ n'a nyɩ na sàw a Kɩrɩta Wulu. 3Bʋ̃ʋ n'ʋ vɛ̃, nɩr na tɩɛr k'ʋʋ ɩ n nɩr, ɛ́ nɩ̃ɛ bɛ ɩ nɩr a, ʋ bɛlɛ nɩ ʋ tʋɔra. 4Ŋa za mɩ́ jɩ́r a ʋ ɩb kaa, alɛ wa sɛw k'ʋʋ nyʋʋr a, ʋl ƴãw n'a ʋ na nyʋʋr, a kʋ̃ ɩ ʋ na de ʋ tʋɔra man nɩ nɩr a ƴãw n'a ɩ. 5Bʋ̃ʋ n'ʋ vɛ̃, ŋa za na mɩ́ tuo nɩ a ʋ mɩŋa tuor#6:5 Ŋa za na mɩ́ tuo nɩ a ʋ mɩŋa tuor: A bɛ kaar mɛ̃ tuor à ŋá n'a ɩ, a ɩ-ɩrɩ n'a bɛ yere, ŋa za n'ʋ a Naaŋmɩn na mɩ́ sowri ʋ man a ʋ ɩ-ɩrɩ pɛr..
6A sob nɛ bɛ na zanɛ nɩ a Naaŋmɩn ƴɛ̀rʋ a, a fɛr'a k'ʋʋ mɩ́ ɩ a ʋ bʋ̃-tɛrɩ kʋ̀ a sob nɛ na zanɛ nɩ ʋ a.
7Nyɩ ta bɛ̀lɛ nyɩ tʋɔra ɩ: Naaŋmɩn bɛ sàwr bɛ ɩrɛ ʋ laar ɛ. Ʋlɩ bom nɛ a nɩsaal na bʋ̀r a, ʋlɛ n'ʋ ʋ na cɛ. 8Sob nɛ na bʋ̀rɛ a alɩ bome nɛ a nɩsaalʋ na bɔbr a, ʋ na cɛ n a wɔmɛ a nɩsaalʋ na waar'ɩ a, a pɛr lɛ k'aa kũu. Ɛcɛ sob nɛ na bʋ̀rɛ a alɩ bome nɛ a Vʋʋrʋ Sõw na bɔbr a, ʋ na cɛ n a wɔmɛ a Vʋʋrʋ na waar'ɩ a, a pɛr lɛ k'aa nyɔ-vʋʋrʋ na be kʋralɛ a. 9Nyɩ ɩ tɩ taa bàlɛ a vla maalʋ ƴãw ɛ, bʋ̃ʋ n'ʋ vɛ̃, tɩmɛ bɛ wa bàl tɩɛ bɛr a, ɛ́ a daar wa ta a, tɩ na cɛ na. 10A na ɩ à ŋá vuo cãà be a yaa, nyɩ ɩ tɩ ɩrɛ vla a nɩbɛ za zie, ɛ́ baa zuo a za a bɛl na ɩ a tɩ yɛbr a sàw-deb pʋɔ a zie.
Kpaalʋ nɩ puor-pɛ-baara
11A kan-bi-bɛrɛ á ŋá nyɩ na nyɛ̃ a, mãa mɩŋa nũu n'ʋ ɩ̃ sɛb'ɩ nyɩ. 12A bɛlɩ dem na bɔbr kɛ́ bɛ fɛr nyɩ nyɩ ŋma a nyɩ yɛɛ a, bɛ ɩ n nɩbɛ na bɔbr kɛ́ bɛ sãá nɩ-vɩɛlɩ a nɩsaalʋ yele pʋɔ a. A bɛ bʋ̃-bɔbra tɛwr'ɩ kɛ́ bɛ ta mɩ́ páw dɔwrʋ a Kɩrɩta da-gara ƴãw ɛ. 13Bʋ̃ʋ n'ʋ vɛ̃, a bɛl tɛɛ za na mɩ́ ƴãw bɛ ŋma bɛ a yɛɛ a, bɛ bɛ mɩ́ tuur a Naaŋmɩn wulu ɛ. Bɛ mɩ́ bɔbr'a kɛ́ nyɩ ŋma a yɛɛ bɛ tʋ̃ɔ́ zɛwr bɛ tʋɔra, bɛ na fɛr nyɩ ƴãw nyɩ tɛr a bãwfʋ ŋa a nyɩ ƴã-ganɩ́ a. 14Mãa ƴãw a, a tɩ Sore Yeezu Kɩrɩta da-gara yõ ƴãw n'a ɩ̃ bɔbr k'ɩ̃ɩ zɛwr ɩ̃ tʋɔra. A da-gara n'ʋ so a tẽ-daa kpi a ɩ̃ zie, ɩ̃ɩ mɩ̀ kpi a tẽ-daa zie. 15Bʋ̃ʋ n'ʋ vɛ̃, fʋ na ŋmãa a yʋ̀ɔr bɩɩ fʋ na bɛ ŋmãa a, a bɛ ɩ bom ɛ, fʋ na ɩ Naaŋmɩn bʋ̃-ír-paala a, ʋlɛ n'ʋ ɩ bom. 16A Naaŋmɩn ƴã-ɓaarʋ nɩ a ʋ nɩ-bàal-zɔba, a be a bɛlɩ dem za na tuur a wulu pɔl ŋa a zie, ɛ́ mɩ̀ be a ʋ nɩ-bʋʋrɛ za zie.
17Dɩ̃a na ta a, nɩr za taa lɛb sɔbr mɛ̃ niwn ɛ, bʋ̃ʋ n'ʋ vɛ̃, a fɩlɛ na be a ɩ̃ ƴã-ganɩ́ a wule na k'aa Yeezu so m.
18Yɛbr i, a tɩ Sore Yeezu Kɩrɩta maalʋ, ʋ be a nyɩ za zie. Amɛn.
Currently Selected:
Galasi 6: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
