Ezekɩɛl 19
19
Lãw-mʋɔlɛ: a gbẽw-nyãw nɩ a ʋ bili
1A Sore tɩ yel mɛ̃ na k'ɩ̃ɩ kõ a lãw-mʋɔlɛ ŋa a càarɩ a Ɩsɩrayɛl nɩ-bɛrɛ:
2«A nyɩ mã tɩ ɩ n gbẽw-nyãw#19:2 A gbẽw-nyãw ŋa bɛ na yere a ka a, ʋ na ɩ n a Zerizalɛm tẽ-kpɛ̃ɛ bɩɩ a Zuda dɔwlʋ.
na ta ʋl a gben bʋʋrɛ pʋɔ a!
Ʋ tɩ gã nɩ a gben-pɔlɛ sɔgɔ, guole a ʋ bili.
3Ʋ sʋ̃ɔmɩ na wul a ʋ bile kãw.
Ʋ na wa lɩɛbɩ gbẽw-pɔl a#19:3 A gbẽw-pɔl ŋa a, a nãà Yoakaazɩ n'ʋ. ,
ʋ zanɩ nɩ dʋ̃w taw-ɓɛlʋ ɛ́ tɩ 'wɔb nɩsaalbɛ.
4Nɩ-bʋʋr-yoru tɩ wõ na bɛ ƴɛ̀r a ʋ ƴɛ̀rʋ.
Bɛ tɩ nyɔw ʋ nɩ bɛra pʋɔ,
ƴãw ʋ bãw a nyɔbɔwrɩ́ cen nɩ Eziptɩ tẽw#19:4 A kan-nɛ́ɛ 3-4 ƴɛ̀r-bie á ŋá tɔ̃w na càarɩ a nãà Yoakaazɩ. Nyɛ̃ 2Na 23.31-34. A gben ayi sob sɛw k'ʋʋ ɩ a nãà Yoyakin. Nyɛ̃ 2Na 24.15. .
5A gbẽw-nyãw gù na, a tɩ cɛlɩ.
Ʋ na tɩ nyɛ̃ k'aa ʋ tɩɛrʋ wɛ na a,
ʋ tɩ de nɩ a ʋ bile kãw ɩ ʋ lɩɛbɩ gbẽw-pɔl-kpɛ̃w
6bɛ na guoli gben sɔgɔ a.
Ʋ tɩ lɩɛb'ɩ gbẽw-pɔl mɩ̀ zanɩ dʋ̃w taw-ɓɛlʋ
ɛ́ tɩ 'wɔb nɩsaalbɛ.
7Ʋ tɩ da n a bɛ dacine na piw a tẽw tɛr a lɔb,
sãw a bɛ tẽ-bɛrɛ bɛr.
Bɛlɛ wa wõ a ʋ ùoru a,
a tẽw nɩbɛ mɩ́ màwr'ɩ dɛ̃bɩ̃-mawfʋ.
8Lɛ n'a nɩ-bʋʋr-yoru na tɩ yi ziir za wa a,
tɩ ɓã taa a ʋ ƴãw.
Bɛ tɩ ƴãw ʋ nɩ bɛra, ɛ́ ɩ ʋ lo a ʋ pʋɔ.
9Bɛ tɩ ƴãw ʋ nɩ kasow pʋɔ, 'lẽ ʋ nɩ bamɛ,
ɛ́ tɩ tɛr ʋ cen nɩ a Babɩlɔn tẽw nãà zie.
Bɛ tɩ ƴãw ʋ nɩ gaso pʋɔ
k'aa nɩbɛ ta cãà wone a ʋ kɔkɔr,
a Ɩsɩrayɛl tan zu ɛ.»
Lãw-mʋɔlɛ na càarɩ a divɛ̃ tɩɛ a
10«A nyɩ mã tɩ ŋmɛ̃ na mɛ̃ divɛ̃ tɩɛ#19:10 Divɛ̃ tɩɛ: Nyɛ̃ 15.2 nɩ a manʋ.
bɛ na sɛl kʋ̃ɔ nʋɔr a.
Ʋ tɩ wɔnɛ nɩ wɔ̃-yaga ɛ́ tɩ tɛr va-yaga,
ʋ na tɩ páwr kʋ̃ɔ yaga a ƴãw.
11A wuli tɩ kpɛmɛ na, a wa lɩɛb'ɩ nãà-dabɔlɛ.
Ʋ tɩ kɛrɩ na zuo a tɩɩr. Nɩr za tɩ nyɛ̃ ʋ na,
a ʋ kɛrʋ nɩ a ʋ wuli za zũú.
12Ɛcɛ bɛ tɩ vʋ̃ɔ ʋ na nɩ suur, lɔb bɛr tẽw.
A saa-pɛrɩ́ sɛsɛb tɩ ɩ n a ʋ wɔmɛ a ko suori lo.
A ʋ wul-kpɛn tɩ ko na, bɛ nyɩw a bɛr.
13Ƴɛrɛŋa a, bɛ sɛl'ɩ a divɛ̃ tɩɛ ŋa wɛja-kpalɛ pʋɔ,
tẽ-kõw na bɛ tɛr kʋ̃ɔ a pʋɔ.
14Vũu pur a yi a ʋ sɩɛmɩ́,
a sãw nɩ a ʋ wuli nɩ a ʋ wɔmɛ bɛr.
Ʋ bɛ cãà tɛr wul-kpɛ̃w
na na tʋ̃ɔ́ lɩɛbɩ nãà-dabɔl a ɩ.»
A yielu ŋa yiele na mɛ̃ lãw-mʋɔlɛ bɛ na kone a.
Currently Selected:
Ezekɩɛl 19: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
