Eziptɩ tẽw yib 40

A Sore tɩr'ɩ nʋɔr kɛ́ bɛ maalɩ a pɛn-sɛw

1A Sore tɩ yel'ɩ a Moyiir: 2«Fʋ na ƴãw na bɛ maalɩ a tuor-taa pɛn-sɛw, a zi-sõw, a cuw-dãw-niwn sob bibi-dãw-niwn sob. 3Fʋ na ƴãw na bɛ bin a daga na tɛr a wõ-taa kʋsɛ-pamɛ a, a be, a pɛn-yawla pùorí, ʋ pĩ. 4Fʋ na ƴãw na bɛ wa n a dipɛ̃ tabal fʋ wa de a dipɛ̃ bɛ na kʋ̀ m a dɔwlɩ pɩɛrɩ a ʋ zu. Bɛ na wa n nɩ a fɩ̃tɩlɩ dɔwlʋ zie wa bin ɛ́ tɔ̃w a fɩ̃tɩlɩ. 5Fʋ na ƴãw na bɛ bin a parfɛ̃ salm-zɩɛ bàwr-maal-kuur a daga na tɛr a wõ-taa kʋsɛ-pamɛ a niŋé. Fʋ na ƴãw na bɛ yawlɩ a zi-sõw dɩ̃dɔr pɛn-yawla. 6Fʋ na ƴãw na bɛ bin a nyɩw-a-za-bàwr bàwr-maal-kuur a zi-sõw na be a tuor-taa pɛn-sɛw pʋɔ a dɩ̃dɔr niŋé. 7Fʋ na ƴãw na bɛ bin a dɛwr-so-bɛrʋ kur-zɩɛ-dʋw a tuor-taa pɛn-sɛw nɩ a bàwr-maal-kuur cara pʋɔ, ɛ́ 'wɔ̃w kʋ̃ɔ paalɩ. 8Fʋ na ƴãw na bɛ ƴãw a davʋra pɛnɛ viiri koli nɩ a zi-sõw, ɛ́ ƴãw bɛ yawlɩ a davʋra dɩ̃dɔr pɛn-yawla.»

9«Fʋ na ɩ n a nũu-ka-ƴãwfʋ kãá cir ƴãw a zi-sõw zu, nɩ a bome za na be a ʋ pʋɔ a zu. À ŋá n'a fʋ na maalɩ ʋ k'ʋ ɩ sõw lãwnɩ a ʋ bʋ̃-kpɛ̃kpɛrsɩ za. A lɛ pʋɔ a, ʋ na ɩ n sõw. 10Fʋ mɩ̀ na cir'ɩ kãá ƴãw a bàwr-maal-kuur nɩ a ʋ bʋ̃-kpɛ̃kpɛrsɩ za zu. Fʋ na maalɩ ʋ nɩ à à ŋá ʋ ɩ sõw, ʋʋ na ɩ n sõw yaga za. 11Fʋ mɩ̀ na cir'ɩ kãá ƴãw a kur-zɩɛ-dʋw nɩ a ʋ dɔwlʋ zie zu maalɩ a k'a ɩ son.»

12«Fʋ na tɛr'ɩ a Aarɔ̃ nɩ a ʋ bidɛbr cen nɩ a tuor-taa pɛn-sɛw dɩ̃dɔrɩ́ tɩ ƴãw bɛ so a bɛ dɛwr bɛr. 13Al pùorí, fʋ na su n a Aarɔ̃ a ʋ kpar-son, ɛ́ cir kãá ƴãw a ʋ zũú, ka nũu ƴãw ʋ k'ʋ ɩ bàwr-maalɛ tone a ɩ̃ tome. 14Fʋ na yel'ɩ a Aarɔ̃ bidɛbr kɛ́ bɛ taw pɩɛlɩ, ɛ́ fʋ na su bɛ nɩ a bɛ kpali-wowr. 15Fʋ na cir'ɩ kãá ƴãw a bɛ zurú ka nũu ƴãw bɛ mɛ̃ a bɛ sãà a, bɛ ɩ bàwr-maalbɛ tone a ɩ̃ tome. A kãá-cir-ƴãwfʋ ŋa na ɩ na bɛlɛ nɩ a bɛ bʋʋrɛ ɩ bàwr-maalbɛ kʋralɛ.»

A Moyiir ƴãw na bɛ maalɩ a zi-sõw

16A Moyiir tɩ ɩ n a lɛ tɔr za a Sore na yel kʋ̀ ʋ a. 17A Eziptɩ tẽw yib yũon-been pùorí, a cuw-dãw-niwn sob bibi-dãw-niwn sob, bɛ tɩ maal'ɩ a zi-sõw baarɩ.

18A Moyiir tɩ ƴãw na bɛ maalɩ a pɛn-sɛw: bɛ tɩ bin nɩ a bome dɔwlʋ ziir, a dà-tɩɛrɩ nɩ a dà-garjɩrɩ lãwnɩ a kpule. 19Bɛ tɩ dɔl'ɩ a pɛn-sɛw pɛnɛ pàw a zi-sõw, ɛ́ pàw ʋ nɩ a bʋ̃-pàwra, mɛ̃ a lɛ a Sore na tɩ yel kʋ̀ a Moyiir a.

20A Moyiir tɩ de nɩ a wõ-taa kʋsɛ-pamɛ ƴãw a daga pʋɔ. Nɩbɛ tɩ su n a daga dàar ƴãw a daga ƴãw, ɛ́ ƴãw a ʋ nɔ-pàwra pàw ʋ. 21A Moyiir tɩ ƴãw na bɛ ɓáw ʋ kpɛ n a zi-sõw pʋɔ. Al pùorí bɛ yawlɩ a ziir bʋ́rʋ pɛn-yawla, ɩ a daga na tɛr a wõ-taa kʋsɛ-pamɛ a, ʋ pĩ, mɛ̃ a lɛ a Sore na tɩ yel kʋ̀ a Moyiir a.

22Bɛ tɩ bin nɩ a dipɛ̃ tabal a pɛn-sɛw pʋɔ, a saa-pɛrɩ́-gʋba-lowr, a ziir bʋ́rʋ pɛn-yawla niŋé. 23Bɛ tɩ pɩɛr'ɩ a dipɛ̃ bɛ na de kʋ̀ a Sore a, a ʋ zu, mɛ̃ a lɛ a Sore na tɩ yel kʋ̀ a Moyiir a.

24Bɛ tɩ bin nɩ a fɩ̃tɩlɩ dɔwlʋ zie a saa-pɛrɩ́-dʋrʋ-lowr tori a tabal. 25Bɛ tɩ tɔ̃w nɩ a fɩ̃tɩlɩ a dɩrɛ a Sore niŋé, mɛ̃ a lɛ a Sore na tɩ yel kʋ̀ a Moyiir a.

26Bɛ tɩ bin nɩ a salm-zɩɛ bàwr-maal-kuur a ziir bʋ́rʋ pɛn-yawla niŋé, a tuor-taa pɛn-sɛw pʋɔ. 27Bɛ tɩ nyɩw nɩ a parfɛ̃ a ʋ zu, mɛ̃ a lɛ a Sore na tɩ yel kʋ̀ a Moyiir a.

28Bɛ tɩ yawl'ɩ a zi-sõw dɩ̃dɔr pɛn-yawla. 29Al pùorí bɛ bin a bàwr-maal-kuur pɩɛlɩ a zi-sõw na be a tuor-taa pɛn-sɛw pʋɔ a dɩ̃dɔr niŋé. Bɛ tɩ maal'ɩ a nyɩw-a-za-bàwr a ʋ zu, ɛ́ de kukur bome kʋ̀ a Sore, mɛ̃ a lɛ a Sore na tɩ yel kʋ̀ a Moyiir a.

30Bɛ tɩ bin nɩ a kur-zɩɛ-dʋw a tuor-taa pɛn-sɛw nɩ a bàwr-maal-kuur cara pʋɔ, ɛ́ 'wɔ̃w kʋ̃ɔ paalɩ ʋ a dɛwr-so-bɛrʋ ƴãw. 31A Moyiir, a Aarɔ̃ nɩ a ʋ bidɛbr mɩ́ tɩ pɛ́w nɩ a bɛ nuru nɩ a bɛ gbɛ́ɛ nɩ a kʋ̃ɔ á ŋá. 32À à ŋá n'a bɛ mɩ́ tɩ so a bɛ dɛwr bɛr, lɛn daar za a na mɩ́ fɛr kɛ́ bɛ kpɛ a tuor-taa pɛn-sɛw pʋɔ, bɩɩ taw pɩɛlɩ a bàwr-maal-kuur, mɛ̃ a lɛ a Sore na tɩ yel kʋ̀ a Moyiir a.

33A Moyiir tɩ ƴãw na bɛ ƴãw a davʋra pɛnɛ viiri koli a zi-sõw nɩ a bàwr-maal-kuur, ɛ́ yawlɩ a davʋra dɩ̃dɔr pɛn-yawla. À à ŋá n'a ʋ tɩ tõ a tome baarɩ.

A Sore yúor-vɩɛlʋ-danʋ na paalɩ a zi-sõw a

34Lɛ n'a a zũzuwr#40:34 Zũzuwr: Nyɛ̃ 13.21 nɩ a manʋ. — A Sore yúor-vɩɛlʋ-danʋ: Nyɛ̃ 1Na 8.10-11, Ɩza 6.3, Ezek 43.4-5, Yel-w 15.8. tɩ wa pàw a tuor-taa pɛn-sɛw, ɛ́ a Sore yúor-vɩɛlʋ-danʋ paalɩ a zi-sõw, 35a bɛ tɩ tɛr a Moyiir na kpɛ a tuor-taa pɛn-sɛw pʋɔ ɩ.

36A zũzuwr mɩ́ wa ìr do àr a zi-sõw zu-sɔw a, a lɛn daar'a a Ɩsɩrayɛl nɩbɛ mɩ́ tɩ lɛb ìr lo a sɔ́r wɩɛr a tɛw-àrʋ zie ƴen sob. 37Ɛcɛ a zũzuwr bɛ wa ìr do a, bɛ bɛ cere ɩ. Bɛ mɩ́ tɩ gù n a bibir ʋ na ìr do a.

38A Sore zũzuwr mɩ́ tɩ pàw nɩ a zi-sõw a mʋ̃tɔ̃w, ɛ́ vũu mɩ́ tɩ be a ʋ pʋɔ a tɩ̃ɩsɔw. A Ɩsɩrayɛl nɩbɛ za tɩ nyɛ̃ nɩ à á ŋá za a bɛ cenu za pʋɔ.

Currently Selected:

Eziptɩ tẽw yib 40: DBDC

Highlight

Compare

Copy