Ekilezɩasɩ 1
1
A ZI-DÃW-NIWN SOB
1—6
Bàlʋ zawla
1A Daviir bidɛb, Kohelɛtɩ, na tɩ ɩ nãà a Zerizalɛm#1:1 Bɛ de nɩ a sɛbɛ ŋa ʋ ɩ a Daviir bidɛb, Salomɔ̃, na tɩ ɩ a yã-bãw-kara a, sób. a, ƴɛ̀r-bie n'ɩ à á ŋá.
2Bàlʋ zawla#1:2 Bàlʋ zawla: A nɩsaal a tẽw zu ka, a ʋ tome nɩ a ʋ ɩ-ɩrɩ, nɩ bom za na be ɛ́ ɩrɛ a tẽw zu a, nɩr kʋ̃ bãw a pɛr ɛ. Bàlʋ n'a a nɩsaal mɩ́ bàlɛ ʋ tʋɔra k'ʋʋ bãw a pɛr., bàlʋ zawla, Kohelɛtɩ yel'ɩ lɛ,
bàlʋ zawla, bàlʋ zawla, bom za ɩ n bàlʋ zawla.
3Bʋ̃ʋ tɔnɛ n'a a nɩsaal pãa mɩ́ páw
a ʋ tẽw zu ka tõ-kpɛn pʋɔ a?
4Nɩbɛ mɩ́ dɔw na kpi lɩɛrɩ taa cen,
nɩbɛ dɔw lɩɛrɩ taa wa, ɛ́ a tẽsɔw cãà be kʋralɛ.
5A mʋ̃tɔ̃w mɩ́ pur'a, a mʋ̃tɔ̃w mɩ́ kpɛ na,
al pùorí ʋ lɛb pawr fɔ̃w wɩɛr a ʋ puru zie.
6A sɛsɛb mɩ́ fu na cen a saa-pɛrɩ́-dʋrʋ-lowr,
fu cen a saa-pɛrɩ́-gʋba-lowr.
Ʋ mɩ́ lɩɛbɛ na, lɩɛbɛ tɩ lɩɛb cen, al pùorí, ʋ lɛb tĩ lɩɛbɛ.
7A kʋ̃ɔ-kpɛ̃ɛ pʋɔ n'a a mamɛ za wɩɛr,
ɛ́ a kʋ̃ɔ-kpɛ̃ɛ bɛ be na paalɩ ɛ.
A be a mamɛ na zɔrɛ cere a,
be n'a a mɩ̀ lɛb zɔ cen.
8A ƴɛ̀r-bie za kor'a, a bɛ cãà tɛr yelu ɛ:
a mimir bɛ dãw nyɛ̃ sɛw ɛ,
a tobr bɛ dãw wõ a man ɛ.
9Bom nɛ na tɩ be a na lɛb'a be.
Bom nɛ na ɩ a na lɛb'a ɩ.
Bʋ̃-sãan kãw za bɛ be a tẽw zu ka ɩ.
10Bom wa be be tɩ na tʋ̃ɔ́ yel à ŋá:
«Nyɩ nyɛ̃, bʋ̃-sãan ʋ!»,
a bom ʋl tɩ dãw na be a dãwdãw za, ɛ́ tɩ wa bãw be.
11Tɩɩm a, tɩ mɩ́ yiir'ɩ a yele na ɩ a koro za a.
A tɩ pùorí dem mɩ̀ na yiir'ɩ bom nɛ na na ɩ a bɛ pùorí a.
A bãwfʋ a Yã-bãwnɛ na bãw a
12A Mãa Kohelɛtɩ, ɩ̃ tɩ dɩ n naalʋ a Ɩsɩrayɛl nɩ-bʋʋrɛ zu a Zerizalɛm. 13Ɩ̃ ƴãw nɩ fãw bɔ ɛ́ jɛl'ɩ a yã-bãwfʋ bom nɛ na ɩrɛ a tẽ-daa zu a. Tõ-nɔ-kpɛ̃w n'ɩ à ŋá a Naaŋmɩn na kʋ̀ a nɩsaalbɛ a. 14Ɩ̃ nyɛ̃ nɩ bom za na ɩrɛ a tẽw zu ka a. Ɛcɛ nyɛ̃, a za ɩ n bàlʋ zawla, alɛ nɩ sɛsɛb#1:14 Sɛsɛb diwfʋ: Ŋmɩŋmɩn n'a nɩsaal na tʋ̃ɔ́ diw a sɛsɛb? Ɛ́ ʋlɛ mɩ̀ saa ɩ mɛ̃ ʋ diwr ʋ na a, bʋ̃ʋ n'ʋ ʋ na tɩ nyɔw a ʋ pʋɔ? A ƴɛ̀r-bie á ŋá pɛr'ɩ k'aa nɩsaalbɛ nyɔ-vʋʋrʋ, a bɛ tome nɩ a bɛ ɩ-ɩrɩ pɛr bãwfʋ kpɛmɛ na, a ʋlɩ bʋ̃-been nɛ n'ʋ a bàlʋ zawla ƴɛ̀r-bir mɩ̀ yere. diwfʋ za been.
15Bom na gɔ̃w a, bɛ kʋ̃ lɛb tʋ̃ɔ́ ʋ dɛnɩ ɛ,
a ʋl na bɛ ka be a, bɛ kʋ̃ tʋ̃ɔ́ sɔ́r ʋ ɛ.
16Ɩ̃ tɩɛr'ɩ ɩ̃ pʋɔ à ŋá: «Ɩ̃ ɩ na a yã-bãwfʋ ɩ kpɛ̃ɛ ɛ́ cen tɔl nidaa zuo a bɛlɩ dem za na de niwn dɩ naalʋ a Zerizalɛm a ɩ̃ ƴãw a.» Ɩ̃ bãw nɩ yele yaga, ɛ́ bãw a nyɔ-vʋʋrʋ pɛr. 17Ɩ̃ ƴãw nɩ fãw bãw a yã-bãwfʋ, bãw a yãyaar nɩ a dãbolu, ɛ́ nyɛ̃ k'aa za nɩ a sɛsɛb diwfʋ mɩ̀ ɩ n been.
18A yã-bãwfʋ yaga waar'ɩ nɩ pʋ-sãwna yaga.
Sob nɛ na ɩrɛ a ʋ bãwfʋ dɔwlɛ a,
ɩrɛ nɩ a ʋ kpɩɛrʋ a dɔwlɛ.
La Bible en Dagara © Alliance Biblique du Burkina Faso, 2013.