Wulu-ayi-sob 13

1Nyɩ nɩ̃ɛ vɛ̃ kɛ́ ƴãw fãw sàwr a nɛ-ƴãwnɩ za ɩ̃ na kʋ̀rɛ nyɩ a, ɛ́ taa dɔwlɛ bom bɩɩ íre bom bɛrɛ ɩ#13:1 Nyɛ̃ 4.2, Yel-w 22.18-19..

A ŋmɩn-ziri pùor a na bɛ sɛw k'aa nɩbɛ tuur a

2Kapaw bibir kãw, naaŋmɩn-ƴɛ̀r-manɛ bɩɩ yel-nyɛrɛ#13:2 Yel-nyɛrɛ: Nyɛ̃ Zer 23.25-32. kãw na ír'ɩ a nyɩ pʋɔ yel nɔ-ɓãa-yel kãw bɩɩ yel-bɛ-dãw-nyɛra kãw. 3A nɔ-ɓãa-yel bɩɩ a yel-bɛ-dãw-nyɛra ʋ na yel kʋ̀ nyɩ a wa maalɩ a, ɛ́ ʋlɛ wa yel nyɩ à ŋá: «Nyɩ ɩ tɩ tu ŋmɩn-yoru ɛ́ tone a tome», ŋmɩmɛ nyɩ na bɛ bãw a, 4nyɩɩm taa bɛrɛ wone a lɛ ʋ na yere kʋ̀rɛ nyɩ a ɩ. Bʋ̃ʋ n'ʋ vɛ̃, a Sore nyɩ Naaŋmɩn n'ʋ na ɩrɛ nyɩ kaar a lɛ, k'ʋʋ nyɛ̃, nyɩ nɔnɛ ʋ na nɩ a nyɩ pʋɔ za nɩ a nyɩ sɩ́ɛ za bɩɩ. 5A Sore nyɩ Naaŋmɩn yõ n'ʋ nyɩ na tuur, ʋlɛ n'ʋ nyɩ na zɔrɛ, a ʋ nɛ-ƴãwnɩ n'a nyɩ na sàwr. Ʋlɛ n'ʋ nyɩ na bɛrɛ wone, ʋl tome n'a nyɩ na tone, ʋlɛ n'ʋ nyɩ na tu. 6A fɛr'a kɛ́ bɛ kʋ a naaŋmɩn-ƴɛ̀r-manɛ ŋa, bɩɩ a yel-nyɛrɛ ŋa, na ƴɛ̀r ƴãw nyɩ bɛr a Sore, a Naaŋmɩn na ɩ nyɩ yi a Eziptɩ, ɛ́ faa nyɩ a gbãgbaalʋ pʋɔ a. A nɩr ŋa tɩ bɔbr'a k'ʋʋ taw nyɩ zãá nɩ a sɔ́r a Sore nyɩ Naaŋmɩn na yel kɛ́ nyɩ tuur a. Nyɩ na ír'ɩ a faalʋ bɛr à à ŋá a nyɩ sɔgɔ.

7Kapaw bibir kãw, a nyɩ kãw na nyɛ̃ nɩ a ʋ yɛb, bɩɩ ʋ na nyɛ̃ nɩ a ʋ mɩŋa bidɛb, bɩɩ a ʋ pɔwyaa, bɩɩ a ʋ pɔw tɔr za, bɩɩ a ʋ bá-tuo, ʋ sɔwlɩ wa yere kʋ̀rɛ ʋ à ŋá: «Ɩ tɩ cen tɩ tone ŋmɩn-yoru!» Ɛcɛ nyɩɩm nɩ a nyɩ sãàkʋm-kore bɛ tɩ bãw a ŋmɩmɛ al ɛ. 8A na ɩ n nɩ-bʋʋr-yoru ŋmɩmɛ, nɩ-bʋʋrɛ na pɩɛlɩ nyɩ bɩɩ zãá nyɩ a, ɛ́ jil koli nyɩ a tẽw tib zie tɩ tɔ a baarʋ zie a. 9Nyɩ kʋ̃ sàw a lɛ ɩ, nyɩ kʋ̃ bɛr wõ a nɩr ŋa ƴɛ̀rʋ ɛ, nyɩ kʋ̃ zɔ ʋ nɩbaalʋ ɛ, nyɩ kʋ̃ ƴɛ̀r faa ʋ ɛ. 10Nyɩ na nɩ̃ɛ na kʋ ʋ tuotuo. A sob nɛ a nɩr ŋa na tɩ bɔbr k'ʋʋ bɛlɩ a na de nɩ niwn lɔb'ɩ ʋ a kʋsɛbɛ, ɛ́ a nɩbɛ za pãa tu. 11Bɛ na lɔb'ɩ a sãwna sob nɩ kʋsɛbɛ kʋ, ʋ na yel k'ʋʋ bɛlɩ nɩr yi n a Sore pùor a ƴãw, a Naaŋmɩn ʋl na ɩ nyɩ yi a Eziptɩ, a be nyɩ na tɩ ɩ gbãgbaar a. 12A Ɩsɩrayɛl nɩbɛ za na wõ n a yel ŋa, bɛ na zɔrɛ nɩ dɛ̃bɩ̃ɛ, ɛ́ kʋ̃ lɛb maalɩ a yel-faa ŋa tɔ a nyɩ sɔgɔ ɩ.

13Kapaw bibir kãw, nyɩ na wõ na k'aa tẽ-bɛrɛ a Sore nyɩ Naaŋmɩn na kʋ̀ nyɩ nyɩ kpɩɛr a, a kãw pʋɔ a, 14nɩ-bɛ-tɛr-bir mɩnɛ kãw a nyɩ pʋɔ taw nɩ a bɛ tẽw dem ƴãw bɛ tone ŋmɩn-yoru nyɩ na bɛ bãw a. 15A lɛ pʋɔ a, nyɩ na sowr'a bãw, nyɩ na bɔ na bãw, nyɩ na sowr'a kpɩwrɩ kpɩwrɩ. Alɛ wa ɩ sɩza a yel-faa ŋa na bɛ maal'ɩ wob a maalɩ a, 16nyɩ na kʋ n a tẽ-kpɛ̃ɛ nɛ dem za. Nyɩ mɩ̀ na kʋ n a dʋn za. Al pùorí, nyɩ na sãw nɩ a tẽw ʋ za bɛr, lãwnɩ a bome za na be a ʋ pʋɔ a. 17Nyɩ na wob'ɩ a ʋ na-bome za ɓã taa a nɩ-yaga tuor-taa zie nyɩw a bɛr, ɛ́ nyɩw a tẽw bɛr. A na ɩ na mɛ̃ nyɩw-a-za-bàwr'ʋ a Sore nyɩ Naaŋmɩn ƴãw a. A tẽ-kpɛ̃ɛ ŋa na ɩ n debuo gã kʋralɛ. Bɛ bɛ be za na lɛb mɛ ʋ ɛ. 18Nyɩ bɛ dier bom kãw za a bome a na fɛr kɛ́ bɛ nyɩw bɛr a pʋɔ ɩ. Lɛ n'a a Sore nyɩ Naaŋmɩn su-kẽkẽ na ɓãá. Ʋ na tɛr'ɩ nɔ̃wfʋ ɩb a nyɩ zie, ʋ na zɔ n nyɩ nɩbaalʋ, ɛ́ ɩ nyɩ yãwmɛ, mɛ̃ a lɛ ʋ na yel kʋ̀ a nyɩ sãàkʋm-kore a. 19Ɛcɛ a na ɩ n nyɩmɛ wa bɛrɛ wone a ʋ ƴɛ̀rʋ a, nyɩmɛ wa sàwr a nɛ-ƴãwnɩ za ɩ̃ na kʋ̀rɛ nyɩ a dɩ̃a, ɛ́ ɩrɛ a lɛ na tori a ʋ niŋé a.

Currently Selected:

Wulu-ayi-sob 13: DBDC

Highlight

Compare

Copy