Amɔsɩ 9
9
A bʋ̃-nyɛrɩ anũu sob: a zi-sõw loba
1Ɩ̃ tɩ nyɛ̃ nɩ a ɩ̃ Sore ʋ àr saaƴẽwn a bàwr-maal-kuur zu, ɛ́ yere: «Ŋmɛ a kpule zuru lɔb, ɛ́ a pɛ́ɛ dam!
Ŋmɛ a ŋmɛr a lo a bɛ za zurú,
ɛ́ a bɛ ŋmaarɛ na na cɛ a,
zɛbr-sɔ-kpɛ̃ɛ n'ʋ ɩ̃ na kʋ n bɛ.
Nɩr za kʋ̃ tʋ̃ɔ́ zɔ ɩ,
been kʋ̃ be a bɛ pʋɔ cɩ̃ɛ ɩ.
2Bɛlɛ wa tʋ̃ɔ́ ta a kpɩmɛ tẽw a,
ɩ̃ na cen nɩ a be tɩ ír bɛ,
bɛlɛ wa do a salom zu a,
ɩ̃ na ɩ na bɛ wa siw.
3Bɛlɛ wa do a Karmɛl tãw nyʋɔrɩ́ tɩ sɔwlɩ a,
ɩ̃ na bɔ bɛ na nyɔw a be.
Bɛlɛ wa siw a kʋ̃ɔ-kpɛ̃ɛ pʋɔ tɩ sɔwlɩ a ɩ̃ niŋé a,
ɩ̃ na ƴãw na a wa-bɩɛ cɛ bɛ.
4Bɛlɛ wa cen a bɛ dɔ̃ dem zie tɩ lɩɛbɩ nɩ-pàwrɩ a,
ɩ̃ na ƴãw na bɛ kʋ bɛ a be.
Ɩ̃ na ír'ɩ mimir ƴãw bɛ a bɛ faa ƴãw,
a kʋ̃ ɩ a bɛ vla ƴãw ɛ.»
5A Sore Naaŋmɩn, a Naaŋmɩn kpɛnʋ-za-sob
mɩ́ tɔ n a tẽw ʋ damnɛ,
ɛ́ a tẽw za nɩbɛ be wahala pʋɔ.
A tẽw mɩ́ vʋ̃ n ʋ za mɛ̃ a man a,
ɛ́ lɛb siw lo mɛ̃ a Eziptɩ tẽw man a.
6A sob nɛ na mɛ a ʋ bɔwpɩɛ a salom zu a,
a ʋl na ŋmãa a ʋ nãà yir a tẽw saa-zu a,
a ʋl na mɩ́ bʋɔlɩ a kʋ̃ɔnɩ ɓãá taa
ɛ́ cir a waarɩ a tẽw a, a ʋ yúor'ɩ a Sore.
A sãwna dem na nyɛ̃ nɩ dɔwrʋ
7À ŋá n'a a Sore yere: «Ɩsɩrayɛl nɩbɛ ɛ,
nyɩ tɩɛr kɛ́ nyɩ zuo nɩ a Etiopi tẽw nɩbɛ a ɩ̃ niŋé e?
Sɩza n'a, mãa bɛ n'ʋ tɛr nyɩ yi n a Eziptɩ tẽw,
ɛ́ mɩ̀ tɛr a Filisɩtɛ̃ mɩnɛ yi n a Kafɩtɔɔr#9:7 Kafɩtɔɔr: A kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ a Kɩrɛtɩ a n'ʋ. Be n'a a Filisɩtɛ̃ mɩnɛ tɩ yi. Nyɛ̃ Zer 47.4 nɩ Sof 2.5. Kɩ́ɩ̀r: Nyɛ̃ Am 1.5 nɩ a manʋ. tẽw e?
Mãa mɩ̀ bɛ n'ʋ lɛb tɛr
a Aram tẽw dem yi n a Kɩ́ɩ̀r tẽw e?»
8A Sore ɩ̃ Naaŋmɩn mimir
be n a naalʋ-tẽw ʋl na sãw a ƴãw.
Ɛ́ à ŋá n'a a Sore yere:
«Ɩ̃ na kʋ n a naalʋ-tẽw ʋl nɩbɛ pàw pɛr a tẽw zu.
Ɛcɛ ɩ̃ kʋ̃ kʋ a Zakɔb yir nɩbɛ za pàw pɛr ɛ.
9Bʋ̃ʋ n'ʋ vɛ̃, ɩ̃ ƴãwnɛ nɩ nʋɔr
k'aa nɩ-bʋʋr-yoru ten za pʋɔ,
bɛ dam a Ɩsɩrayɛl yir,
bɛ dam ʋ mɛ̃ zɛla bɛ na tɛtɛwr
ɛ́ kʋsɛ-bir kʋ̃ lo tẽw a.
10Zɛbr-sɔ-kpɛ̃ɛ n'ʋ na kʋ
a ɩ̃ nɩ-bʋʋrɛ pʋɔ sãwna dem za,
bɛl na mɩ́ yere kɛ́:
“A kpɩɛrʋ bɛ pɩɛlɛ tɩ ɛ, ʋ bɛ páwr tɩ ɛ!”»
A Sore na lɛb'a mɛ a Ɩsɩrayɛl yir
11«A ʋlɩ bibir nɛ a,
ɩ̃ na lɛb'a mɛ a Daviir gùr na lo a,
ɩ̃ na fɔb'ɩ a vɛɛ, ɩ̃ na lɛb'a libri a ʋ deboru,
ɩ̃ na ɩ na ʋ ìr àr mɛ̃ a dãwdãw a.
12Lɛ n'a a Ɩsɩrayɛl nɩbɛ na so a Edɔm#9:12 Edɔm: Nyɛ̃ 1.11 nɩ a manʋ. tẽw na cɛ a,
nɩ a nɩ-bʋʋr-yoru ten al za ɩ̃ na so a.
A Sore n'ʋ yere à à ŋá,
ʋl na na tu à à ŋá ʋ na yel a.»
13À ŋá n'a a Sore yere:
«Bibie n'ɩ a ŋan waar na vɩɛ,
bɛ na mɩ́ cɩɛr wa báarɛ
ɛ́ lɛb kʋɔr, bʋ̀rɛ wa báarɛ
ɛ́ nɛbr a divɛ̃ tɩɛ wɔmɛ íre a divɛ̃.
Lɛ n'a a divɛ̃ na bùle yire a tan zu,
ɛ́ a tãli paalɩ a divɛ̃.
14Ɩ̃ lɛb'a maalɛ a ɩ̃ nɩ-bʋʋrɛ ƴãwn:
bɛ na lɛb'a mɩɛr a ten al na tɩ sãw a,
kɛ́ bɛ kpɩɛr a pʋɔ.
Bɛ na sɛl'ɩ divɛ̃ tɩɩr nyúur a divɛ̃.
Bɛ na kɔ n zaadɛnɩ dɩrɛ a zaadɛnɩ pʋɔ bome.
15Ɩ̃ na lɛb'a ƴãw a ɩ̃ nɩ-bʋʋrɛ a bɛ tẽw pʋɔ,
ɛ́ nɩr kʋ̃ lɛb ír bɛ bɛr a bɛ tẽw zu ɛ,
a tẽw ʋl ɩ̃ na na kʋ̀ bɛ a.
A mãa Sore fʋ Naaŋmɩn n'ʋ yere.»
Currently Selected:
Amɔsɩ 9: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
