2 Samɩɛl 7
7
Naaŋmɩn yel'a k'ʋʋ na maal'ɩ a Daviir nɩ a ʋ bʋʋrɛ
(1Bi-yel 17:1-15)
1A nãà Daviir tɩ kpɛ n a ʋ yir baarɩ, ɛ́ a Sore faa ʋ a dɔ̃ dem na viiri koli a ʋ naalʋ-tẽw a nuru pʋɔ, ʋʋ tɛr ƴã-ɓaarʋ. 2Bibir kãw, a nãà tɩ yel'ɩ a naaŋmɩn-ƴɛ̀r-manɛ Natan: «Nyɛ̃, ɩ̃ kpɩɛr'ɩ yir bɛ na ŋmãa nɩ sɛɛdɩr dàar a, ɛcɛ a Naaŋmɩn wõ-taa daga nɩ̃ɛ be pɛn-sɛw pʋɔ.» 3A Natan tɩ yel'ɩ a nãà: «Bom nɛ za fʋ na tɩɛr kɛ́ fʋ ɩ a, ɩ, bʋ̃ʋ n'ʋ vɛ̃, a Sore be n a fʋ zie.»
4Ɛcɛ a ʋlɩ tɩ̃ɩsɔw nɛ, a Sore tɩ ƴɛ̀r'ɩ a Natan zie à ŋá: 5«Cen tɩ yel a ɩ̃ tõ-tõ-bie Daviir: À ŋá n'a a Sore yere: “Fʋ̃ʋ n'ʋ na ŋmãa yir kʋ̀ m ɩ̃ kpɩɛr ɩ? 6Bʋ̃ʋ n'ʋ vɛ̃, a ʋlɩ bibir ɩ̃ na ɩ a Ɩsɩrayɛl nɩbɛ yi a Eziptɩ wa tɔ a dɩ̃a a, ɩ̃ bɛ dãw kpɛ yir pʋɔ ɩ: pɛn-sɛw#7:6 A pɛn-sɛw ʋl a Ɩsɩrayɛl biir na tɩ tɛr a Eziptɩ tẽw yib daar a wɛja-kpalɛ pʋɔ a n'ʋ. pʋɔ n'a ɩ̃ tɩ kpɩɛr, ɛ́ mɩ́ yi ka tɩ sãá ka. 7Lɛb waar, a yome á ŋá za ɩ̃ na bɩɛlɩ a Ɩsɩrayɛl nɩbɛ a, ɩ̃ kaa na ír nɩ-bɛrɛ yaga. Bɛlɛ nɛbɛ kaa a ɩ̃ nɩ-bʋʋrɛ Ɩsɩrayɛl zie. Ɩ̃ bɛ dãw yel nɩr kãw za: “Bʋ̃ʋ n'ʋ so nyɩ bɛ ŋmãa sɛɛdɩr dàar yir kʋ̀ m?” 8Lɛ so, tɩ yel à ŋá ƴãw pʋɔ kʋ̀ a ɩ̃ tõ-tõ-bie Daviir: à ŋá n'a a Sore, a Kpɛnʋ-za-sob, yere: “Mãa n'ʋ nyɔw fʋ a dʋn àrʋ zie, a dʋn pùorí, kɛ́ fʋ wa ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ. 9Mãa nɩ fʋ̃ʋ tɩ nɛbɛ, zie nɛ za fʋ na tɩ cere a, ɩ̃ kʋ n a fʋ dɔ̃ dem za, a fʋ niŋé. Ɩ̃ na ɩ na a fʋ yúor yi, man a tẽw ŋa zu nɩ-yée yée. 10Ɩ̃ na kʋ̀ n zie a ɩ̃ nɩ-bʋʋrɛ Ɩsɩrayɛl, ɩ̃ na zɩɩlɩ ʋ nɩ a be, ʋʋ na kpɩɛr'ɩ a be, ɛ́ bɛr dɛ̃bɩ̃ɛ. Nɩ-faar kʋ̃ lɛb dɔwrɩ ʋ mɛ̃ a dãwdãw a ɩ, 11mɛ̃ a lɛn daar ɩ̃ na tɩ ƴãw a ƴɛ̀r-dɩrbɛ kaarɛ a ɩ̃ nɩ-bʋʋrɛ Ɩsɩrayɛl zie a ɩ. Ɩ̃ na faa fʋ nɩ a fʋ dɔ̃ dem za nuru pʋɔ, ɛ́ fʋ vʋʋrɛ nɩ ƴã-ɓaarʋ. Ɩ̃ pãa yere na kʋ̀rɛ fʋ, a mãa Sore, mãa n'ʋ na ŋmãa yir#7:11 Yir: A ƴɛ̀r-bir ŋa tɛr'ɩ pɛ́ɛ ayi: a yir na ɩ a dacine nɩ a yir na ɩ a nɩbɛ na lãw kpɩɛr a. Alɛ n'a so bɛ mɩ́ lɔb a zʋkpar kɛ́: «Dacĩ-kpamɛ bɛ ɩ yir ɛ, nɩbɛ n'ɩ a yir. kʋ̀ b. 12A fʋ daar wa ta fʋ lɛb cen tɩ páw a fʋ sãà mɩnɛ a, a fʋ bidɛb kãw n'ʋ ɩ̃ na kaa ír, ʋ lɩɛrɩ fʋ ɩ a nãà, ɩ̃ɩ na zɩɩl'ɩ a ʋ naalʋ, ɛ́ ʋ kʋ̃ bãw damnʋ ɛ. 13Ʋlɛ n'ʋ na ŋmãa yir kʋ̀ m, ɩ̃ɩ na zɩɩl'ɩ a ʋ naalʋ ʋ be kʋralɛ. 14Ɩ̃ na ɩ n sãà a ʋ zie, ʋʋ ɩ a ɩ̃ bidɛb. Ʋlɛ wa sãw a, ɩ̃ na kpãa ʋ na mɛ̃ a lɛ a nɩsaalbɛ na mɩ́ kpãa a, mɛ̃ sãà na mɩ́ kpãa bie a. 15Ɛcɛ a ɩ̃ nɔ̃wfʋ bɛ be na baarɩ a ʋ zie, mɛ̃ a Sawul zie a ɩ, ʋl ɩ̃ na zawrɩ bɛr, ɛ́ de fʋ lɩɛr'ɩ a#7:15 Nyɛ̃ 1Sa 15.28. . 16A fʋ bʋ̃-dɔwra kãw na dɩrɛ nɩ a naalʋ a fʋ pùorí, bʋ̃ʋ n'ʋ vɛ̃, a fʋ yir naalʋ-dɩb kʋ̃ tɛr baarʋ ɛ.”» 17A Natan tɩ manɩ nɩ a lɛ za a Naaŋmɩn na tɩ yel kʋ̀ ʋ a bʋ̃-nyɛra ŋa pʋɔ a kʋ̀ a Daviir.
A Daviir puoru
(1Bi-yel 17:16-27)
18Lɛ n'a a nãà Daviir tɩ cen tɩ zɩ̃ a Sore niŋé, ɛ́ yel ʋ à ŋá: «Sore Naaŋmɩn i, mãa mɩ̀ n'ɩ anʋ, ɛ́ a ɩ̃ yir'ɩ buor ɛ̀ fʋ sàw maalɩ tɩ à à ŋá? 19Ɛcɛ, Sore Naaŋmɩn i, a fʋ̃ʋ zie a, a cãà bɛ ɩ bom ɛ, fʋ ƴãw nʋɔr kɛ́ fʋ na maal'ɩ a ɩ̃ yir a nɩdaar. A sɛw na kɛ́ fʋ ɩrɛ à ŋá nɩsaal zie bɩɩ? 20Sore Naaŋmɩn i, fʋ bãw mɛ̃ na, mãa fʋ tõ-tõ-bie, ɩ̃ pãa lɛb yel kɛ́ bʋnʋ a? 21A nʋɔr fʋ na ƴãw a, nɩ fʋ na nɔnɛ mɛ̃ a zũú n'a fʋ maalɩ a nɔ-ɓãa-yele á ŋá za, ɛ́ ɩ ɩ̃ bãw a. 22Fʋ sɩrɩ na ɩ kpɛ̃ɛ, Sore Naaŋmɩn i! Fʋ bɛ tɛr fʋ tɔ ɩ, ɛ́ Naaŋmɩn bɛ be be a bɛ ɩ a fʋ̃ʋ ɛ, mɛ̃ a lɛ tɩ na wõ bɛ yere a kʋralɛ a. 23Nɩ-bʋʋrɛ been kãw be n a tẽw zu ŋmɛ̃ taa nɩ a fʋ nɩ-bʋʋrɛ Ɩsɩrayɛl fʋ na cen tɩ ya de, bɛ ɩ a fʋ nɩ-bʋʋrɛ, ɛ́ fʋ ɩ a bɛ yúor yi, ɛ́ fʋ maalɩ nɔ-ɓãa-yele nɩ yele na vʋ̃ɔnɛ pʋ̀lá a, a fʋ tẽw pʋɔ ɔ? Nɩ-bʋʋrɛ be n be ŋmɛ̃ taa nɩ a fʋ nɩ-bʋʋrɛ fʋ na faa a Eziptɩ tẽw nɩbɛ zie nɩ a bɛ ŋmɩmɛ zie a? 24Fʋ ɩ na bɛ lɩɛbɩ a fʋ nɩ-bʋʋrɛ kʋralɛ, ɛ́ fʋ̃ʋ, Sore e, fʋ lɩɛb'ɩ a bɛ Naaŋmɩn. 25Ƴɛrɛŋa a, Sore Naaŋmɩn i, a ƴɛ̀rʋ fʋ na ƴɛ̀r a mãa nɩ a ɩ̃ yir ƴãw a, tɛr ʋ kʋralɛ, ɛ́ ɩ mɛ̃ a lɛ fʋ na ƴãw a nʋɔr a. 26Lɛ n'a a fʋ yúor na yi kʋralɛ, ɛ́ a nɩbɛ yere: “A Ɩsɩrayɛl Naaŋmɩn n'ɩ a Sore Kpɛnʋ-za-sob!” Ɩ a ɩ̃ yir dɩrɛ a naalʋ kʋralɛ. 27Sɩza, Sore Kpɛnʋ-za-sob, Ɩsɩrayɛl Naaŋmɩn i, fʋ̃ʋ mɩŋa n'ʋ ɩ ɩ̃ bãw a fʋ pʋ-tɩɛrʋ, fʋ na yel mɛ̃: “Mãa n'ʋ na ŋmãa yir#7:27 Nyɛ̃ 7.11 nɩ a manʋ. kʋ̀ b.” Alɛ n'a so, ɩ̃ sʋ̃ɔmɩ sàw puori fʋ à à ŋá. 28Sore Naaŋmɩn i, fʋ̃ʋ n'ʋ ɩ a Naaŋmɩn, a lɛ za fʋ na mɩ́ yel a, a mɩ́ ɩ na! Ɛ́ ƴɛrɛŋa, fʋ yel a yel-vla ŋa kʋ̀ m! 29Ɩ̃ zɛlɛ fʋ na, sàw maalɩ a ɩ̃ yir, k'aa ɩ̃ bʋ̃-dɔwrɩ dɩrɛ a naalʋ kʋralɛ a fʋ niŋé. Sore Naaŋmɩn i, mɛ̃ a lɛ fʋ na yel a, a fʋ maalʋ, a be a ɩ̃ yir zu kʋralɛ.»
La Bible en Dagara © Alliance Biblique du Burkina Faso, 2013.