2 Makabe mɩnɛ 11
11
A Zuda zɛb'a tʋ̃ɔ́ Lɩzɩasɩ
(1Ma 4:26-35)
1A Lɩzɩasɩ, a nãà tõ-tõ-bi-bɛrɛ dãw-niwn sob, na tɩ ɩ a «Nãà nɩr#11:1 Nãà nɩr: Nyɛ̃ 1Ma 3.32 nɩ a manʋ.» kãw, ɛ́ tɩ tu a ʋ wulu pùor a, nʋ̃ɔ̀ bɛ tɩ kpɛ a Lɩzɩasɩ ŋa a lɛ a yele na tɩ ɩ a ƴãw ɛ. A bɛ tɩ cɛlɩ towtow ɛ, 2ʋʋ ɓã zɛbr-nɩbɛ taa bɛ ta mɛ̃ tùr-lɩz'a anaar (80 000) a, de nɩ a ʋ wie nɩ a ʋ wi-zɔmnbɛ za. Al pùorí ʋ cen k'ʋʋ tɩ zɛb'ɩ a Zifʋ mɩnɛ. Ʋ tɩ tɩɛrɛ na k'ʋʋ ɩ a Zerizalɛm ʋ lɩɛbɩ Gɩrɛkɩ mɩnɛ tẽ-kpɛ̃ɛ. 3Ʋ tɩ bɔbr'a k'ʋʋ ƴãw a Ŋmɩn-yir-kpɛ̃ɛ tɛr yúor, mɛ̃ a nɩ-bʋʋr-yoru ŋmɩmɛ yie a, ɛ́ yũon za bɛ mɩ́ ya ɛ́ de a bàwr-maal-kara tõ-nʋɔr. 4Ʋ bɛ tɩ cɛlɛ a Naaŋmɩn kpɛnʋ zie towtow ɛ, ʋ nɩ̃ɛ na tɩ ƴãw a ʋ tɩɛrʋ a ʋ soja-gbɛ́ɛ dem tùr-piir ƴãw, nɩ a ʋ wi-zɔmnbɛ túre túre nɩ a ʋ wɔ́br lɩz'a anaar ƴãw. 5Ʋ tɩ kpɛ n a Zude tẽw pʋɔ, cen tɩ ta Bɛtɩ-Suur, zɛbr-yir-kpɛ̃w na be a Zerizalɛm saa-pɛrɩ́-dʋrʋ-lowr, ɛ́ zãá nɩ ʋ ta kilo#11:5 Kilo: A kilomɛtɩr'ʋ bɛ pʋ̃ɔ bʋɔlɛ a kilo a ka. A kilomɛtɩr been ɩ n mɛtɩr túr. Wogo bʋ̃-mána n'ʋ. lɩzɛr'ɩ ani a. Ʋ tɩ ŋmãa nɩ ʋ nɩ a zɛbr.
6A Zuda Makabe nɩ a ʋ nɩbɛ na tɩ wõ k'aa Lɩzɩasɩ zɛbr'ɩ nɩ a tẽw zɛbr-yir-kpɛn a, bɛ bʋɔl'ɩ a nɩbɛ ɓã taa, ɛ́ bɛ za lãw zɛlɩ a Sore yãayãa, lãwnɩ kon nɩ mʋta-kʋ̃ɔ, k'ʋʋ tõ malkɩ vla a Ɩsɩrayɛl zie ʋ wa faa ʋ. 7Al pùorí, a Zuda Makabe tɩ de nɩ niwn de a zɛbr bome, ɛ́ kpaalɩ a ʋ taabɛ kɛ́ bɛ sàw a kũu mɛ̃ a ʋl a, sõw a bɛ yɛbr. Bɛ za tɩ lãw na lo a sɔ́r, ɛ́ tʋlɛ bɛ za.
8Bɛ bɛ tɩ cen zãá nɩ a Zerizalɛm yaga sɛr ɛ, ɛ́ nyɛ̃ wur-zɔmnɛ na su bʋ̃-pɛlɛ a, ʋ sãá, ɛ́ zɛw salm-zɩɛ zɛbr bome. Ʋ tɩ wa na wa de a bɛ zɛbr-nɩbɛ niwn. 9Lɛ n'a bɛ za tɩ lãw puori a Naaŋmɩn barka a ʋ nɔ̃wfʋ ƴãw. Ʋ tɩ ƴãw bɛ nɩ fãw kpɛ̃ɛ, bɛ́ na tʋ̃ɔ́ cɔ̀r nɩsaalbɛ, wɛ-dʋ̃-faar faar nɩ kure dacĩ-kɛrɩ col. 10Bɛ tɩ pɩɛrɩ na waar a zɛbr ƴãw, tɛr a sob nɛ a Sore na tɩ tõ, a ʋ nɩbaal-zɔba zũú, k'ʋʋ wa lãw nɩ bɛ zɛb a. 11Al pùorí, bɛ tɩ ƴaw na tuori a dɔ̃ dem mɛ̃ gben a. Bɛ tɩ ŋmɛ n soja-gbɛ́ɛ dem tùr-pie nɩ been (11 000) lɔb, nɩ wi-zɔmnbɛ túr'ɩ kɔbr ayʋɔb (1 600), ɛ́ fɛr a zɛbr-nɩbɛ bɛl na cɛ a bɛ zɔ. 12A bɛ yaga zie tɩ zɔ n nɩ bàalʋ ɛ́ bɛr a bɛ zɛbr bome. Zɔba na ɩrɛ vĩ a n'a a Lɩzɩasɩ tɔr za tɩ zɔ faa a ʋ nyɔ-vʋʋrʋ.
A Lɩzɩasɩ ɩ na ʋlɛ nɩ a Zifʋ mɩnɛ lɛb kpɛ taa
(1Ma 6:57-61)
13Ɛcɛ dãbol sob bɛ tɩ n'ɩ a Lɩzɩasɩ ɛ. Ʋ tɩ tɩɛr'ɩ a zɛb-tʋ̃ɔ́fʋ ŋa bɛ na zɛb tʋ̃ɔ́ ʋ a, nyɛ̃ k'aa Zifʋ mɩnɛ bɛ tɛr tʋ̃ɔ́fʋ ɛ, a Naaŋmɩn na kpɛmɛ a na lãw nɩ bɛ zɛbr a ƴãw. Lɛ n'a ʋ tɩ tõ nɩbɛ a bɛ zie, 14kɛ́ bɛ tɩ yel bɛ kɛ́ bɛ ɩ bɛ lɛb kpɛ taa palɛ na tu sɔ́r a pʋɔ. Ʋ mɩ̀ tɩ yel'a kʋ̀ bɛ k'ʋʋ na fɛr'ɩ a nãà ʋ ɩ a bɛ bá. 15A Zuda na tɩ bɔbr a nɩ-yaga vla a, ʋ tɩ sàw nɩ a lɛ za a Lɩzɩasɩ na yel a. A nãà mɩ̀ tɩ sàw nɩ a Zifʋ mɩnɛ zɛlʋ za a Zuda na tɩ sɛb kʋ̀ a Lɩzɩasɩ a.
A sɛb-tʋɔla a Lɩzɩasɩ na sɛb kʋ̀ a Zifʋ mɩnɛ a
16A Lɩzɩasɩ tɩ sɛb'ɩ sɛb-tʋɔla ŋa kʋ̀ a Zifʋ mɩnɛ.
«A Lɩzɩasɩ puore nɩ a Zifʋ nɩ-bʋʋrɛ.
17A nɩbɛ nyɩ na tõ a, a Zã nɩ a Abɩsalɔm, bɛ kʋ̀ mɛ̃ nɩ a sɛbɛ ŋa#11:17 Sɛbɛ ŋa: Ʋ na ɩ n a sɛb-tʋɔla a Zifʋ mɩnɛ na tɩr kʋ̀ a Lɩzɩasɩ a n'ʋ bɛ lɛb sɛb. na tɩr lãwnɩ a nyɩ sɛb-tʋɔla a, ɛ́ yel k'ɩ̃ɩ sɔw a lɛ nyɩ na yel a sɛbɛ pʋɔ a. 18Ɩ̃ wul'ɩ a nãà a alɩ yele nɛ a na tɩ fɛr kɛ́ bɛ wul ʋ a, ʋʋ tɩr'ɩ sɔ́r a al ʋ na nyɛ̃ a na tʋ̃ɔ́ a ƴãw. 19A na ɩ à ŋá a, nyɩmɛ wa cãà tɛr a nyɩ tɩɛr-vɩɛlɩ a tẽw nɩ-kpɛ̃ɛ nɩ a tõ-tõ-bi-bɛrɛ lãw na kaarɛ a tẽw yele zie a ƴãw a, ɩ̃ mɩ̀ na ƴãw nɩ fãw tone a nyɩ nɩ-bʋʋrɛ vla ƴãw ƴɛrɛŋa. 20A yel-bili bili ƴãw a, ɩ̃ kʋ̀ n nʋɔr a nyɩ nɩbɛ nyɩ na tõ a, nɩ a ɩ̃ nɩbɛ, kɛ́ nyɩɩm nɩ bɛl lãw ƴɛ̀r a al ƴãw.
21Nyɩ zɩ̃ vla.
A sɛbɛ sɛb'ɩ a yome lɩz'a ayopõi nɩ ani#11:21 Yome 148 sob: A Yeezu Kɩrɩta na bɛ tɩ wa sɛr a yome 164 sob'ʋ. Nyɛ̃ 1.7 nɩ a manʋ. (148) sob, Zesɩ-Korɛ̃tɩ̃ɛ cuw bibie lɩzɛr'ɩ anaar sob daar.»
A nãà Ãtiokisi Epatɔɔr sɛb'ɩ a Lɩzɩasɩ nɩ a Zifʋ mɩnɛ
22A nãà tɩ sɛb'ɩ sɛb-tʋɔla à ŋá kʋ̀ a Lɩzɩasɩ:
«A nãà Ãtiokisi puore nɩ a ʋ yɛb Lɩzɩasɩ. 23A na tĩ a lɛn daar a ɩ̃ sãà na lɛb cen tɩ páw a ŋmɩmɛ a, ɩ̃ bɔbr'a k'aa ɩ̃ naalʋ-tẽw dem za kaarɛ a bɛ yele zie, ɛ́ ta bãw damnʋ ɛ. 24Ɛcɛ ɩ̃ wõ na k'aa Zifʋ mɩnɛ bɛ sàwr tuur a Gɩrɛkɩ mɩnɛ ɩ-ɩrɩ, mɛ̃ a lɛ a ɩ̃ sãà na tɩ bɔbr a ɩ. Bɛ nɔnɛ nɩ a bɛl mɩ̀ nyɔ-vʋʋrʋ na ɩ ʋ tʋɔra a, ɛ́ zɛlɛ kɛ́ bɛ bɛr bɛ bɛ sàwr a bɛ mɩ̀ nɛ́ɛ. 25Ɩ̃ na bɔbr k'aa nɩ-bʋʋrɛ bɛ ŋa mɩ̀ ta bãw damnʋ a, ɩ̃ yere na kɛ́ bɛ lɛb kʋ̀ bɛ a bɛ Ŋmɩn-yir-kpɛ̃ɛ, ɛ́ bɛr bɛ bɛ vʋʋrɛ tuur'ɩ a bɛ sãàkʋm-kore tub. 26A na ɩ à ŋá a, tõ nɩr a bɛ zie ʋ tɩ ƴɛ̀r a ƴã-ɓaarʋ ɩ̃ na bɔbr'a ƴɛ̀rʋ kʋ̀ bɛ. Bɛlɛ wa bãw a lɛ ɩ̃ na yel a, bɛ na bɛr'ɩ tɩɛrʋ ɛ́ kaarɛ a bɛ yele zie nɩ ƴã-ɓaarʋ.»
27Pãa nyɛ̃ a sɛb-tʋɔla a nãà na kʋ̀ a Zifʋ nɩ-bʋʋrɛ a:
«A nãà Ãtiokisi puore nɩ a nɩ-kore lãwnɩ a Zifʋ mɩnɛ za.
28Ɩ̃ tɩɛr bãw kɛ́ nyɩ tɛr'ɩ ƴã-ɓaarʋ. A mãa mɩŋa mɩ̀ tɛr'ɩ ƴã-ɓaarʋ. 29A Menelasɩ yel'a kʋ̀ m kɛ́ nyɩ bɔbr'a kɛ́ nyɩ lɛb ta a nyɩ tẽw, lɛb kaarɛ a nyɩ yele zie. 30A na ɩ à ŋá a, a bɛlɩ dem za nãà wa lɛb ta a bɛ tẽw, ɛ́ a Zãtikɩ#11:30 Zãtikɩ cuw: A Gɩrɛkɩ mɩnɛ dàrʋ manʋ cuw kãw n'ʋ, sɛsɛb cuw nɩ tʋlʋ cuw vuo n'ʋ. cuw bibie lɩzɛr'ɩ pie sob bãw ta a, bɛ bɛ nyɛrɛ dɔwrʋ ɛ. 31Nyɩ na tʋ̃ɔ́ na tuur a nyɩ tub al na càarɩ a dɩb a, nɩ a nyɩ nɛ́ɛ al na cɛ a, mɛ̃ a dãwdãw a. Lɛb waar mɩ̀, a nyɩ kãw bɛ wa bãwnɩ a ɛ́ ɩ sãw a, bɛ bɛ ƴãwnɛ ʋ dɔwrʋ ɛ. 32Ɩ̃ mɩ̀ tõ n Menelasɩ a nyɩ zie, k'ʋʋ wa ɩ nyɩ bɛr tɩɛrʋ.
33Nyɩ zɩ̃ vla.
A sɛbɛ sɛb'ɩ a yome lɩz'a ayopõi nɩ ani#11:33 Yome 148 sob: A Yeezu Kɩrɩta na bɛ tɩ wa sɛr a yome 164 sob'ʋ. (148) sob, a Zãtikɩ cuw bibie pie nɩ anũu sob daar.»
A Ʋrɔm tẽw dem sɛb'ɩ a Zifʋ mɩnɛ
34A sɛb-tʋɔla n'ɩ ŋa a Ʋrɔm tẽw dem mɩ̀ na tɩ sɛb kʋ̀ a Zifʋ mɩnɛ a: «Kɩ̃tisɩ Mɛmiisɩ, Titisɩ Manilisɩ nɩ Maniisɩ Sɛrzisɩ na ɩ a Ʋrɔm tẽw dem nɩ-toni a, puore nɩ a Zifʋ nɩ-bʋʋrɛ.
35Tɩ mɩ̀ sàw nɩ a yele al a “Nãà nɩr#11:35 Nãà nɩr: Nyɛ̃ 11.1 nɩ a manʋ.”, Lɩzɩasɩ, na kʋ̀ nyɩ a. 36Ɛcɛ a yele al ʋ na yel k'ʋʋ na manɩ nɩ a nãà nyɛ̃ a, nyɩ jɛl a kaa vla, ɛ́ tõ nɩr a tɩ zie fɔ̃wlɛ, tɩ tʋ̃ɔ́ ƴɛ̀r a ƴɛ̀rʋ a nãà zie, tu n a lɛ a na na ɩ vla a nyɩ zie a. Bʋ̃ʋ n'ʋ vɛ̃, tɩ cere nɩ a Ãtɩɔsɩ. 37A na ɩ à ŋá a, nyɩ tõ nɩbɛ fɔ̃wlɛ a tɩ zie, kɛ̀ tɩ mɩ̀ tʋ̃ɔ́ bãw a lɛ nyɩ na tɩɛrɛ a.
38Nyɩ zɩ̃ vla.
A sɛbɛ sɛb'ɩ a yome lɩz'a ayopõi nɩ ani (148) sob, a Zãtikɩ cuw bibie pie nɩ anũu sob daar.»
Currently Selected:
2 Makabe mɩnɛ 11: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.