1 Makabe mɩnɛ 11
11
A Eziptɩ tẽw nãà Pitoleme 6 sob na zɛb tʋ̃ɔ́ a Alɛsãdɩr a
1A Eziptɩ tẽw nãà, Pitoleme, tɩ bɔ n gbee yaga ɓã taa, nɩ zɛbr-nɩbɛ na yãwmɛ mɛ̃ a kʋ̃ɔ-kpɛ̃ɛ nʋɔr biire a, ɛ́ tɩ bɔbr k'ʋʋ maalɩ yã de a Alɛsãdɩr naalʋ-tẽw ƴãw pʋɔ a ʋ naalʋ-tẽw ƴãw. 2A Pitoleme tɩ cen nɩ a Siiri tẽw nɩ ƴã-ɓaarʋ ƴɛ̀rʋ. A nɩbɛ mɩ́ tɩ yuo ʋ nɩ a bɛ tẽ-bɛrɛ dɩ̃dɛɛ, ɛ́ yi tuori ʋ. Bʋ̃ʋ n'ʋ vɛ̃, a Alɛsãdɩr tɩ tɩr'ɩ a nʋɔr kɛ́ bɛ mɩ́ de ʋ a sãanʋ, ʋ na tɩ ɩ a ʋ dɩɛm-sãà a ƴãw. 3Ɛcɛ a Pitoleme na mɩ́ tɩ kpɩɛr tẽ-kpɛ̃ɛ za pʋɔ wa báarɛ a, ʋ mɩ́ ƴãw nɩ zɛbr-nɩbɛ bɛ gù a zie. 4Ʋ na tɩ ta pɩɛlɩ Azotɔsɩ a, bɛ wul ʋ nɩ a Dagon yir na dɩ a, a tẽ-kpɛ̃ɛ nɩ a zi-pɩɛlɩ na lo a, a kũuni bɛ na lɔb bɛr a ziir za a, nɩ a kũuni a vũu na dɩ cɛ ŋmãa a zɛbr daar a: bʋ̃ʋ n'ʋ vɛ̃, bɛ tɩ wob bɛ na gbõ taa a be a nãà na na tu tɔl a. 5Bɛ tɩ manɩ nɩ a alɩ bome nɛ a Zonatã na ɩ a kʋ̀ a Pitoleme, bɔbr k'ʋʋ yel k'aa bɛ sɛw ɛ, ɛcɛ ʋ bɛ tɩ ƴɛ̀r ƴɛ̀rʋ ɛ. 6A Zonatã tɩ cen nɩ a Zope nɩ dɛpaalʋ k'ʋʋ tɩ tuori a nãà. Bɛ tɩ puor'ɩ taa ɛ́ gã a be ìr. 7A Zonatã tɩ bɩɛl'ɩ a nãà tɩ ta n a man bɛ na bʋɔlɛ Eletɛɛr#11:7 Eletɛɛr man: Ʋ tɩ ɩ n Libã tẽw Saa-pɛrɩ́-gʋba-lowr nɩ a Siiri tẽw tʋr-bɔw. a, al pùorí ʋ lɛb kul a Zerizalɛm. 8A Pitoleme ʋl a, ʋ tɩ zɛb'a de a kʋ̃ɔ-kpɛ̃ɛ nʋɔr tẽ-bɛrɛ tɩ ta n a kʋ̃ɔ-kpɛ̃ɛ nʋɔr Selesi#11:8 Kʋ̃ɔ-kpɛ̃ɛ nʋɔr Selesi: Ʋlɛ tɩ n'ɩ a Siiri tẽw Ãtɩɔsɩ gbee siwfʋ zie.. Ʋ tɩ cãà na tɩɛrɛ tɩɛr-faar a Alɛsãdɩr ƴãw.
9Ʋ tɩ tõ n nɩbɛ a nãà Demetiriyisi zie kɛ́ bɛ tɩ yel ʋ à ŋá: «Wa a ka, tɩ wa lãw maalɩ wõ-taa. Ɩ̃ na kʋ̀ b'ɩ a ɩ̃ pɔwyaa, Kilewopaatɩr, na ɩ a Alɛsãdɩr pɔw a, ɛ́ fʋ na dɩrɛ nɩ naalʋ a fʋ sãà naalʋ-tẽw zu. 10Mãa tɩ bãw kɛ́ lɛ, ɩ̃ kʋ̃ʋ kʋ̀ a ɩ̃ pɔwyaa a nɩr ŋa ɩ, bʋ̃ʋ n'ʋ vɛ̃, ʋ bɔ n a ɩ̃ kʋb.» 11A Pitoleme tɩ manɛ nɩ a Alɛsãdɩr sãwna à à ŋá, ʋ na tɩ bɔbr k'ʋʋ de a ʋ naalʋ-tẽw a ƴãw. 12Lɛ n'a ʋ tɩ lɛb de a ʋ pɔwyaa a Alɛsãdɩr zie, kʋ̀ a Demetiriyisi, ɛ́ bɛ cãà ɩrɛ a Alɛsãdɩr zie mɛ̃ a koro za a ɩ, a bɛ dɔ̀nʋ sãá. 13A Pitoleme tɩ kpɛ n a Ãtɩɔsɩ tẽw pʋɔ, ɛ́ yel k'ʋʋ ɩ n a Siiri-Kpɛ̃ɛ#11:13 Siiri-Kpɛ̃ɛ: Nyɛ̃ 7.8 nɩ a manʋ. nãà. Lɛ n'a ʋ tɩ vɔblɩ nãà-kpawʋʋr ayi, a Eziptɩ naalʋ-tẽw kpawʋɔ nɩ a Siiri-Kpɛ̃ɛ naalʋ-tẽw kpawʋɔ.
A Alɛsãdɩr nɩ a Pitoleme kũu
14A ʋlɩ daar nɛ, a nãà Alɛsãdɩr tɩ be n Silisi, a vuo ŋa pʋɔ nɩbɛ na tɩ gaarɩ a ƴãw. 15Ʋ na tɩ wõ a lɛ a Pitoleme na ɩ a, ʋ tuori ʋ na k'ʋʋ zɛb'ɩ ʋ. Ɛcɛ a Pitoleme tɩ tuori ʋ na nɩ zɛbr-nɩbɛ na ta zɛbr-nɩbɛ a, zɛb tʋ̃ɔ́ ʋ. 16A Alɛsãdɩr tɩ zɔ na cen Arabi, ɛ́ a nãà Pitoleme zɛb tʋ̃ɔ́. 17Arabʋ kãw, na dɩ Zabɩdɩɛl a, tɩ ŋmãa nɩ a Alɛsãdɩr zu, tɩr kʋ̀ a Pitoleme. 18Ɛcɛ a Pitoleme tɩ kpi n a bibie ayi pùorí. Lɛ n'a a tẽ-kpɛn kpɛn nɩbɛ tɩ kʋ a sojarɩ ʋ na ƴãw a ten á ŋá pʋɔ a. 19À à ŋá n'a a Demetiriyisi tɩ lɩɛbɩ a nãà a yome lɩz'a ani nɩ ayopõi#11:19 Yome 167 sob: A Yeezu Kɩrɩta na bɛ tɩ wa sɛr a yome 145 sob'ʋ, Só-ɩ̃-tʋɔra cuw nɩ kpãcãan cuw vuo pʋɔ. (167) sob daar.
A Demetiriyisi 2 sob maal'ɩ wõ-taa nɩ a Zifʋ mɩnɛ
20A ʋlɩ daar nɛ, a Zonatã tɩ ɓã n a Zude tẽw nɩbɛ taa, k'ʋʋ zɛb de nɩ a Zerizalɛm zɛbr-yir-kpɛ̃w. Ʋ tɩ ƴãw na bɛ maalɩ zɛbr-bʋ̃-yaga a mɩnɛ kãw, k'ʋʋ zɛb de nɩ ʋ. 21Zifʋ bɛ mɩnɛ kãw, na bɛ bãw bʋ̃ʋ n'ɩ a Naaŋmɩn puoru nɩ bʋ̃ʋ n'ɩ nʋɔr na ƴãw a, ɛ́ hɩ̃ɛn a bɛ nɩ-bʋʋrɛ a, tɩ cen nɩ a Demetiriyisi zie tɩ yel ʋ k'aa Zonatã piw nɩ a zɛbr-yir-kpɛ̃w k'ʋʋ zɛb de ʋ. 22A Demetiriyisi na tɩ wõ a lɛ a, ʋ nyɛ̃ nɩ suur, ɛ́ ìr daadaalɛ cen a Pitolemayisɩ. Ʋ tɩ sɛb'ɩ a Zonatã yel k'ʋʋ bɛr a zɛbr-yir-kpɛ̃w piwfʋ, ɛ́ wa a Pitolemayisɩ fɔ̃wlɛ bɛ wa ƴɛ̀r sɔw taa. 23A Zonatã na tɩ páw a sɛb-tʋɔla ŋa a, ʋ yel'a kɛ́ bɛ cãà piw a zɛbr-yir-kpɛ̃w. Ʋ tɩ kaa na ír a Ɩsɩrayɛl nɩbɛ nɩ-bɛrɛ bɛ mɩnɛ, nɩ bàwr-maalbɛ bɛ mɩnɛ, kɛ́ bɛ bɩɛlɩ ʋ, ʋʋ bãwnɩ a kũu ɛ́ lo a sɔ́r. 24Ʋ tɩ tɛr'ɩ salm-pla, salm-zɩɛ, bʋ̃-suuri nɩ bʋ̃-kʋ̀rɩ yaga a mɩnɛ cen nɩ a nãà zie a Pitolemayisɩ, ʋ tɩ tɛr pʋ-pɩɛlʋ a ʋ ƴãw. 25Ɩsɩrayɛl nɩbɛ na bɛ tuur a Naaŋmɩn wulu a tɩ manɩ nɩ a Zonatã sãwna, 26ɛcɛ a nãà tɩ ɩ n a ʋ zie mɛ̃ a lɛ a na-mɩnɛ na de ʋ niwn a, na tɩ ɩ ʋ a: ʋ tɩ ɩ na k'ʋ nyɛ̃ ƴãwfʋ yaga a «Nãà bárɩ#11:26 Nãà bárɩ: Nyɛ̃ 2.18 nɩ a manʋ.» za niŋé. 27Ʋ tɩ cãà na bɛr ʋ a ʋ bàwr-maal-kara tõ-nʋɔr, nɩ a ƴãwfʋ al za ʋ na tɩ dãw nyɛ̃ a. Ʋ mɩ̀ tɩ ƴãw na ʋ pʋɔ a «Nãà bárɩ» bɛl na de a niwn a pʋɔ.
28A Zonatã tɩ zɛlɩ nɩ a nãà k'aa Zude tẽw, nɩ a Samaari tẽ-ŋma-kʋ̀rɩ ata ta cãà yarɛ a zuru-yar ɛ, ɛ́ tɩ yel k'ʋʋ na kʋ̀ ʋ nɩ salm-pla kilo#11:28 Kilo: A kilogɩram'ʋ bɛ pʋ̃ɔ bʋɔlɛ a kilo a ka. A kilogɩram been ɩ n gɩram túr. A kilo ɩ n tɩbrʋ bʋ̃-mána. túr-ani dɔwlɩ kʋba (8 100) lɩɛr'ɩ. 29A nãà tɩ sàw nɩ a lɛ, ɛ́ sɛb a Zonatã yel à ŋá: 30«A nãà Demetiriyisi puore nɩ a ʋ yɛb Zonatã nɩ a Zifʋ nɩ-bʋʋrɛ. 31A sɛb-tʋɔla tɩ na sɛb a nyɩ ƴãw kʋ̀ a “Nãà nɩbɛ#11:31 Nãà nɩbɛ: Nyɛ̃ 3.32 nɩ a manʋ.” nɩr kãw, Lasɩtɛn a, a ʋ ƴɛ̀r-bie tɛɛ za n'ɩ à á ŋá tɩ tɩrɛ kʋ̀rɛ nyɩ, kɛ́ nyɩ bãwnɩ a: 32“A nãà Demetiriyisi puore nɩ a ʋ sãà Lasɩtɛn#11:32 Ʋ sãà Lasɩtɛn: Ƴãwfʋ bʋɔlʋ n'a ʋ bʋɔlɩ a «ʋ sãà». Alɛ bɛ ɩ lɛ, a Lasɩtɛn bɛ ɩ a Demetiriyisi sãà ɩ.. 33Ɩ̃ yel'a k'ɩ̃ɩ na maal'ɩ a Zifʋ nɩ-bʋʋrɛ vla, bɛ na tu mɛ̃ a ƴãw. A Zifʋ mɩnɛ ɩ n a tɩ bárɩ, ɛ́ ɩrɛ a tɩ zie mɛ̃ a lɛ a na sɛw kɛ́ bɛ ɩrɛ a. 34A na ɩ lɛ a, ɩ̃ yel'a kɛ́ bɛlɛ cãà so a Zude tẽw nɩ a Aferema, Lida nɩ a Aramatayim tẽ-ŋma-kʋ̀rɩ ata. A tẽ-ŋma-kʋ̀rɩ ata á ŋá nɩ a ziir al za a na so a, bɛ ír a nɩ a Samaari tẽw pʋɔ tɩ ƴãw a Zude tẽw pʋɔ, a bɛlɩ dem za na cere a Zerizalɛm tɩ maalɛ bagɛ a vla ƴãw. Dɩ̃a na ta a, a Zifʋ mɩnɛ kʋ̃ cãà yarɛ a nãà yar a na mɩ́ tɩ fɛr kɛ́ bɛ ya yũon za a tẽsɔw bʋ̃-kʋ́ɔrɩ nɩ a tɩɩr wɔmɛ ƴãw a ɩ. 35Ɩ̃ mɩ̀ bɛr bɛ nɩ a zuru-yar a mɩnɛ ɩ̃ na so a: a tɛra ziir piir, a yar al na yarɛ a kʋralɛ a, a nyaarʋ yar nɩ a nãà zuru-yar al ɩ̃ na so a. 36A yele á ŋá na yel a, been kãw za bɛ íre bɛrɛ a ƴɛrɛŋa nɩ a nɩdaar ɛ.”
37A na ɩ à ŋá a, nyɩ cɛlɛ be lɛb sɛb a sɛb-tʋɔla ŋa ƴɛ̀r-bie tɛɛ za kʋ̀ a Zonatã, ʋ bin a sãá a Ŋmɩn-yir-kpɛ̃ɛ tãw zu.»
A Zonatã cen nɩ a Ãtɩɔsɩ tɩ sõw a Demetiriyisi 2 sob
38A nãà Demetiriyisi na tɩ nyɛ̃ a tẽw ʋ tɛr ƴã-ɓaarʋ a ʋ nɩ-kpɛ̃ɛnʋ dɩb zũú, ɛ́ nɩr za bɛ bàrɛ gbɛ́r a ʋ niŋé a, ʋ tɩ lɛb'a bɛr a ʋ zɛbr-nɩbɛ za, soja ŋa mɩ́ lɛb kul a ʋ yir. Ɛcɛ ʋ tɩ cãà na tɛr a nɩ-bʋʋr-yoru sojarɩ ʋ na tɩ ír a Mediterane kʋ̃ɔ-kpɛ̃ɛ-sɔgɔ-ten pʋɔ a. Alɛ n'a so a na-mɩnɛ bɛl na de ʋ niwn a, zɛbr-nɩbɛ bɛ tɩ nɔnɛ ʋ ɛ.
39Zɩ̃ kɛ́ Tɩrɩfɔ̃#11:39 Tɩrɩfɔ̃: Ʋ tɩ dãw na ɩ a Demetiriyisi 1 sob zɛbr-nɩbɛ nɩ-kpɛ̃ɛ kpɛ̃ɛ. na tɩ dãw pʋɔ a Alɛsãdɩr nɩbɛ pʋɔ a, tɩ nyɛ̃ na k'aa zɛbr-nɩbɛ za yere nɩ a Demetiriyisi. Lɛ n'a ʋ tɩ cen tɩ páw Ɩamɩlɩkɔsɩ na ɩ Arabʋ ɛ́ guole a Alɛsãdɩr bidɛble Ãtiokisi a. 40A Tɩrɩfɔ̃ tɩ zɛlɛ ʋ nɩ kʋralɛ, k'ʋʋ kʋ̀ ʋ a bie, ʋ tɩ lɩɛrɩ a sãà dɩ a naalʋ. A Tɩrɩfɔ̃ tɩ yel'ɩ a lɛ a Demetiriyisi na yel a kʋ̀ ʋ, nɩ a lɛ a zɛbr-nɩbɛ na bɛ tɩ nɔnɛ a nãà a. Ʋ tɩ kpɛ n a Ɩamɩlɩkɔsɩ zie cɛlɩ.
41A Zonatã mɩ̀ tɩ ƴãw na bɛ yel a nãà Demetiriyisi k'ʋʋ ír a ʋ sojarɩ a Zerizalɛm zɛbr-yir-kpɛ̃w pʋɔ, nɩ a Zude tẽw tẽ-bɛrɛ al a dacine na viiri koli a pʋɔ, bɛ na tɩ zɛbr'ɩ a Ɩsɩrayɛl nɩbɛ kʋralɛ a ƴãw. 42A Demetiriyisi tɩ sɔw nɩ a Zonatã à ŋá: «A lɛ fʋ na zɛlɩ fʋ̃ʋ nɩ a fʋ nɩ-bʋʋrɛ ƴãw a tɛwr bɛ n'a ɩ̃ na ɩ ɛ, ɩ̃ mɩ̀ na ɩ na nyɩ nyɛ̃ ƴãwfʋ, mãa dɛ wa tʋ̃ɔ́ a lɛn daar a. 43Ƴɛrɛŋa a, a yel-vla ʋl fʋ na na tʋ̃ɔ́ maalɩ a n'ɩ kɛ́ fʋ tɩr sojarɩ kʋ̀ m, bɛ wa lãwnɩ mɛ̃ zɛb, a ɩ̃ zɛbr-nɩbɛ za na gaarɩ a ɩ̃ zu a ƴãw.» 44A Zonatã tɩ tɩr'ɩ a ʋ zɛbr-nɩbɛ nɩ-vɩɛlɩ zie túr-ata (3 000) kʋ̀ ʋ a Ãtɩɔsɩ. A bɛ waa tɩ ɩ n a Demetiriyisi nʋ̃ɔ̀ yaga. 45Bʋ̃ʋ n'ʋ vɛ̃, a tẽw nɩbɛ tùr-lɩz'a ayʋɔb (120 000) tɩ ɓã n taa a tẽ-kpɛ̃ɛ sɔwlɩsɔw, bɔbr kɛ́ bɛ kʋ a nãà. 46A Demetiriyisi tɩ zɔ na kpɛ a nãà yir, ɛ́ a zu-sɛbla yɛ́r pàw a sɛ́ɛ, ɛ́ tĩ a zɛbr. 47A nãà tɩ bʋɔl'ɩ a Zifʋ mɩnɛ kɛ́ bɛ wa sõw ʋ, bɛ zɔ wa fɔ̃w bɛ za. Al pùorí bɛ yɛ́r pàw a tẽ-kpɛ̃ɛ kʋ ta nɩbɛ tùr-kʋba (100 000) a ʋlɩ bibir nɛ. 48Bɛ tɩ ƴãw nɩ vũu a tẽ-kpɛ̃ɛ, wob zɛbr na-bome yaga, ɛ́ faa a nãà.
49A Ãtɩɔsɩ tẽw dem na tɩ nyɛ̃ a Zifʋ mɩnɛ bɛ de a tẽ-kpɛ̃ɛ mɛ̃ a lɛ bɛ na bɔbr a, a bɛ kanyir tɩ baar'a, ɛ́ bɛ cen tɩ ŋmɩɛr cɛlsɩ a nãà zie, zɛlɛ nɩ ʋ yãayãa yere: 50«Kʋ̀ tɩ a ƴã-ɓaarʋ, ɛ́ yel a Zifʋ mɩnɛ kɛ́ bɛ bɛr a zɛbr bɛ na zɛbr'ɩ tɩɩm nɩ a tẽ-kpɛ̃ɛ a.» 51Bɛ tɩ lɔb'ɩ a bɛ zɛbr bome bɛr, ɛ́ ɩ ƴã-ɓaarʋ lɛb be bɛlɛ nɩ a nãà cara pʋɔ. A Zifʋ mɩnɛ tɩ nyɛ̃ nɩ yo-kpɛ̃ɛ a nãà Demetiriyisi nɩ a ʋ naalʋ-tẽw dem niŋé. A bɛ yúor tɩ yi n a naalʋ-tẽw za pʋɔ. Bɛ tɩ lɛb'a kul a Zerizalɛm nɩ zɛbr na-bome yaga. 52A nãà Demetiriyisi tɩ tɛr'ɩ fãw dɔwlɩ, ɛ́ a tẽw tɛr ƴã-ɓaarʋ a ʋ nɩ-kpɛ̃ɛnʋ dɩb pʋɔ. 53Ɛcɛ, ʋ bɛ tɩ tu a lɛ za ʋ na yel a ɩ, ɛ́ lɩɛbɩ a Zonatã dɔ̃ sob. Ʋ bɛ tɩ sàw a sõwfʋ a Zonatã na sõw ʋ a ɩ, ɛ́ ɩrɛ a kpɩɛr ʋ yaga za.
A Zonatã tu n Ãtiokisi 6 sob ɛ́ zɛbr'ɩ a Demetiriyisi
54A yele á ŋá pùorí a, a Tɩrɩfɔ̃ tɩ lɛb'a wa n a Ãtiokisi#11:54 Ãtiokisi: A Ãtiokisi 6 sob, bɛ na bʋɔlɛ Dɩɔnɩzɔsɩ a n'ʋ. Ʋ tɩ ɩ n a Alɛsãdɩr Balasɩ bidɛb, ɛ́ dɩ a naalʋ a Yeezu Kɩrɩta na bɛ wa sɛr a yome 144 tɩ ta n 142, ɛ́ a Tɩrɩfɔ̃ kʋ ʋ.. Ʋ na saa tɩ cãà ɩ pɔlbil-vɛlvɛl a, ʋ lɩɛb'ɩ a nãà, vɔblɩ a nãà-kpawʋɔ. 55A zɛbr-nɩbɛ bɛl za, a Demetiriyisi na tɩ lɛb bɛr a, tɩ ɓã n taa a Ãtiokisi zie, ɛ́ zɛb'ɩ a Demetiriyisi tʋ̃ɔ́ ʋ, ʋ zɔ. 56A Tɩrɩfɔ̃ tɩ de nɩ a wɔ́br kpɛ so nɩ a Ãtɩɔsɩ tẽ-kpɛ̃ɛ.
57A Ãtiokisi 6 sob na tɩ ɩ pɔlbile a tɩ sɛb'ɩ a Zonatã à ŋá: «Ɩ̃ cãà na bɛr fʋ a fʋ bàwr-maal-kara tõ-nʋɔr. Ɩ̃ ƴãwnɛ fʋ na kɛ́ fʋ ɩ a tẽ-ŋma-kʋ̀rɩ anaar#11:57 Tẽ-ŋma-kʋ̀rɩ anaar: Nyɛ̃ 11.34. nɩ-kpɛ̃ɛ, ɛ́ sɔrɛ fʋ ƴãwn a “Nãà bárɩ” pʋɔ.» 58Ʋ mɩ̀ tɩ tɩr'ɩ salm-zɩɛ labɛ nɩ tasarɩ kʋ̀ ʋ, ɛ́ kʋ̀ ʋ sɔ́r k'ʋʋ nyúur'ɩ salm-zɩɛ koli-nyúuri, ɛ́ mɩ̀ suur a kpar-kpɛ̃ɛ-zɩɛ, ƴãwnɛ nɩ a salm-zɩɛ pɛ̃gɩl#11:58 Salm-zɩɛ pɛ̃gɩl: Nyɛ̃ 10.89 nɩ a manʋ.. 59Ʋ tɩ ƴãw na a Zonatã yɛb, Sɩmʋ̃, ɩ a soja-na-kpɛ̃ɛ-lɩɛrɛ a zie ʋl na yi a tẽw bɛ na bʋɔlɛ a Tɩ́ɩ̀r Dɛ́r#11:59 Tɩ́ɩ̀r Dɛ́r: Bɛ bʋɔlɛ nɩ a tãw a Tɩ́ɩ̀r Dɛ́r, sɔ́r kãw na ɓar a tãw, ɛ́ ɩ mɛ̃ ʋ tɛr'ɩ dɛr-mimie a ƴãw. a, ɛ́ tɩ tɔ a Eziptɩ tẽw tʋr-bɔwrɩ a.
60A Zonatã tɩ yi na cɔlɩ a Siiri-Kpɛ̃ɛ, mɩ́ yi tẽ-kpɛ̃ɛ ŋa tɩ sãá tẽ-kpɛ̃ɛ ŋa. A Siiri tẽw zɛbr-nɩbɛ za tɩ wa na wa páw ʋ, kɛ́ bɛ lãw nɩ ʋ a zɛbr ƴãw. Ʋ na wa ta a Asɩkalon tẽ-kpɛ̃ɛ a, a tẽw dem tuor'a nyɔw ʋ nɩ ƴãwfʋ yaga. 61Ʋ tɩ yi n a be cen Gaza, ɛcɛ a tẽw dem tɩ pàw nɩ a tẽ-kpɛ̃ɛ dɩ̃dɛɛ a ʋ niŋé. Ʋ tɩ zɛb'ɩ nɩ a tẽ-kpɛ̃ɛ, nyɩw a ʋ zi-kpɔwlɩ bɛr ɛ́ de a ʋ bome. 62Lɛ n'a a Gaza tẽw dem tɩ zɛlɩ a Zonatã yãayãa, ʋ bɛr bɛ a ƴã-ɓaarʋ. Ɛcɛ ʋ tɩ nyɔw nɩ a bɛ nɩ-bɛrɛ bidɛbr bɛ ɩ nɩ-tɛwrɩ#11:62 Nɩ-tɛwrɩ: Nyɛ̃ 8.7 nɩ a manʋ., ʋʋ ƴãw bɛ cen a Zerizalɛm. Al pùorí, ʋ tɩ cɔlɩ nɩ a tẽw tɩ ta Damasɩ.
63A Zonatã tɩ wõ na k'aa Demetiriyisi zɛbr-nɩbɛ nɩ-bɛrɛ bɛrɛ ta n Kadɛsɩ, na be a Galile tẽw a, nɩ zɛbr-nɩbɛ yaga yaga, bɔbr kɛ́ bɛ ír ʋ a ʋ tõ-nʋɔr pʋɔ. 64Ʋ tɩ yi na k'ʋʋ tɩ tuori bɛ, ɛ́ tɩ bɛr a ʋ yɛb Sɩmʋ̃ a Zude tẽw. 65A Sɩmʋ̃ tɩ maal'ɩ a ʋ laɩ tori Bɛtɩ-Suur. Ʋ tɩ jil ʋ na, ɛ́ zɛb'ɩ ʋ cɛlɩ. 66A tẽw dem wa tɩ zɛlɩ ʋ nɩ a ƴã-ɓaarʋ, ʋ sàw. Ɛcɛ ʋ tɩ ƴãw na bɛ yi kɛ́ bɛr a tẽw, ʋ kpɛ so ʋ, ɛ́ ƴãw sojarɩ bɛ gùre ʋ.
67A Zonatã nɩ a ʋ zɛbr-nɩbɛ mɩ̀ tɩ maal'ɩ a bɛ laɩ pɩɛlɩ Zenezarɛtɩ gbãtar. A bio daarɩ́ biɓaar-pipi, bɛ tɩ cen nɩ Hasɔɔr zi-tɩ̃tal lowr. 68A dɔ̃ dem zɛbr-nɩbɛ tɩ tuore bɛ nɩ a zi-tɩ̃tal nɛ pʋɔ, ɛ́ tɩ bɛr sojarɩ bɛ sɔwlɩ gù a Zonatã a tan pʋɔ. A dɔ̃ dem zɛbr-nɩbɛ bɛ́rʋ zie na tɩ tuore ʋ a, 69a bɛl na tɩ sɔwlɩ a tɩ yi n a bɛ sɔwlʋ ziir nyɔw a zɛbr. 70A Zonatã sojarɩ za tɩ zɔ na, been bɛ tɩ cɛ a bɛ ɩ a ʋ zɛbr-nɩbɛ nɩ-bɛrɛ ayi ɛ: Abɩsalɔm bidɛb Matatɩasɩ, nɩ Salfɩ bidɛb Zuda. 71Lɛ n'a a Zonatã tɩ taw a ʋ kparɩ cɩɛrɩ, 'wɔ̃w tanɛ ƴãw a zũú ɛ́ puori. 72Al pùorí, ʋ lɛb nyɔw a zɛbr, zɛb tʋ̃ɔ́ bɛ, bɛ zɔ. 73A sojarɩ na zɔ a na tɩ nyɛ̃ a lɛ a, bɛ lɛb'a wa a ʋ zie, bɛ wa lãw diw a bɛ dɔ̃ dem tɩ ta n a bɛ laɩ pʋɔ, a Kadɛsɩ. Be n'a a bɛl tɛɛ za tɩ maalɩ a bɛ laɩ. 74A dɔ̃ dem nɩbɛ tɩ kpi na ta túr-ata (3 000) a ʋlɩ bibir nɛ. Al pùorí, a Zonatã tɩ lɛb'a kul a Zerizalɛm.
Currently Selected:
1 Makabe mɩnɛ 11: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.