Orom Sɛbɛ 10
10
1Ƴɛɛr, a ala a ɩ̃ suur na bʋɔrɔ, ɩ̃ ma mɩ sʋɔrɔ nɩ a Naaŋmɩn ɩ na, a *Ɩsɩrayɛl nɩbɛ ba pɔw a faafʋ. 2Ɩ̃ na tʋɔ na de a ba ƴɛrɩ̃ man a mɩnɛ ba na ma ɓĩɓine a Naaŋmɩn pʋ-tɩɛrʋ̃ maalfʋ, ɩ̃-cɛ baa tɛrɛ bɔ̃wfʋ a ba ɓĩɓinfʋ pʋɔ wa. 3Ba baala na a mɩnɛ a Naaŋmɩn na ɩrɛ ɩ̃ lɩɛbɛ ba a ba toro a ʋ nii-sɔw. Baa jɔrɔ a Naaŋmɩn torfʋ sɔr wa; a ba mɩ̃ɛ torfʋ sɔr ba lɩɛb bɔ.
4A-na-ɩ a *Kirisi cenʼĩ na a Mowisi ƴɛr-kpɛn na ta nɩ a baarfʋ jie, a mɩnɛ a nɩrɛ lɛ na sɔw de ʋ, ʋ na tʋɔ na tor a Naaŋmɩn jie.
A MƖNƐ A NƖRƐ NA ƖRƐ Ɩ̃ PƆWRƆ A FAAFƲ
5A ala ɩ a torfʋ ʋlɔ na yire a ƴɛr-kpɛn jɔfʋ pʋɔ ʋ, a Mowisi sɛbʼã yel: “A nɩrɛ ʋlɔ na maala a ala a jaa a ƴɛr-kpɛn na bʋɔrɔ na pɔw na a baafʋ a ala ɩnɛ.” 6Ɩ̃-cɛ a ala ɩ a torfʋ ʋlɔ na yire a ƴɔ̃w-nyãa pʋɔ ʋ, nyɛ a mɩnɛ a Mowisi na dãa yel: “Taa wa lɩɛb soor a fʋ mɩ̃ɛ, á ala na do a saa juu?” (a lɛ bʋɔrɔ na a yel á ala na maal a *Kirisi ʋ suu.) 7“Taa wa mɩ lɩɛb soor a fʋ mɩ̃ɛ, á ala na suu a kpɩɩn tẽw?” (a lɛ bʋɔrɔ na a yel á ala na yi nɩ a Kirisi a kũusɩ jie.) 8Ɩ̃-cɛ bõ a Mowisi lɛ yel? Ʋ yelʼã: “A ƴɛrɩ̃ ʋlɔ be na a fʋ nʋɔr pʋɔ nɩ a fʋ suur pʋɔ; ꞌwaa jãa nɩ fʋ wa.” Ʋ ɩ na a ʋna ƴɔ̃w-nyãa ƴɛrɩ̃ sɩ na ma hiere kʋrɔ nyɩ. 9A ala ɩ fʋ cã na yelʼɩ̃ a fʋ nʋɔr áa *Jeeju ɩ na a Nɩ-kpɛ̃ɛ, ɩ̃ mɩ sɔw nɩ a fʋ suur, áa Naaŋmɩn maal ʋ na ʋ ir a kũu pʋɔ, fʋ na pɔw na a faafʋ. 10A-na-ɩ a suur a nɩrɛ na sɔw nɩ ɩ̃ lɩɛb tor a Naaŋmɩn nii-sɔw, ɩ̃ a ʋ nʋɔr ʋ na mɩ cã nɩ yel, ɩ̃ pɔw a faafʋ a Naaŋmɩn jie. 11A mɩnɛ a Naaŋmɩn Sɛbɛ na yel, áa nɩrɛ lɛ na sɔw de ʋ, vĩ kɔ̃ wa kpɛ ʋ fɩ̃ɩ wa. 12A Naaŋmɩn nii-sɔw, a Jufisɩ nɩ a nɩ-bʋlsɩ ma be kpee kpee wa, a-na-ɩ a ba jaa tɛrɛ na a Nɩ-kpɛ̃-bõ-ƴen na tɛrɛ a na-yele a bala ba jaa na bʋɔlɔ a ʋ yuor ɩnɛ. 13A mɩnɛ a na sɛb a Naaŋmɩn Sɛbɛ pʋɔ: “A nɩrɛ lɛ na bʋɔlɔ a Nɩ-kpɛ̃ɛ yuor na pɔw na a faafʋ.”
14Ɩ̃ mɩnɛ ba na ɩ ɩ̃ bʋɔl a ʋ yuor a ala ɩ baa sɔw de ʋ wa? Ɩ̃ mɩnɛ ba na mɩ ɩ ɩ̃ sɔw de ʋ a ala ɩ baa wõ a ba ƴɛr a ʋ ƴɛrɩ̃ wa? Ɩ̃ mɩnɛ ba na mɩ lɛ ɩ ɩ̃ wõ a ʋ ƴɛrɩ̃ a ala ɩ a nɩrɛ ma be be hiere wa? 15Ɩ̃ mɩnɛ ba na ɩ ɩ̃ hier a ʋ ƴɛrɩ̃ a ala ɩ nɩbɛ ma be be na tʋ̃ ba wa? A mɩnɛ a na sɛb a Naaŋmɩn Sɛbɛ pʋɔ: “Nyɛ a mɩnɛ a bala na hiere a ƴɛr-son wafʋ na vɩɛlɛ!” 16Ɩ̃-cɛ aa ɩ nɩbɛ ba jaa ɩ̃ jɔ a Naaŋmɩn ƴɛr-son wa. A mɩnɛ a Ejayi na mɩ dãa yel: “Nɩ-kpɛ̃ɛ, ala ɩ̃ sɔw de a sɩ ƴɛrɩ̃?” 17A lɛ, a Naaŋmɩn ƴɛrɩ̃ sɔw-defʋ yi na a cɛlfʋ jie, ɩ̃ a ala sɩ na cɛlɛ ɩ na a Kirisi ƴɛrɩ̃.
18Ɩ̃-cɛ ɩ̃ sooro na: Baa wõ a ʋna ƴɛrɩ̃ wa mɩɩ? ɔɔ, ba wõ ʋ na, a mɩnɛ a Naaŋmɩn Sɛbɛ na yel:
“A ƴɛr-hierbe kɔkɩr yi na pɔw a jiir a jaa,
ɩ̃ a ba ƴɛrɩ̃sɩ cen na ta a tẽw bɛwfʋ jie.”
19Ɩ̃ lɛ sooro na go: A *Ɩsɩrayɛl nɩbɛ kɔ̃ dãa bɔ̃w a par wa? Ɩ̃ na tʋɔ na de nĩe miil nyɩ a mɩnɛ a Naaŋmɩn na yel a Mowisi. Ʋ yelʼã:
“Ɩ̃ na ƴɔ̃w nyɩ na a nyɩ tɛrɛ a nyuur
a nɩ-bʋlsɩ jie, ɩ̃ mɩ tɛrɛ a suur
a ʋna tẽw naa nɩbɛ na ma tɛrɛ yɛ̃ wa ɩnɛ.”
20A Ejayi mɩ ꞌla na ƴɛr a ƴɛr-bir ʋlɔ a Naaŋmɩn na yel:
“A nɩbɛ bala na ma dãa bʋɔrɔ ba pɔw ma wa,
ba nyɛ ma na. Ɩ̃ mɩ nyɩrʼã a bala
na ma dãa soor ma wa.”
21Ɩ̃ a ala ɩ a Ɩsɩrayɛl nɩbɛ ʋ, ʋ yel ba na: “A dʋ̃ꞌwʋlɩ̃ wa ta nɩ a jaanʋɔr, ɩ̃ ma turʼã a nur bʋɔlɔ nɩ a nɩbɛ bala na ɩ a to-woonbo nɩ a cɩcɩɩrbɛ.”
Currently Selected:
Orom Sɛbɛ 10: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
Orom Sɛbɛ 10
10
1Ƴɛɛr, a ala a ɩ̃ suur na bʋɔrɔ, ɩ̃ ma mɩ sʋɔrɔ nɩ a Naaŋmɩn ɩ na, a *Ɩsɩrayɛl nɩbɛ ba pɔw a faafʋ. 2Ɩ̃ na tʋɔ na de a ba ƴɛrɩ̃ man a mɩnɛ ba na ma ɓĩɓine a Naaŋmɩn pʋ-tɩɛrʋ̃ maalfʋ, ɩ̃-cɛ baa tɛrɛ bɔ̃wfʋ a ba ɓĩɓinfʋ pʋɔ wa. 3Ba baala na a mɩnɛ a Naaŋmɩn na ɩrɛ ɩ̃ lɩɛbɛ ba a ba toro a ʋ nii-sɔw. Baa jɔrɔ a Naaŋmɩn torfʋ sɔr wa; a ba mɩ̃ɛ torfʋ sɔr ba lɩɛb bɔ.
4A-na-ɩ a *Kirisi cenʼĩ na a Mowisi ƴɛr-kpɛn na ta nɩ a baarfʋ jie, a mɩnɛ a nɩrɛ lɛ na sɔw de ʋ, ʋ na tʋɔ na tor a Naaŋmɩn jie.
A MƖNƐ A NƖRƐ NA ƖRƐ Ɩ̃ PƆWRƆ A FAAFƲ
5A ala ɩ a torfʋ ʋlɔ na yire a ƴɛr-kpɛn jɔfʋ pʋɔ ʋ, a Mowisi sɛbʼã yel: “A nɩrɛ ʋlɔ na maala a ala a jaa a ƴɛr-kpɛn na bʋɔrɔ na pɔw na a baafʋ a ala ɩnɛ.” 6Ɩ̃-cɛ a ala ɩ a torfʋ ʋlɔ na yire a ƴɔ̃w-nyãa pʋɔ ʋ, nyɛ a mɩnɛ a Mowisi na dãa yel: “Taa wa lɩɛb soor a fʋ mɩ̃ɛ, á ala na do a saa juu?” (a lɛ bʋɔrɔ na a yel á ala na maal a *Kirisi ʋ suu.) 7“Taa wa mɩ lɩɛb soor a fʋ mɩ̃ɛ, á ala na suu a kpɩɩn tẽw?” (a lɛ bʋɔrɔ na a yel á ala na yi nɩ a Kirisi a kũusɩ jie.) 8Ɩ̃-cɛ bõ a Mowisi lɛ yel? Ʋ yelʼã: “A ƴɛrɩ̃ ʋlɔ be na a fʋ nʋɔr pʋɔ nɩ a fʋ suur pʋɔ; ꞌwaa jãa nɩ fʋ wa.” Ʋ ɩ na a ʋna ƴɔ̃w-nyãa ƴɛrɩ̃ sɩ na ma hiere kʋrɔ nyɩ. 9A ala ɩ fʋ cã na yelʼɩ̃ a fʋ nʋɔr áa *Jeeju ɩ na a Nɩ-kpɛ̃ɛ, ɩ̃ mɩ sɔw nɩ a fʋ suur, áa Naaŋmɩn maal ʋ na ʋ ir a kũu pʋɔ, fʋ na pɔw na a faafʋ. 10A-na-ɩ a suur a nɩrɛ na sɔw nɩ ɩ̃ lɩɛb tor a Naaŋmɩn nii-sɔw, ɩ̃ a ʋ nʋɔr ʋ na mɩ cã nɩ yel, ɩ̃ pɔw a faafʋ a Naaŋmɩn jie. 11A mɩnɛ a Naaŋmɩn Sɛbɛ na yel, áa nɩrɛ lɛ na sɔw de ʋ, vĩ kɔ̃ wa kpɛ ʋ fɩ̃ɩ wa. 12A Naaŋmɩn nii-sɔw, a Jufisɩ nɩ a nɩ-bʋlsɩ ma be kpee kpee wa, a-na-ɩ a ba jaa tɛrɛ na a Nɩ-kpɛ̃-bõ-ƴen na tɛrɛ a na-yele a bala ba jaa na bʋɔlɔ a ʋ yuor ɩnɛ. 13A mɩnɛ a na sɛb a Naaŋmɩn Sɛbɛ pʋɔ: “A nɩrɛ lɛ na bʋɔlɔ a Nɩ-kpɛ̃ɛ yuor na pɔw na a faafʋ.”
14Ɩ̃ mɩnɛ ba na ɩ ɩ̃ bʋɔl a ʋ yuor a ala ɩ baa sɔw de ʋ wa? Ɩ̃ mɩnɛ ba na mɩ ɩ ɩ̃ sɔw de ʋ a ala ɩ baa wõ a ba ƴɛr a ʋ ƴɛrɩ̃ wa? Ɩ̃ mɩnɛ ba na mɩ lɛ ɩ ɩ̃ wõ a ʋ ƴɛrɩ̃ a ala ɩ a nɩrɛ ma be be hiere wa? 15Ɩ̃ mɩnɛ ba na ɩ ɩ̃ hier a ʋ ƴɛrɩ̃ a ala ɩ nɩbɛ ma be be na tʋ̃ ba wa? A mɩnɛ a na sɛb a Naaŋmɩn Sɛbɛ pʋɔ: “Nyɛ a mɩnɛ a bala na hiere a ƴɛr-son wafʋ na vɩɛlɛ!” 16Ɩ̃-cɛ aa ɩ nɩbɛ ba jaa ɩ̃ jɔ a Naaŋmɩn ƴɛr-son wa. A mɩnɛ a Ejayi na mɩ dãa yel: “Nɩ-kpɛ̃ɛ, ala ɩ̃ sɔw de a sɩ ƴɛrɩ̃?” 17A lɛ, a Naaŋmɩn ƴɛrɩ̃ sɔw-defʋ yi na a cɛlfʋ jie, ɩ̃ a ala sɩ na cɛlɛ ɩ na a Kirisi ƴɛrɩ̃.
18Ɩ̃-cɛ ɩ̃ sooro na: Baa wõ a ʋna ƴɛrɩ̃ wa mɩɩ? ɔɔ, ba wõ ʋ na, a mɩnɛ a Naaŋmɩn Sɛbɛ na yel:
“A ƴɛr-hierbe kɔkɩr yi na pɔw a jiir a jaa,
ɩ̃ a ba ƴɛrɩ̃sɩ cen na ta a tẽw bɛwfʋ jie.”
19Ɩ̃ lɛ sooro na go: A *Ɩsɩrayɛl nɩbɛ kɔ̃ dãa bɔ̃w a par wa? Ɩ̃ na tʋɔ na de nĩe miil nyɩ a mɩnɛ a Naaŋmɩn na yel a Mowisi. Ʋ yelʼã:
“Ɩ̃ na ƴɔ̃w nyɩ na a nyɩ tɛrɛ a nyuur
a nɩ-bʋlsɩ jie, ɩ̃ mɩ tɛrɛ a suur
a ʋna tẽw naa nɩbɛ na ma tɛrɛ yɛ̃ wa ɩnɛ.”
20A Ejayi mɩ ꞌla na ƴɛr a ƴɛr-bir ʋlɔ a Naaŋmɩn na yel:
“A nɩbɛ bala na ma dãa bʋɔrɔ ba pɔw ma wa,
ba nyɛ ma na. Ɩ̃ mɩ nyɩrʼã a bala
na ma dãa soor ma wa.”
21Ɩ̃ a ala ɩ a Ɩsɩrayɛl nɩbɛ ʋ, ʋ yel ba na: “A dʋ̃ꞌwʋlɩ̃ wa ta nɩ a jaanʋɔr, ɩ̃ ma turʼã a nur bʋɔlɔ nɩ a nɩbɛ bala na ɩ a to-woonbo nɩ a cɩcɩɩrbɛ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.