Kɔlɔsɩ Sɛbɛ 4
4
1Nɩ-bɛrɛ, nyɩ́ maala a nyɩ gbãgbaar a mɩnɛ a na tor, kɔ̃ ŋmama ba wa, ɩ̃ mɩ bɔ̃w ka a nyɩmɩ mɩ̃ɛ mɩ tɛrɛ na Nɩ-kpɛ̃ɛ na be a saa juu.
A KPÃKPANFƲ
2Nyɩ́ sʋɔrɔ a Naaŋmɩn kɔ̃ gala wa, bɔ̃w jʋʋrɔ nɩ, pɛwrɛ nɩ ʋ a ala ʋ na maal ɩnɛ. 3Nyɩ́ mɩ sʋɔrɔ ʋ ƴɔnɔ sɩ, ʋ na kʋ sɩ sɔr a ʋ ƴɛrɩ̃ ƴɛrfʋ ɩnɛ, a sɩ na man a *Kirisi ƴɛr-sɔɔlaa, a ƴɛr-sɔɔlaa ʋlɔ ɩnɛ ɩ̃ be a kasu pʋɔ. 4Nyɩ́ sʋɔrɔ ƴɔnɔ ma a mɩnɛ ɩ̃ na tʋɔ miil a ʋ ƴɛrɩ̃ cãa pʋɔ a mɩnɛ na sɛw ɩ̃ ƴɛr.
5Nyɩ́ tɛrɛ a kpaarfʋ a nyɩ maalfʋ pʋɔ a bala na ma puoro wa jie, nyɩrɛ tʋnɔ a daarʼã pʋɔ nyɩ na be. 6Nyɩ́ ɩ a nyɩ ƴɛrɩ̃sɩ a vɩɛlɛ ɩ̃ mɩ nʋmɔ a daar a jaa. Nyɩ́ bɔ̃w nɩ a mɩnɛ nyɩ na ƴɛrɛ cɔwrɔ a nɩrɛ lɛ.
A BAARFƲ PUORFƲ
7A Tɩsɩkɩ na ɩ a sɩ yɛb-nʋnaa na mɩ ɩ a tʋ̃tʋ̃-dẽdẽ nɩ a ɩ̃ lãa-tʋnɔ a Nɩ-kpɛ̃ɛ tʋmɔ pʋɔ na man nyɩ na a ɩ̃ ƴɛrɩ̃ a jaa. 8Ɩ̃ tʋnɔ ʋ na ʋ na wɩ man nyɩ a mɩnɛ sɩ na jɛ, ɩ̃ na mɩ kʋ nyɩ a ꞌlafʋ. 9A Onejim na ɩ a yɛb-dẽdẽ nɩ a yɛb-nʋnaa na mɩ ɩ a nyɩ nɩrɛ na bɩɛl ʋ wɩ nɩ. Ba na man nyɩ na a ala a jaa na maala a ka.
10A Arɩsɩta na lãa be nɩ ma a kasu pʋɔ nɩ a Markɩ na ɩ a Banabasɩ sãa yɛbɛ puor nyɩ na. (Nyɩ gɔrʼã wõ a Markɩ ʋlɔ ƴɛrɩ̃. A ʋlɔ wa wɩ, nyɩ́ de ʋ vɩlaa.) 11A *Jeeju na lɛ dɩ a Jusitisi mɩ puor nyɩ na. Basɩmɛ tɛw ɩ̃ be be ɩ̃ ɩ a Jufisɩ na lãa tʋnɔ nɩ ma a Naaŋmɩn fãw tʋmɔ. Ba dãa na lɩɛb ɩ ma ɓaɓaalba.
12A Epafɩrasɩ na ɩ a nyɩ nɩrɛ ɩ̃ mɩ ɩ a *Jeeju-Kirisi tʋ̃tʋnɔ puor nyɩ na. Ʋ ma nyɩrɛ na sʋɔrɔ a Naaŋmɩn ƴɔnɔ nyɩ a mɩnɛ a nyɩ na ɩraa cĩcĩ, bɩ a sɩɛ pʋɔ, ɩ̃ mɩ nʋ a Naaŋmɩn pʋ-tɩɛrʋ̃ maalfʋ nɩ a nyɩ suur ʋ jaa. 13Ɩ̃ na tʋɔ na yel a nɔhɔ̃ a ʋ ɩnɛ, á ʋ ma tɩɩ na vɔwrɔ a nyɩ ɩnɛ nɩ a Lawdise nɩbɛ ɩnɛ nɩ a Heerapoli nɩbɛ ɩnɛ mɩ. 14A Luki na ɩ a sɩ baraa na mɩ ɩ a dɔɔtʋrɔ nɩ a Demasɩ puor nyɩ na.
15Nyɩ́ puor a yɛɛr bala na be a Lawdise nɩ a Nɩmfa, lãa nɩ a *duo-puorbo bala na ma kpaara taa be a ʋ yir. 16A nyɩmɩ wa ꞌwuor a sɛbɛ na kʋ taa baar, nyɩ́ mɩ ɩ a ba mɩ ꞌwuor ʋ kʋ a duo-puorbo bala na be a Lawdise-tẽw. Ɩ̃ a nyɩmɩ, nyɩ́ mɩ ꞌwuor a sɛbɛ ʋlɔ sɩ na dãa tɩɩr kʋ a Lawdise tẽ-deme. 17Nyɩ́ yel a Arasɩb á ʋ bɔ̃w ꞌwuoro a tʋn ʋlɔ ba na ƴɔ̃w ʋ a ʋ maal a Nɩ-kpɛ̃ɛ ɩnɛ, a mɩnɛ ʋ na tʋɔ maal wa baar.
18A ɩ̃ mɩ̃ɛ nuu ɩ̃ sɛb a ƴɛrɩ̃sɩ asɩmɛ: A maa Pol, ɩ̃ puoro nyɩ na. Nyɩ́ bɔ̃wnaa, a kasu pʋɔ ɩ̃ cãa be.
A Naaŋmɩn sũofʋ, ú be a nyɩ jie.
Currently Selected:
Kɔlɔsɩ Sɛbɛ 4: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
