2 Tɛsaloniki Sɛbɛ 1
1
A PUORFƲ
1A maa Pol nɩ a Sɩlasɩ nɩ a Timote ɩ̃ sɛbɛ a sɛbɛ na tɩɩrɛ kʋrɔ a nyɩmɩ Tɛsaloniki-tẽw *duo-puorbo na be a sɩ Sãa Naaŋmɩn nɩ a sɩ Nɩ-kpɛ̃ɛ *Jeeju-Kirisi pʋɔ. 2A sũofʋ nɩ a pɩɛnfʋ na yi a sɩ Sãa Naaŋmɩn nɩ a sɩ Nɩ-kpɛ̃ɛ Jeeju-Kirisi sɛ̃, á be a nyɩ jie.
A JEEJU KIRISI WAA DAAR ƳƐRƖ̃
3Yɛɛr, a ɩ na son a sɩ jie a sɩ na puor a Naaŋmɩn a nyɩ ɩnɛ a daar a jaa. A sɛw na a sɩ na maal a lɛ, a-na-ɩ a nyɩ ƴɔ̃w-nyãa sɩrɩ̃ na kara dɔɔlɔ; ɩ̃ a nyɩ nʋfʋ nyɩ na tɛrɛ nyɩ jaa fɛw a nyɩ sɔ̃w mɩ nʋ̃ɔnɔ na dɔɔlɔ. 4Ala-ɩ̃-sɔ a nʋmɔ sɩ na a sɩ na mana a nyɩ ƴɛrɩ̃ a Naaŋmɩn *duo-puorbo sɔ̃w a jiir a jaa, a mɩnɛ nyɩ na cãa tɛrɛ a su-nyɔwraa nɩ a ƴɔ̃w-nyãa, a ala saarɩ̃ ɩ a hʋɔlfʋ nɩ a won pʋɔ nyɩ na be.
5A ala a jaa miile na a mɩnɛ a Naaŋmɩn ƴɛrɩ̃ guorfʋ na tor, a-na-ɩ a Naaŋmɩn lɩɛbɛ nyɩ na a nyɩ na sɛw nɩ a ʋ fãw pʋɔ kpɛfʋ, a ala ɩnɛ nyɩ na be a won pʋɔ a ƴɛ̃ƴɛrɩ̃. 6A Naaŋmɩn na maalʼã a ala na tor. A bala na saa a nyɩ be a won pʋɔ, ʋ na mɩ ƴɔ̃w ba na a won pʋɔ, 7ɩ̃ a nyɩmɩ na be a won pʋɔ a ƴɛ̃ƴɛrɩ̃, ʋ nɔɔ kʋ nyɩ na a pɩɛnfʋ, lãa nɩ a sɩmɩ mɩ, a lɛdaar a sɩ Nɩ-kpɛ̃ɛ *Jeeju na yire a saa juu ɩ̃ waara nɩ a ʋ fãw sɩ-tʋnɩsɩ. 8A vũ-ꞌleraa pʋɔ ʋ na wa, na kpãa a bala na ma sɔw a Naaŋmɩn wa, nɩ a bala na jaara a sɩ Nɩ-kpɛ̃ɛ Jeeju ƴɛr-son. 9A ba kpãafʋ pʋɔ ba na wɛ na daadaa, jãa taa nɩ a Nɩ-kpɛ̃ɛ nɩ a ʋ yo-yifʋ fãgã. 10A ʋna bibirʼãa mɩ, ʋ na pɔw na a yo-yifʋ a ʋ nɩ-owrsɩ jie, ɩ̃ a bala na dãa sɔw de ʋ, na cɩlɛ na ꞌwuoro nɩ ʋ, nɩ nɔ-kofʋ mɩ. A nyɩmɩ mɩ, nyɩ na mɩ be na tɔ a ba pʋɔ a lɛdaar, a-na-ɩ nyɩ sɔw na a sɩ ƴɛrɩ̃ sɩ na dãa ƴɛr kʋ nyɩ.
11Ala-ɩ̃-sɔ a sɩ ma sʋɔrɔ a Naaŋmɩn ƴɔnɔ nyɩ a daar a jaa, a mɩnɛ a Naaŋmɩn na nyɛ nyɩ a nyɩ sɛw nɩ a baafʋ ʋlɔ ɩnɛ ʋ na bʋɔl nyɩ, na mɩ sũo nyɩ a nyɩ maalʼɩ̃ a ʋ fãw a yel-sono ala a jaa nyɩ na bʋɔrɔ, ɩ̃ a bom kɔ̃ ɓɔr a nyɩ ƴɔ̃w-nyãa tʋmɔ pʋɔ wa. 12A nɔhɔ̃, a sɩ Nɩ-kpɛ̃ɛ Jeeju yuor na yire na a nyɩ jie, ɩ̃ nyɩ na mɩ pɔw na a yo-yifʋ a ʋ jie, tu nɩ a sɩ Naaŋmɩn nɩ a sɩ Nɩ-kpɛ̃ɛ *Jeeju-Kirisi su-pɩlaa tʋmɔ.
Currently Selected:
2 Tɛsaloniki Sɛbɛ 1: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.