2 Kɔrɛ̃tɩ Sɛbɛ 6
6
A POL TUO DƖFƲ A NAAŊMƖN TƲMƆ PƲƆ
1A mɩnɛ sɩ na ɩ a Naaŋmɩn lãa-tʋnbɔ, sɩ kpãkpana nyɩ na a nyɩ taa wa bar a Naaŋmɩn wɩɛfʋ ʋlɔ nyɩ na pɔw, ʋ lo wa.
2A-na-ɩ a yelʼã a Naaŋmɩn Sɛbɛ pʋɔ:
“A daar ʋlɔ na dãa sɛw, ɩ̃ cɛl fʋ na;
a faafʋ bibir, ɩ̃ wa na sũo fʋ.”
Nyɩ́ nyɛ a ƴɛ̃ƴɛrɩ̃ na a daar ʋlɔ na sɛw. A faafʋ bibir nɩ a dɩnaa.
3Saa maala bom na cɩɛrɛ nɩrɛ wa, a mɩnɛ a nɩrɛ kɔ̃ wa hũhune a sɩ tʋmɔ wa. 4Ɩ̃-cɛ a yele a jaa pʋɔ sɩ ɛ̃ɛ na maal miile nɩ a nɩbɛ a mɩnɛ sɩ na ɩ a Naaŋmɩn tʋ̃tʋnbɔ. Sɩ tɛrɛ na su-varkpara yaw a won pʋɔ, a kpowfʋ pʋɔ, nɩ a nãw pʋɔ. 5Ba ŋme sɩ na, ɩ̃ ƴɔ̃w sɩ a kasu pʋɔ. A nɩbɛ dam sɩ na. Sɩ tʋ̃ na a tʋ̃-kpɛn, ɩ̃ a ba mɩ mɔ̃w sɩ a gʋ̃ɔ nɩ a dɩb. 6A ala na miile a sɩ ɩ na a Naaŋmɩn tʋ̃tʋnbɔ ɩ na a sɩ cɛcɛ ɩfʋ, a sɩ bɔ̃wfʋ, a sɩ su-nyɔwraa nɩ a sɩ son ɩfʋ. Ba na mɩ bɔ̃w sɩ na a Naaŋmɩn Sɩɛ ɩnɛ, nɩ a sɩ nʋfʋ na ma tɛrɛ a bɛlɩ̃fʋ wa, 7nɩ a sɩ yel-mɩ̃ɛ ƴɛrɩ̃, nɩ a Naaŋmɩn fãgã sɩ na tɛrɛ. A torfʋ ɩ na a sɩ jɛb yele na be a sɩ dʋrɩ̃ nuu nɩ a sɩ gʋbaa nuu pʋɔ. 8Sɩ pɔw na a ju-kpɛ̃ɛ nɩ a kpɛfʋ, mɩ pɔw nɩ a korfʋ nɩ a pɛwfʋ. Ba de sɩ na a sɩ ɩ bɛbɛlbɛ, ɩ̃-cɛ a sɩ ɩ a yel-mɩ̃ɛ deme. 9Ba maal sɩ na wɔ̃ taa nɩ baa bɔ̃w sɩ wa, ɩ̃-cɛ sɩ ɩ na nɩ-bɔ̃wsɩ, a sɩ wɔ̃ taa nɩ nɩbɛ na pɩɛl kũu, ɩ̃ nyɛ, sɩ cãa na! Sɩ pɔw na a kpãafʋ, ɩ̃-cɛ saa kpi wa. 10Ba ma sãw sɩ na a sube, ɩ̃-cɛ sɩ tɛrɛ na a nʋɔ a daar a jaa. Nãw deme sɩ ɩ, ɩ̃ lere nɩ-yaw. Saa tɛrɛ bom wa, ɩ̃-cɛ sɩ ɩ na a yele a jaa deme.
11Kɔrɛ̃tɩ deme, sɩ ƴɛr nyɩ na cãa pʋɔ, nɩ a sɩ suur ʋ jaa. 12Saa kpɛmɛ a sɩ sube a nyɩ jie wa, ɩ̃-cɛ nyɩmɩ ɛ̃ɛ kpɛmɛ a nyɩ sube a sɩ jie. 13Ɩ̃ ƴɛrɛ nɩ nyɩ na a ɩ̃ bibiir kaarɩ̃. Nyɩ́ barʼɩ̃ sɩ nyãa a mɩnɛ sɩ na barʼɩ̃ nyɩ a nyãa. Nyɩ́ ɩ a sɩ kpɛ nyɩ a nyãa.
A MƖNƐ SƖ NA GURE A SƖ MƖ̃Ɛ A TƖBƐ DEME JIE
14Nyɩ taa wa mara taa nɩ a bala na ma puoro wa. Bõ a torfʋ nɩ a burbur maalfʋ be taa? Mɩnɛ a cãa nɩ a libe na tʋɔ ɓã taa? 15Mɩnɛ a *Kirisi nɩ a Beliya#6.15 Beliya: A Satã yuor ƴen subɔ ʋ. na tʋɔ ɩ ɩ̃ tɛrɛ nɔ-bõ-ƴen? Mɩɩ, bõ a popuoro nɩ a ʋlɔ na ma puoro wa na tʋɔ lãa tɛrɛ? 16Mɩnɛ a Naaŋmɩn yir nɩ a tɩbɛ na tʋɔ wõ taa? A-na-ɩ a sɩmɩ ɩ̃ ɩ a Naaŋmɩn-mimir yir, a mɩnɛ a Naaŋmɩn na yel:
“Ɩ̃ na wa be nɩ ba na, ɩ̃ yʋɔrɔ a ba sɔ̃w.
Ɩ na ɩ na a ba Naaŋmɩn, ɩ̃ a ba ɩ a ɩ̃ nɩbɛ.”
17Ala-ɩ̃-sɔ a Nɩ-kpɛ̃ɛ yel:
“Nyɩ́ yi a ba sɔ̃w ɩ̃ cɛ ba bar.
Nyɩ taa wa sɩɩrɛ bõ-sɔbaa wa,
ɩ̃ ɩ̃ na de nyɩ na.
18Ɩ̃ na ɩ na a nyɩ Sãa, ɩ̃-cɛ a nyɩ ɩ
a ɩ̃ bi-dabsɩ nɩ a ɩ̃ bi-pɔɔbɔ.
Lɛ a Nɩ-kpɛ̃ɛ na ɩ a kpɛ̃w a jaa Sʋbɔ yel.”
Currently Selected:
2 Kɔrɛ̃tɩ Sɛbɛ 6: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
