2 Kɔrɛ̃tɩ Sɛbɛ 3
3
A PƲLƖ̃-TA-KƲRAA NƖ A PƲLƖ̃-TA-PAALAA ƳƐRƖ̃
1A sɩ mɩ̃ɛ sɩ lɛ nyɔw ɩ̃ pɛwrɛ mɩɩ? Mɩɩ sɩ sɛw na na tɛrɛ a tʋmɔ sɛbsɩ sɩ na tɩɩrɛ kʋrɔ taa a mɩnɛ a ŋmɛɛ na ma maal mɩɩ? 2A nyɩmɩ mɩ̃ɛ ɩ̃ ɩ a sɩ sɛbɛ na sɛb a sɩ suur pʋɔ, a nɩbɛ ba jaa fɛw na ꞌwuoro ɩ̃ bɔ̃wnɔ. 3Nɩbɛ jaa tʋɔ na bɔ̃w ka a nyɩmɩ ɩ̃ ɩ a sɛbɛ a *Kirisi na sɛb kʋ sɩ a sɩ tɛrɛ yʋɔrɔ nɩ. ꞌWaa ɩ sɛbɛ ba na sɛbʼɩ̃ sɛb-dale wa, ɩ̃-cɛ a Baafʋ Naaŋmɩn ɩ̃ sɛbʼɩ̃ a ʋ Sɩɛ. Aa ɩ kubir juu ba sɛb wa, ɩ̃-cɛ a nɩbɛ sube pʋʋr ʋ.
4Sɩ na tʋɔ na yel a lɛ, a-na-ɩ sɩ barʼã nyãa a Naaŋmɩn jie a Kirisi ɩnɛ. 5Saa tʋɔrɔ yele a sɩ na tʋɔ na maal bom kãw lɛ nɩ a sɩ mɩ̃ɛ wa, ɩ̃-cɛ a sɩ tʋɔfʋ yi na a Naaŋmɩn jie. 6Ʋlɔ ɩ̃ kʋ sɩ a tʋɔfʋ ʋlɔ na sɛw sɩ a sɩ ɩ nɩ a ʋ pʋlɩ̃-ta-paalaa ƴɛrɩ̃ tʋtʋnbɔ. Aa ɩ a ƴɛrɩ̃ ʋlɔ ba na sɛb wa, ɩ̃-cɛ a ƴɛrɩ̃ ʋlɔ na yi a Naaŋmɩn Sɩɛ jie, a-na-ɩ a ʋlɔ ba na sɛb kúrɔ na kũu, ɩ̃-cɛ a Naaŋmɩn Sɩɛ tɩɩrɛ a baafʋ.
7Ba dãa na sɛb a korĩ-cɛ ƴɛr-kpɛn ƴɔ̃w a kubir pʋɔ, ɩ̃ a Naaŋmɩn cãa kpɛ̃ɛ nyɩnyɩlɛ a ʋna daarʼãa, a Mowisi nii-sɔw mɩ nyɩnyɩlɛ, a *Ɩsɩrayɛl nɩbɛ ma lɛ tʋɔrɔ ꞌwuoro ʋ wa, ɩ̃-cɛ a ʋna cãa dãa na sɛw na bũburĩ. A ala ɩ a ƴɛr-kpɛn ala na ƴɔnɔ a nɩbɛ a kũu pʋɔ wa nɩ na a cãa kpɛ̃ɛ a nɔhɔ̃, 8mɩnɛ a Naaŋmɩn Sɩɛ tʋmɔ cãa bɛrmɛfʋ na jɛ̃? 9A ala ɩ a korĩ-cɛ tʋmɔ ala na dãa ƴɔ̃w a nɩbɛ a kũu pʋɔ wa nɩ na a cãa, mɩnɛ a ʋna tʋn na lɩɛbɛ ba a ba toro a Naaŋmɩn nii-sɔw cãa na nyɩrɩ̃ bɛrmɛ! 10Sɩ na tʋɔ na yel, a ala na dãa caara a korĩ-cɛ, ma lɛ caara go wa a ƴɛ̃ƴɛrɩ̃ cãa kpɛ̃ɛ bɛrmɛfʋ ɩnɛ. 11Ɩ̃ a ala ɩ a tʋn ʋlɔ na ma dãa kama wa dãa na tɛrɛ a cãa, a ala na kama cãa na gãw na a lɛ.
12A mɩnɛ sɩ na tɛrɛ a tɩɛrʋ̃ son nɔhɔ̃, ala-ɩ̃-sɔ a sɩ bar a tɩɛrʋ̃ a jaa. 13Saa wɔ̃ taa nɩ a Mowisi na ma dãa de a cẽcen pɔw a ʋ nii-sɔw, a mɩnɛ a Ɩsɩrayɛl nɩbɛ kɔ̃ tʋɔ nyɛ a cãa ʋlɔ bũburĩfʋ baarfʋ daar wa. 14A ba tɩɛrɩ̃sɩ dãa na kpɛmɛ ba a bom par bɔ̃wfʋ. Wa ta nɩ a dɩnaa, a ʋna cẽcen cãa na be pɔw ba a lɛdaar ba na ma ꞌwuoro a pʋlɩ̃-ta-kʋraa sɛbsɩ. A cẽcen ʋlɔ ma ire, ɩ̃ a ala ma ɩ a Kirisi pʋɔ ba be wa. 15Wa ta nɩ a dɩnaa, a lɛdaar ba na ma ꞌwuoro a Mowisi sɛbsɩ, a ma wɔ̃ na taa nɩ a cẽcen ɩ̃ pɔw a ba sube. 16Ɩ̃-cɛ, a nɩrɛ wa lɩɛb wɩ a Nɩ-kpɛ̃ɛ sɛ̃, ʋ ma ir ʋ na a cẽcen ʋlɔ bar. 17A Nɩ-kpɛ̃ɛ ʋlɔ ɩ na a Naaŋmɩn Sɩɛ, ɩ̃ a jie a Nɩ-kpɛ̃ɛ Sɩɛ na ma be, a be a sɔr ma yuo. 18Ɩ̃ a sɩmɩ sɩ jaa na tɛrɛ a nii-sɔ-jaalaa, sɩ wɔ̃ na taa nɩ a caaraa na nyɩnyɩlɛ a Nɩ-kpɛ̃ɛ cãa pʋɔ, a sɩ nalɛɛ wɔnɛɛ taa nɩ ʋ, a sɩ cãa bɛrmɛɛ dɔɔlɔ. A ala ɩ̃ ɩ a Nɩ-kpɛ̃ɛ na ɩ a Naaŋmɩn Sɩɛ tʋmɔ.
Currently Selected:
2 Kɔrɛ̃tɩ Sɛbɛ 3: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
