1 Tɛsaloniki Sɛbɛ 4
4
A BAAFƲ ƲLƆ NA NƲMƆ A NAAŊMƖN
1Yɛɛr, nyɩ́ nyɛ a ala na cɛ. Sɩ dãa na man nyɩ a mɩnɛ na sɛw a nyɩ na maala a nʋmɔ a Naaŋmɩn, ɩ̃ a ala nyɩ gɔr maala. A ƴɛ̃ƴɛrɩ̃ na sɩ sʋɔrɔ nyɩ na, kpãkpana nɩ nyɩ nɩ a Nɩ-kpɛ̃ɛ *Jeeju yuor a nyɩ na nyɩrɛ maala a lɛ. 2Nyɩ bɔ̃w na a ƴɛrɩ̃sɩ ala sɩ na dãa man nyɩ, na yi a Nɩ-kpɛ̃ɛ Jeeju jie. 3A-na-ɩ a Naaŋmɩn pʋ-tɩɛrʋ̃ ɩ na a nyɩ ow kpee, taw nɩ a nyɩ mɩ̃ɛ jãa nɩ a gã-ta-burbur pʋɔ, 4ɩ̃ a nyɩ jaa bõ-ƴene-ƴene, nyɩ mɩ bɔ̃w tɛrɛ a nyɩ ɩ̃gan cɛcɛ, gbɛɛrɛ nɩ ʋ. 5ꞌWaa bʋɔrɔ nyɩ de a nyɩ mɩ̃ɛ lɔb bar a pebfʋ pʋɔ wa, wɔ̃ taa nɩ a nɩ-kpeesɩ na ma bɔ̃w a Naaŋmɩn wa. 6A yele asɩmɛ pʋɔ, nɩrɛ lɛ ma sɛw na maala a fãa ŋmama nɩ a ʋ yɛbɛ wa, a-na-ɩ a Nɩ-kpɛ̃ɛ na kpãa na a nɩbɛ a ana yele a jaa ɩnɛ, a mɩnɛ sɩ na dãa yel nyɩ ɩ̃ lɛ kpãkpana nyɩ. 7A Naaŋmɩn ma bʋɔl sɩ a maal-bi-kpansɩ maalfʋ ɩnɛ wa, ɩ̃-cɛ ʋ bʋɔl sɩ na a sɩ na ɩ cɛcɛ. 8Ala-ɩ̃-sɔ, a nɩrɛ lɛ wa jaar a ƴɛrɩ̃ naa, aa ɩ nɩrɛ ʋ jaar wa, ɩ̃-cɛ a Naaŋmɩn mɩ̃ɛ na ma tɩɩr a ʋ Sɩ-cɛcɛ kʋ nyɩ, ʋ jaar.
9Ɩ̃-cɛ a ƴɛ̃ƴɛrɩ̃, a ala ɩ a nʋ-taa ƴɛrɩ̃ ʋ, aa lɛ sɛw ɩ̃ lɛ sɛb nyɩ sɛbɛ a ala ɩnɛ go wa, a-na-ɩ nyɩmɩ mɩ̃ɛ jaana a Naaŋmɩn jie a nyɩ nʋ-taa ƴɛrɩ̃, 10ɩ̃ a lɛ nyɩ sɩrɩ̃ nʋnɔ a nyɩ yɛɛr a Masɛdɔn wɩɛr ʋ jaa. Ɩ̃ yɛɛr, sɩ lɛ kpãkpana nyɩ na a nyɩ na nyɩrɛ a nʋ-taa pʋɔ, 11ɩ̃ mɩ ƴɔ̃w fãgã ɩ̃ ɩ nɩ-jomsɩ, ꞌwuoro a yele ala tɛw na ba nyɩ, ɩ̃ sɩrɩ̃ tʋnɔ ꞌwuoro nɩ a nyɩ mɩ̃ɛ a mɩnɛ sɩ na dãa yel nyɩ. 12A nyɩmɩ maala a nɔhɔ̃, a bala na ma puoro wa na ƴɔnɔ nyɩ na, ɩ̃-cɛ nyɩ kɔ̃ lɛ bʋɔrɔ a nɩrɛ bom wa.
A NƖ-KPƐ̃Ɛ WAFƲ ƳƐRƖ̃
13Yɛɛr, saa bʋɔrɔ nyɩ tɛrɛ baalɩ̃fʋ a bala na kpi ɩnɛ wa, a mɩnɛ a kɔ̃ wa nyɩrɩ̃ dama nyɩ wɔ̃ taa nɩ a bala na ma bɔ̃w a ala nɔɔ tara a nɩdaar wa. 14A mɩnɛ sɩ na bɔ̃w ka a *Jeeju kpi na ɩ̃ ir a kũu pʋɔ, a lɛ ʋ mɩ, sɩ bɔ̃w ka a Naaŋmɩn na maalʼã a bala na dãa ƴɔ̃w a Jeeju nyãa ɩ̃ kpi, a ba lãa lɩɛb wa nɩ ʋ.
15Nyɛ a ala sɩ na tɛrɛ yele nyɩ, na ɩ a Nɩ-kpɛ̃ɛ ƴɛrɩ̃. Aa ɩ a sɩmɩ nɔɔ cãanɛɛ a Nɩ-kpɛ̃ɛ waa daar ɩ̃ diere nĩe tuoro ʋ, a bala na kpi ɩnɛ wa. 16A-na-ɩ a Nɩ-kpɛ̃ɛ mɩ̃ɛ nɔɔ yi na a saa juu ɩ̃ suu nɩ a cɛlɩ̃nyɛ nɩ a sɩ-tʋnɩsɩ nɩ-kpɛ̃ɛ kɔkɩr nɩ a ɩl kpɛ̃ɛ gɔn, ɩ̃ a bala na dãa kpi a *Kirisi pʋɔ na de na nĩe ir a kũu pʋɔ. 17A ala ɩ̃ baar, a sɩmɩ nɔɔ cãanɛɛ a lɛdaar, a Naaŋmɩn na jal sɩ na a sɩ lãa do nɩ ba a dɔ̃dɔrɩ̃sɩ pʋʋr, tuoro a Nɩ-kpɛ̃ɛ a saꞌlon. A nɔhɔ̃ sɩ na lãa na be taa nɩ a Nɩ-kpɛ̃ɛ a daar a jaa. 18Ala-ɩ̃-sɔ nyɩ́ ɓaala taa nɩ a ƴɛrɩ̃sɩ asɩmɛ.
Currently Selected:
1 Tɛsaloniki Sɛbɛ 4: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
