1 Kɔrɛ̃tɩ Sɛbɛ 12
12
A NAAŊMƖN SƖƐ TƲMƆ
1Yɛɛr, a ƴɛ̃ƴɛrɩ̃ na ɩ̃ bʋɔrɔ na ɩ̃ man nyɩ a tʋ̃-bʋrɔ bʋrɔ ala a Naaŋmɩn Sɩɛ na tʋnɔ, a-na-ɩ maa bʋɔrɔ nyɩ tɛrɛ baalɩ̃fʋ a ala ɩnɛ wa. 2Nyɩ bɔ̃w ka a lɛdaar nyɩ na dãa ɩ a tɩbɛ deme, a ma dãa na ir nyɩ a nyɩ ma cen na puoro a tɩbɛ na maa tʋɔ bʋ wa. 3Ala-ɩ̃-sɔ ɩ̃ bʋɔrɔ ɩ̃ yel nyɩ, áa nɩrɛ a Naaŋmɩn Sɩɛ na tɔwrɔ ma tʋɔrɔ yele áa *Jeeju ʋ pɔrɔ ƴɔnɔ wa. Ɩ̃ nɩrɛ ma tʋɔrɔ yele áa Jeeju ɩ na a Nɩ-kpɛ̃ɛ ɩ̃ a ala ma ɩ a Naaŋmɩn Sɩɛ ɩ̃ tɔw ʋ wa.
4Tʋ̃-bʋrɔ bʋrɔ be na be a Naaŋmɩn Sɩɛ na tʋnɔ, ɩ̃-cɛ a jaa yi na a Sɩ-bõ-ƴen jie. 5A tʋmɔ tʋ̃fʋ be na kpee kpee, ɩ̃-cɛ a Nɩ-kpɛ̃ɛ bõ-ƴen jie a yire. 6A Naaŋmɩn kpɛ̃w be na a tʋ̃-bʋrɔ bʋrɔ pʋɔ, ɩ̃-cɛ a Naaŋmɩn bõ-ƴen ɩ̃ maala a ala a jaa a nɩbɛ ba jaa jie. 7A Naaŋmɩn Sɩɛ tʋmɔ nyɩrʼã a nɩbɛ ba jaa jie bõ-ƴene-ƴene, a na tʋɔ sũo a nɩbɛ ba jaa. 8A Naaŋmɩn Sɩɛ ma kʋ na a bõ-ƴen a kpaarfʋ ƴɛrɩ̃ ʋ ƴɛrɛ, ɩ̃ a kãw ma mɩ pɔw a bɔ̃wfʋ mɩ ƴɛrɛ, a mɩ yi a ʋna Naaŋmɩn Sɩɛ naa jie. 9A Sɩɛ ʋlɔ ma mɩ kʋ na a ƴen sʋbɔ a ƴɔ̃w-nyãa, ɩ̃ mɩ kʋ a kãw a tʋɔfʋ a baalsɩ kpaarfʋ ɩnɛ. 10A ʋna Naaŋmɩn Sɩɛ naa ma mɩ kʋ na a nɩrɛ kãw a kpɛ̃w ʋ na maala nɩ a nɔ-kofʋ yele, ɩ̃ mɩ kʋ a ƴen sʋbɔ ʋ na bʋʋrɔ a ʋ pʋ-tɩɛrʋ̃. Ʋ ma lɛ kʋ na a kãw go ʋ na tʋɔ bɔ̃wnɔ nɩ a sɩɛ ʋlɔ na ma ɩ a Naaŋmɩn ben wa, nɩ a ʋlɔ na sɩrɩ̃ ɩ a ʋ ben. Ʋ ma mɩ lɛ kʋ na a ƴen sʋbɔ a tʋɔfʋ ʋ ƴɛrɛ nɩ a ƴɛr-bɔ̃w-faarsɩ, ɩ̃ mɩ lɛ kʋ a ƴen sʋbɔ go ʋ na lɩɛbɛ nɩ a ana ƴɛr-bɔ̃w-faarsɩ naa. 11A ʋna Naaŋmɩn Sɩ-bõ-ƴen naa ɩ̃ maala a ala a jaa fɛw, kʋrɔ a nɩbɛ bõ-ƴene-ƴene a tʋmɔ kpee kpee a mɩnɛ ʋ na bʋɔrɔ.
A ƁÃBI-YAW NA BE A Ɩ̃GAN BÕ-ƳEN PƲƆ
12A *Kirisi wɔ̃ na taa nɩ ɩ̃gan na tɛrɛ a ɓãbi-yaw, a-na-ɩ a ala saarɩ̃ ɩ a ɩ̃gan tɛrɛ na a ɓãbi-yaw, ɩ̃-cɛ ɩ̃gan bõ-ƴen tɛw ʋ ɩ. 13A mɩnɛ ba na mʋr sɩ a kʋ̃ɔ, sɩ kpɛ na a Naaŋmɩn Sɩ-bõ-ƴen pʋɔ lɩɛb ɩ ɩ̃gan bõ-ƴen: a Jufisɩ mɩɩ a nɩ-bʋlsɩ, a gbãgbaar nɩ a bala na sɔ a ba mɩ̃ɛ, a Naaŋmɩn Sɩ-bõ-ƴen ba tuul sɩ sɩ jaa.
14A ɩ̃gan ma tɛrɛ ɓãbir bõ-ƴen tɛw wa, ɩ̃-cɛ ɓãbi-yayaw ʋ tɛrɛ. 15A ala ɩ a gbɛr yelʼã: “A-na-ɩ maa ɩ a nuu wa, ala-ɩ̃-sɔ maa be a ɩ̃gan pʋɔ wa,” a ala na saa na ʋ kɔ̃ ɩ a ɩ̃gan ɓãbir wa mɩɩ? 16Ɩ̃ a ala ɩ a toor yelʼã: “Maa ɩ a mimir wa, ala-ɩ̃-sɔ maa be a ɩ̃gan pʋɔ wa,” a ala na saa na ʋ kɔ̃ ɩ a ɩ̃gan ɓãbir wa mɩɩ? 17A ala ɩ a ɩ̃gan ʋ jaa dãa na ɩ a mimir, mɩnɛ ʋ na ma ɩ ɩ̃ wõ a ƴɛrɩ̃? Mɩɩ ʋ jaa dãa ɩ a toor, ɩ̃ mɩnɛ ʋ na ma ɩ ɩ̃ wõ a yele nyuu? 18Ɩ̃-cɛ a Naaŋmɩn maalʼã a ɩ̃gan ʋ tɛrɛ a ʋ ɓãbie a jaa a mɩnɛ ʋ na bʋɔrɔ. 19A ala ɩ a jaa dãa na ɩ a ɩ̃gan ɓãbir bõ-ƴen tɛw, ɩ̃gan kɔ̃ɔ be be wa. 20Ɩ̃-cɛ a ɩ̃gan ɓãbie waa na ɩ̃ ɩ ɩ̃gan bõ-ƴen.
21Ala-ɩ̃-sɔ, a mimir ma tʋɔrɔ yele a nuu á ꞌwaa bʋɔrɔ ʋ wa, ɩ̃ a juu ma mɩ tʋɔrɔ yele a gbɛɛ á ꞌwaa bʋɔrɔ ba wa. 22Ɩ̃ a ɩ̃gan ɓãbie ala na wɔ̃ taa nɩ ba balʼã, ala sɩ ma ɛ̃ɛ nyɩrɩ̃ bʋɔrɔ. 23A ɓãbie ala sɩ na ma tɩɛr beeka á aa ɩ wa, ala sɩ ma nyɩrɩ̃ cɔɔrɔ, ɩ̃ a sɩ ɓãbie ala na ma vɩɛlɛ wa, ala sɩ ma bɔ̃w piw. 24Ɩ̃-cɛ a ala na vɩɛlɛ ma lɛ bʋɔrɔ cɔɔrɩ̃fʋ wa. A Naaŋmɩn maalʼã a ɩ̃gan a mɩnɛ a ɓãbie ala na ma tɛrɛ a ƴɔ̃wfʋ wa na tʋɔ pɔw a ƴɔ̃wfʋ, 25a mɩnɛ a kpee kpee ŋmafʋ kɔ̃ be a ɩ̃gan pʋɔ wa, ɩ̃-cɛ a ɓãbie a jaa na tʋɔ sũono taa. 26A ala ɩ̃ ɩ a ɓãbir bõ-ƴen nyɛrɛ na a nãw, a ɓãbie a jaa mɩ be na nãw pʋɔ, ɩ̃ a ala ɩ̃ ɩ a ɓãbir bõ-ƴen pɔw na a ju-kpɛ̃ɛ, a ɓãbie a jaa mɩ cɩlɛ na.
27A nyɩmɩ, nyɩ ɩ na a Kirisi ɩ̃gan ɩ̃ mɩ ɩ a ʋ ɩ̃gan ɓãbie bõ-ƴene-ƴene. 28A Naaŋmɩn hiinʼã nɩbɛ na tɛrɛ a tʋmɔ kpee kpee a *duo-puorbo sɔ̃w. A dãdãw deme ɩ na a *nɩ-tʋnɩsɩ, a tuuraa ɩ na a ʋ pʋ-tɩɛrʋ̃-bʋʋrbɔ, ɩ̃ a gbɛɛ ata deme ɩ a jãjaanba. A ala ɩ̃ baar ʋ hiinʼã a bala ʋ na kʋ a kpɛ̃w a ba maala nɩ a nɔ-kofʋ yele, nɩ a bala na tɛrɛ a tʋɔfʋ kpaara nɩ a wʋlɩ̃sɩ deme, a bala na sũono a nɩbɛ, a bala na tɔwrɔ a nɩbɛ, nɩ a bala na ƴɛrɛ a ƴɛr-bɔ̃w-faarsɩ. 29A ba jaa ɩ̃ ɩ a nɩ-tʋnɩsɩ mɩɩ? Mɩɩ a ba jaa ɩ̃ ɩ a Naaŋmɩn pʋ-tɩɛrʋ̃-bʋʋrbɔ, nɩ a jãjaanba mɩɩ? A ba jaa ɩ̃ tɛrɛ a kpɛ̃w maala nɩ a nɔ-kofʋ yele mɩɩ? 30Mɩɩ ba jaa ɩ̃ tɛrɛ a tʋɔfʋ kpaara nɩ a wʋlɩ̃sɩ deme mɩɩ? A ba jaa ɩ̃ ma ƴɛrɛ a ƴɛr-bɔ̃w-faarsɩ, mɩɩ ma lɩɛbɛ a ana ƴɛr-bɔ̃w-faarsɩ naa? 31Nyɩ́ tɩɩ bʋɔrɔ a Naaŋmɩn Sɩɛ tʋmɔ ala na bɛrmɛ.
Ɩ̃-cɛ a ƴɛ̃ƴɛrɩ̃ na ɩ̃ na miil nyɩ na sɔr kãw na lɛ sa a ala a jaa.
Currently Selected:
1 Kɔrɛ̃tɩ Sɛbɛ 12: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
