MALAKI 4
4
Eaweeda NG'UTAMIIDA ghwahidu
1“Aba gideaba ng'ula, eaweedida gayghwahidu, nea ghwayeat gawuurji duwayda, nea fuga sean bea ghwarjeeda ea fuga sean sin ng'asheega munyas gayghoah mbarariida; nea eaweecheanji jea ghwahiduun gayghwalas uhuuda, gwarugu NG'UTAMIIDA bea lugweega, ak ea mayghwanung'wa heeda hawunyeanda ghana damealeanda. 2Nea agoogeeda awali gheawungeasu gaygoorearseegwa aseeta doobiiwnata, nea gwandeawa giiheapta aba meang'eagaaschi. Ak gajaweayeena nea gheadaanghandi muhooga seamooda. 3Ak gajooleapsiina ng'eanyi fuga munyas, ak ghoah deareeda aba jeeda geeshangeagwa, aba eaweeda jea dagadiyeewa, gwarugu NG'UTAMIIDA bea lugweega.
4“Apkaada deaweedeeda siideanyu bea gadiyeeda was Musa, digheanyeeka ea deaweedajeega ghayi earukusi niny aba Horebu aba badayda Israeleesean.
5“Ng'ula, aniini gaydeajeagu Eliyaheeda was sibaneeda heeda mii ghwahina eaweeda haw muy bea NG'UTAMIIDA. 6Ak gayghwayam gurooruunatka ghweaniga gagal diibiga nyaawa ak ghwayam gurooruunatka diibiga gagal ghweaniga nyaawa, gajiidu ghaahidu ak ghaalaschi ng'eanyiida aba mooshteayda.”
Currently Selected:
MALAKI 4: BG15
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.