Barua ya Tito 2
2
1Kake iwe rera mboni tilya tilunganaa na miloshie ya iniinga mirima muu 2sheeli vasuṛi vave vandu vataṛemie na wari, vave na nsendo nnuru, vave na uṛango, vave vesha ikusureń na ikundeń na isisirień. 3Mfo kuro ikimba na vakyeku vave na weendo lusumani na vasongori. Vatave vaṛiingi ana manya vatave vanwa wari mwiingi, kake vave valosha finuru, 4amu vaniinge vaka valya vakoo uṛango vakunde womi vawo na ikunda na vana vawo 5na iva na sonu shisha. Vave vanuru na iṛunda mashoṛa a isumanisa numba tawo na iindia womi vawo veni, amu kirero kya Iṛuva kitarumwa. 6Mfo kuro na womi vakoo kuvaikimbe vakaa na usuro. 7Kari ka findo foose kuvairie mbele iwe ku muni kwivaorusaa mitanie minuru, na ilosha kuvaloshe miloshie yafo na usaaṛi loose ateefo malomi. 8Kwanisa kirero kya itiniinga ikia kitairio̱ ngani, amu ulya wa ngani asuke atamakii irera nta kirero kimwi kya itisuta. 9Ikimba masinga aindie womi vawo na ivasenya findoń foose vatave vaira ngani. 10Manya vatave vaiva, kake vaoruse usongovisi usha loose, amu vaambike ufundo lwa Iṛuva nkiṛa weru findoń foose.
11Amu ililia lya Iṛuva lyallolika lya ikiṛa vandu woose. 12Nalyo likee itifunda tilakane na mikae yoose mikasha isule Iṛuva ya kunu isangeń. Na ikaa tikaa na useli na usumani na usha kyeeri tikikee kunu isangeń ili. Na iva tive vandu vavereaa Yesu Kristo na ikusura, 13kumande ashaa na unini, amu yye Iṛuva weru na nkiṛa weru nnini. 14Na nkiṛa uu yye akuniingia kiimba kyeru. Na kiteveto katana kuro, naamu atitaue ukasheń loose na itisangya atisangye mirima, neese tive vandu vamwi vatomari vawore mitanie minuru. 15Rera firero fo kuvaikimbe na ivareria na finya toose. Manya kutailwa nta ni nndu umwi.
Currently Selected:
Barua ya Tito 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
