Barua ya Vafilipi 2
2
1Kyasia kwakooya liifo kwanu ilembwalembwa lyukie kwa Kristo ana kwakooya mukee ikuwiiṛia muu na ikunda ana kwakooya liifo ilungana na Mumuyo ana kwakooya muwore nrima wa ikuva-vio̱ mmuu na ililia, 2kikawa kuro kwanu awutień ifura lyakwa mwikaa na nrima umwi na ikunda lya ikundana nndu woose na uroe na iva na nrwe umwi. 3Manya mutatani nta kindo mwivinganaa ana ikwomuya ukuṅinisi lwa ruu. Kake nndu woose akuware na ukunyiisi ataale uroe sheeli ni nnini kita ye. 4Manya nndu atalle filya fikee famwi ye muni da ndi, kake nndu woose alle na fa vengi.
5Muve na mikae ilya sheeli na Yesu Kristo eekee nayo. 6Ye lla kasa eekee mbele wa mikae ya Iṛuva, nta akuvakanisa na Iṛuva sheeli nkindo kyawara kiwie ndi. 7Kake akuuta unini lwamwi kawara mikae ya iketi kakuvakanisa na vandu kalolio̱ akee wa mifwanie ya nndu. 8Kakunyiisa kairikia Iṛuva kumande ufuń, ni ufu lwa kulya nsalabeń. 9Kiimba kya iki Iṛuva aṅṅinisa nnu kanniinga unini lukilie ngyunini toose. 10Amu nri tifwiṛio̱ si mbele ya unini lwa Yesu ta woose veefo iṛuvewu na isangeń na kwa si ya isanga, 11na ngyulumi toose tirambue sheeli Yesu Kristo yye Nndumi na iitikisa Iṛuva Nde.
12Vakunde vakwa, sheeli mundeshiirikia mikonu yoose nta nkyeeri niń niikee kwanu da ndi, kake alli nkya mmwasi ili nteefo kwanu, awutień ikiṛwa lyanu mu veni mwieṛeaa na irerema. 13Amu Iṛuva yye amuṛundiaa mirimiń yanu eemuniingaa finya ya ibooka mashoṛa anu na yamarisia, amu munsenye. 14Taniń foose liteefo iṅu-ṅura ana inunua, 15amu muve va usuro na vasaari mukee vana va Iṛuva vatawore ilomi kari ka kishuku ki kya nkuushu. Kari kawo mulolikie sha langa ikee imulika isanga ili. 16Wareń kirero kilya kinnde muu, nań nkooye tikisi yakwa ishivie nkonu ulya wa Kristo, fulya ntanderisha kya ruu ana ikwatara kya ruu. 17Kake na kwakooya kyashiwara iniingia muu wakwa kiimba kya iṛundia ikusura lyanu uve sha kindo kya irasa, noore ifura, ni ifura lishilungie neeni mu woose. 18Mfo kuro da neeni fureń na ifura lyanu limulunge nań.
19Vverie Nndumi Yesu airikie nrume Timoteo kwanu ree, amu nrima wakwa wimuye, ili mmanyaa mboni tanu kasa tikai. 20Amu noore nndu ungi tiirikiani nrimiń sha uu ndi, nae akwatariaa mboni tanu dede. 21Amu woose vasoṛaa kilya kikee kyawo, vasoṛaa kilya kikee kya Kristo Yesu ndi. 22Kake ye mumwishi sheeli awore usuro, amu sheeli mwana aṛundiaa vaava wamwi, mfo kuro da andeṛunda mashoṛa a ikwanisa nrumi shisha andu emwi nań. 23Kyasia noore ba kundo ninrumaa ree, ili llohaa kasa mboni takwa timarisikiaa. 24Iki nakyo nkiwore nrimiń sheeli Nndumi ashiniingaa nań nshe kwanu ree. 25Kake nankabiṛio̱ nrimiń wwiiṛe Epafurodito kwanu. Ye mmwanama na uṛoe wakwa wa mashoṛa na wa fira, lingi mundenruma kwakwa asheendie findo fanu fa ishilela muu. 26Amu andelanga nnu imulolia mu woose kanaria, fulya mweemiitaa sheeli alole. 27Nae eelolee dede kufui ya ufu. Kake Iṛuva kalliha, lingi nta yye muni da ndi, kake na akwaa nniń da, amu ntawoywa ni unario na unario. 28Kwa ikyo nammwotoṛa ree nnu, amu mukwanie nae na ifura lingi, nań unari lushaanguye. 29Kyasia wwarień mukee va Nndumi na ifura lyoose, na womi vakee kuro vaindień. 30Amu kwa kiimba kya ishoṛa lya Kristo aserikia ufu, nta iringa muu wamwi eelangaa yengeṛia kilya kitaare ini mwikee imakii ishiṛundia.
Currently Selected:
Barua ya Vafilipi 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
