Barua ya Vakorinto ya kavili 9
9
1Kiimba kya miningie ilya ya iṛundia vasongori valya ifo Yerusalemu nkimuiaa kingi ndi. 2Amu niishi ikudeeṛia lyanu nkee ilikwitikisia kiimba kyanu kwa Vamakedonia: Sheeli kulya Akaya veemmaa ikudeeṛia wansia mwaka umwi. Na utomari lwanu lundeniinga veengi vawo finya. 3Kake nnderuma vanavamae wo veru, amu ikwitikisa lyeru kiimba kyanu litakashaa, kake amu mukudeeṛie deń sheeli neemmaa irera. 4Amu ili nshaa nriani na Vamakedonia na imukooya kitaare mwankudeeṛia titashe isuka ise — manya ntarere neeni — mikaeń iyo teemmaa ikusura. 5Kyasia nndelolia sheeli kyawara niikimbe vanavamae va vabooke ifika kwanu vabooke iitiṛimu miniingie ya ikunda lyanu mweenrekiaa kuuka mbele ikooye yammaa iitiṛimwa, amu ive miniingie ya ikunda lya dede itakee ya unyuku.
6Kake nkee irera kirero ki: Ulya aveekiaa fa unyuku eelulaa fa unyuku. Na ulya aveekiaa fa usha mfo kuro nae eelulaa fa usha. 7Nndu woose aniingie sheeli abooka ikusaṛa ifo nrimiń wamwi, ataniingie na unario ana ikabiṛio̱ ndi. Amu “ulya akee iniingia na kisangu kyeelwa ito yye Iṛuva artkundie“. 8Na Iṛuva amakii imwavia mboṛa yoose kwa wiingi, amu mukooye foose fimutinye fa imufila mikonu yoose. Lingi na isaa fisaa fa iṛunda mashoṛa woose manuru. 9Sheeli kyatisiṛwa: ”Eeṛa fiingi kaavia na iwo vakiva, na usha lwamwi lukaa miṛeṛe“. 10Kake uu akee iniinga muveekia mbeu anniingaa na nkate wa ilya, yye amuniingaa neeni mbeu na iifumbuta, nae eengeṛiaa iilula lya usumani lwanu. 11Kuro muvaa vayamasaa findoń foose muve vandu va mirima iwore kirero kimwi tubu. Ii yyo iṛundiaa Iṛuva mashoṛa na itiniinga maakoń miniingie ya imwitikisa. 12Amu uṛundi lwa mashoṛa va lwawutiaa vasongori valya wavi lwa yanguywa da, kake lukwengeṛiaa nnu iva na mbusha waanuń wiingi lukee iniingio̱ Iṛuva. 13Fulya mukee yelelio̱ uṛundiń ilo, nawo veetikisaa Iṛuva kiimba kya windi lwanu lwa irambua nrumi shisha ya Kristo na kiimba kya miniingie yanu ya ivalilia mundeelekiana nawo na vandu woose. 14Nawo veni vamutereviaa veevaa na umuye kya uwoo lwa Iṛuva lufumbukie kwanu. 15Iṛuva aanwa kya kiniingo kyamwi kikilie firero foose fa ikiṅinisa.
Currently Selected:
Barua ya Vakorinto ya kavili 9: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
