Barua ya Vatesalonike ya mbele 1
1
1Ise Paulo na Silwano na Timoteo teesana siṛi ya kwa Vatesalonike ilungani na Iṛuva Nde na Nndumi Yesu Kristo. Uwoo lukaa neeni na unambwe!
2Tikee yaana Iṛuva mikonu yoose kiimba kyanu mu woose tiimusendaa ifo fiterewoń feru. 3Amu tilemwaa ikumbua mbele ya Iṛuva Nde yeru mashoṛa anu a ikusura ndi na ngatara tanu ta ikunda na isisiria lyanu lya iverea isha lya Nndumi weru Yesu Kristo. 4Amu vanavama mukundio̱ ni Iṛuva, tiishi sheeli mukee vasaue. 5Fulya nrumi ii yeru ya ifura nta yamufikia kwa firero fo feni da ndi, kake ikaira finya na yavio̱ Mumuyo Nsongori na irambuka iingi. Neeni mwishi sha lia tikee na mikae yeru kwanu kiimba kyanu. 6Mukava vatilatia na va Nndumi ili mundemaa iwaria kirero kilya na ifura lyukie kwa Mumuyo Nsongori, lla kasa ngatara tanu tiikee shiingi. 7Nakyo kikamwendie nsendo kwa vandu woose vakusurie ifo Makedonia na ifo Akaya. 8Amu kuuka kwanu kirero kya Iṛuva kyamuuka kikaitiwa ifo Makedonia na Akaya da ndi, kake na akwaa nkundo koose mboni ya ikusura lyanu lya ikusura Iṛuva ikamanyika. Ana nta tiwore kiteveto kya irera kindo ndi. 9Fulya vandu vakee irambua wo veni mboni teru kasa mundetiwaria ili tindesha kwanu, na sheeli mundeaṛukia Iṛuva mukatia-wo fifu, amu muṛundie Iṛuva muni muu akee wa udede 10na iverea Mwana wamwi ashe auka iṛuvewu, nae yye andenduta kuuka kwa vafu, nae yye Yesu mutikiṛa uumisio lua lukaa lushe.
Currently Selected:
Barua ya Vatesalonike ya mbele 1: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
